Filipi 3:16 - Chuukese Bible

¹⁶ Nge ousipwe chök fefetal ngeni mwach lon pwüngün ekewe allük sia fen aleasochisi tori iei.

Filipi 3:16 Iomraidhean Croise

Nöün Paulus Toropwe ngeni ekewe Souläng lon Rom 12:16

Oupwe tipeeufengen lefilemi. Ousap lamalamtekia, nge oupwe tipeni le föri angang mi tekisoson. Ousap ekieki pwe oua tipachem.

Nöün Paulus Toropwe ngeni ekewe Souläng lon Rom 15:5

Nge Kot, i popun ach likitü me ach küna pöchökülen letipach, epwe atufichikemi pwe oupwe tipeeufengen lefilemi ren ämi apirü föförün Kraist Jesus,

Kalatia 5:7

Oua fokun fefeitä lon ämi lükü Kraist! Iö a aükätiu ämi aleasochisi mine a let? Ifa usun an pesekemi?

Kalatia 6:16

Kinamwe me tong epwe nom ren chokewe meinisin mi aleasochisi ai kei kapas lon manauer, ewer, epwe nonom rer pwal ren nöün Kot kewe aramas meinisin.

Filipi 1:27

Iwe, iei ewe mettoch mi aüchea, pwe lapalapen manauemi epwe fich ngeni ewe Pworausen Manau usun Kraist. Mürin ese lifilifil ika ngang üpwe tongeni feila churikemi ika üsap, nge üpwe rongorong pwe oua üppos lon eu chök popun, oua pwal achocho le ütä lon eu chök tip fän iten ämi lükü ewe Pworausen Manau.

Filipi 2:2

Iei mine üa pese ngenikemi ämi oupwe föri met ai pwapwa epwe unus ren. Oupwe eäni eu chök ekiek, eu chök chen, oupwe pwal ngün eu me tipeeu.

Filipi 4:2

Ngang üa tüngormau ngenikemi Eutia me Sintike, ouse mochen oupwe tipeeufengen usun chök pwipwi lon ach Samol.

Kolose 2:6

Pokiten oua fen etiwa Kraist Jesus pwe ämi Samol, oupwe le sopwela lon ämi nonom lon i.

Kolose 4:2

Oupwe likitü o mamasa lon ämi iotek, oupwe pwal iotekin kilisou ngeni Kot.

Pwärätä 3:3

Iei mine kopwe chechemeni mine ka kaiö o mine ka rongorong, kopwe aleasochis o aier seni om tipis. Nge are kosap nela, üpwe feito womw usun eman chon solä, nge kosap silei ewe otun üpwe feito reöm.