Filipi 3:14 - Chuukese Bible

¹⁴ Iei mine üa säwenewen ngeni ewe sopolan ai üpwe angei ewe win, iei än Kot kö ren Kraist Jesus ngeni ewe manau esemüch.

Filipi 3:14 Iomraidhean Croise

Lukas 16:16

“Än Moses kewe Allük me mine a mak lon ekewe puken soufos ra rongofeil tori fansoun Johannes Soupapatais. Seni ena fansoun ewe Pworausen Manau usun Mwün Kot a chöfeil, nge aramas meinisin ra pöchökülelong le tolong lon.

Nöün Paulus Toropwe ngeni ekewe Souläng lon Rom 11:29

Pun Kot esap akasiwili ekiekin letipan ren iö a filätä o afeiöchü.

1. Korint 9:24

Ousap silei pwe ekewe chon kitir meinisin ra sä lon lenien kitir, nge eman chök leir a angei winnan? Iei mine oupwe kitir, pwe oupwe angei winnemi.

2. Korint 4:17

A müchükai ach riaföü, a pwal pal, nge epwe atoto ngenikich eu watten ling esemüch a fokun lapalap seni ekei riaföü.

Filipi 3:3

Sap ir, nge kich sia angei ewe enletin sirkomsais, pun sia fel ngeni Kot ren Ngünün, sia pwapwa lon manauach lon Kraist Jesus, nge sisap anomu ach apilükülük won met sia föri ngeni inisich.

Kolose 2:18

Ousap mwüt ngeni eman epwe angei senikemi winnemi, ewe mi apasa pwe a tekia pokiten künaan mi mürina, a pwapwaiti an epwe atekisonamwälietiu o fel ngeni chon läng. Ei sokun aramas a sikesik ren ekiekin fituk, nge esap wor popun an epwe föri iei usun,

1. Tesalonika 2:12

Äm aia apöchöküla letipemi o aururukemi, aia pwal allük ngenikemi pwe oupwe manaueni ewe sokun manau mi apwapwai Kot, ewe mi körikemi pwe oupwe eti i lon Mwün me lingan.

2. Timoty 1:9

I a amanauakich o körikich pwe sipwe manaueni eu manau mi pin, sap pokiten ach föför, nge pokiten püsin an ekiek me an ümöümöch. A ngenikich ei ümöümöch lon Kraist Jesus mwen fanüfan esamwo wor,

Ipru 3:1

Iei mine ämi pwii kana souläng mi pwal kö me ren Kot, oupwe fokun ekieki usun Jesus, ewe Soukünö me Souasor mi Lap sia pwärätä usun.

Ipru 6:1

Iei mine sisap chüen eäni ekewe lepoputän lessen usun Kraist, nge sipwe sopwela ren ekewe afalafal mi fich ngeni chokewe mi mirit lon ar souläng. Sisap chüen aliwinisefäli ngenikemi ewe afalafalen longolongun ach souläng usun ach aier seni ekewe föför mi lomotongau, usun ach lükü Kot,

1. Petrus 1:13

Iei mine oupwe amolätä ekiekimi ngeni ei angang. Oupwe püsin tümwünükemi o fokun anomu ämi lükülük won ewe feiöch epwe torikemi lupwen Jesus Kraist epwe pwäto.

1. Petrus 5:10

Nge mürin ämi küna riaföü lon fansoun mochomoch, ewe Koten ümöümöch meinisin mi körikemi pwe oupwe eti lon an ling esemüch lon Kraist, i epwe püsin aunusöchükemiila, epwe anükücharakemi o apöchöküla letipemi, pwe oupwe nük lon ämi lükü Kraist.

2. Petrus 1:3

Än Kot manaman mi pin a fen fang ngenikich meinisin mine a lomot ngeni ach manaueni eu manauen souläng mi enlet ren ach silei i, ewe mi körikich pwe sipwe angei wisach lon an we ling me kirikiröch.

Pwärätä 3:21

Iö mi pwora ngeni mine a ngau üpwe mwüt ngeni pwe epwe etiei le mot won ewe lenien motun king, usun pwal ngang üa pwora o mot ren Semei won an lenien motun king.