Filipi 3:12 - Chuukese Bible

¹² Üsap apasa pwe üa fen apwönüetä ekei mettoch ika üa fen unusöchüla lon. Nge üa chök achocho ngeni ai üpwe angei ewe win, pun iei mine Kraist Jesus a turufiei ren.

Filipi 3:12 Iomraidhean Croise

Hiop 17:9

Iei mwo nge ekewe chon pwüng ra chök föföri mine a pwüng, nge chokewe mi limöch pöür ra chök pöpöchökülela.

Kölfel 119:5

Amwo üpwe likitü le apwönüetä om kewe allük.

Kölfel 138:8

Ai Samol mi Lapalap, kopwe apwönüetä ekiekin letipom ngeniei. Ai Samol mi Lapalap, om tong ellet a nonom tori feilfeilachök. Kosap likitala ewe angang ka popuetä.

Kölfel 42:1

Usun eman chia a positi lölön chanpupu, iei usun ngang üa posituk, ai Kot.

Kölfel 63:8

Üa fitipacheituk, pöüifichum a amwöchüeitä.

Kölfel 84:2

Üa fokun positi ai üpwe nom lon imwen ewe Samol mi Lapalap, ewer, üa aiengau ren. Lelukei me inisi ra kölün pwapwa ngeni ewe Kot mi manau.

Kölfel 94:15

Angangen kapwüng epwe longolongsefäl won pwüng, nge meinisin mi wenechar lon leluker repwe tipeeu ngeni.

Än Salomon Fos 4:18

Ewe al ekewe chon pwüng ra fetal won a usun chök saramen ünümweerän mi chök sasaramala tori a unusen ränila.

Aisea 51:1

Ewe Samol mi Lapalap a apasa, “Oupwe aüselingaei, ämi mi mochen küna manau, ämi mi feito rei pwe üpwe alisikemi. Oupwe nenengeni ewe achau oua fal seni, pwal ewe lenien föüföü oua tu seni.

Osea 6:3

Ousipwe achocho ngeni ach sipwe silei ewe Samol mi Lapalap. Usun mal a tö iteiten lesosor, iei usun epwe fokun waroto. Epwe wareitikich usun püngün üt, usun ekewe ütten leres mi achöchönü fanüfan.”

Mateus 5:48

Iei mine ämi oupwe unusöch usun Sememi mi nom läng a unusöch!

Föför 9:15

Nge ach Samol a üreni Ananias, “Kopwe feila, pun ei mwän üa filätä pwe epwe angang ngeniei, epwe asilefeili itei ngeni chon lükün Israel, ngeni ekewe king pwal ngeni chon Israel.

Nöün Paulus Toropwe ngeni ekewe Souläng lon Rom 8:39

esap pwal ekewe mettochun pekitä are ekewe mettochun pekitiu, esap fokun wor och lein förian kewe meinisin epwe tongeni aimwüfesenikich seni än Kot we chen mi torikich lon Kraist Jesus ach Samol.

1. Korint 13:10

nge lupwen epwe war met mi unus, mürin met esap unus epwe müchüla.

1. Korint 13:12

Pun mine sia küna iei a usun chök ngününgünün mettoch mi toputop lon kilas, nge mürin sipwe tongeni wesewesen küna fatöchün ren mesach. Met ngang üa silei iei esap unus, nge mürin üpwe silei unusan, usun chök Kot a wesewesen sileei.

1. Korint 9:24

Ousap silei pwe ekewe chon kitir meinisin ra sä lon lenien kitir, nge eman chök leir a angei winnan? Iei mine oupwe kitir, pwe oupwe angei winnemi.

2. Korint 13:9

Äm aia pwapwa lupwen aia apwangapwang, nge ämi oua pöchökül. Iei mine aia iotek pwe ämi oupwe unusöchüla lon ämi souläng.

2. Korint 7:1

Ämi chiechiei kana mi achengicheng, Kot a fen ngenikich ekei kapasen pwon meinisin, iei mine sipwe püsin limetikich seni sokun limengauen inis me ngün, o sipwe manaueni eu manau mi unusen pin lon ach niuokusiti Kot.

Kalatia 5:17

Pun mochenin fitukach a ü ngeni mine Ngünmifel a mochen, iwe, mine Ngünmifel a mochen a ü ngeni mochenin fitukach. Ekei ruu mochen ra üküfengen, wewen pwe ousap tongeni föri met oua mochen föri.

Efisos 1:4

Kot a afilikich lon Kraist me mwen än fanüfan esamwo fis, pwe sipwe pin o unusöch me mwen mesan.

Efisos 4:12

A föri ei pwe epwe amolöchü nöün Kot kewe aramas meinisin fän iten ewe angang souläng ra wisen föri, pwe repwe apöchökülätä ewe inisin Kraist.

Filipi 1:1

Äm Paulus me Timoty, äm nöün Kraist kewe chon angang, aia kapong ngeni ekewe chon pin lon Kraist Jesus mi nom lon Filipi, pwal ngeni ekewe soumasen mwichefel me ekewe sounkoa:

Filipi 3:16

Nge ousipwe chök fefetal ngeni mwach lon pwüngün ekewe allük sia fen aleasochisi tori iei.

Filipi 3:3

Sap ir, nge kich sia angei ewe enletin sirkomsais, pun sia fel ngeni Kot ren Ngünün, sia pwapwa lon manauach lon Kraist Jesus, nge sisap anomu ach apilükülük won met sia föri ngeni inisich.

Filipi 3:8

Nge sap ikei chök. Ngang üa ekieki pwe mettoch meinisin ra fokun aücheangau fän iten ewe eu mi fokun aüchea seni meinisin, iei ai silei Kraist Jesus ai Samol. Pun fän itan üa pöütala meinisin, üa ekieki pwe meinisin ra usun chök pipi lon lenien koturula, pwe üpwe eäni Kraist

1. Tesalonika 5:15

Oupwe pii pwe esap wor eman epwe liwiningauei föföringauen eman ngeni, nge fansoun meinisin oupwe achocho le föri mine a mürina lefilemi, pwal ngeni aramas meinisin.

2. Tesalonika 2:13

Iwe, äm aipwe fokun kilisou ngeni Kot fansoun meinisin fänäsengesimi pwiim kana mi chen me ren ach Samol. Pun seni lepoputän, Kot a afilikemi pwe oupwe küna manau ren än Ngünmifel apinikemi, pwal ren ämi lükü ewe kapas mi let.

1. Timoty 5:10

a pwal sil me ren aramas ren an föför mürina, a foleniöchü nöün kana, a etiwaöchü wasöla lon imwan, a talü pechen ekewe chon pin, a alisi aramas mi nom lon osupwang o fokun achocho le föri föför mürina fansoun meinisin.

1. Timoty 6:19

Ren ei repwe iseis fän iter och wöü epwe eu longolong mi nükünük fän iten ewe fansoun epwe feito. Mürin repwe angei ewe manau, iei ewe enletin manau.

Ipru 12:14

Oupwe achocho ngeni ämi oupwe kinamwefengen me aramas meinisin, oupwe pwal achocho ngeni ämi oupwe manaueni eu manau mi pin, pun esap wor eman epwe küna ach Samol are esap pin.

Ipru 12:23

Oua feito ren ewe mwichen souläng mi usun chök nöün Kot kewe mwänichi, ra chufengen fän pwapwa, iter a mak lon läng. Oua feito ren Kot ewe soukapwüng fän iten aramas meinisin, pwal ren ngünün ekewe chon pwüng mi unusöch.

Ipru 13:21

epwe atufichikemi ren mettoch meinisin mi mürina, pwe oupwe föri letipan. Epwe föri loch ren Jesus Kraist mine i epwe pwapwa ren. Kraist epwe ling tori feilfeilachök! Amen.

James 3:2

Kich meinisin sia mwälila fän chomong. Nge are eman aramas esap fokun mwälila won mine a apasa, i eman mi unusöch, a pwal tongeni püsin nemeni unusen inisin.

1. Petrus 5:10

Nge mürin ämi küna riaföü lon fansoun mochomoch, ewe Koten ümöümöch meinisin mi körikemi pwe oupwe eti lon an ling esemüch lon Kraist, i epwe püsin aunusöchükemiila, epwe anükücharakemi o apöchöküla letipemi, pwe oupwe nük lon ämi lükü Kraist.

2. Petrus 3:18

Nge oupwe chök mämäritä lon än ach Samol me Chon Amanau Jesus Kraist ümöümöch me silelap. I epwe ling ikenai tori feilfeilachök. Amen.