Filipi 3:11 - Chuukese Bible

¹¹ Pun üa apilükülükü pwe ngang üpwe eti ewe mwen manausefäl seni mäla ngeni manau.

Filipi 3:11 Iomraidhean Croise

Kölfel 49:7

Ellet esap wor eman a tongeni isetiu penmanauen pwin ika ngeni Kot liwinin manauan.

Lukas 14:14

Iwe, ren ei kopwe feiöch, pun resap tongeni aliwini ngonuk mine ka föri ngeniir. Kot epwe liwini ngonuk lon ewe ränin manausefälin ekewe chon pwüng.”

Johannes 11:24

Marta a pölüeni, “Ngang üa silei pwe epwe manausefälitä lon ewe ränin manausefäl lesopolan fanüfan.”

Föför 23:6

Iwe, lupwen Paulus a küna pwe ekoch chon ewe mwich ir Satusi, nge pwal ekoch ir Farisi, a leüömong le kapasowu ren ewe mwichen soupwüng, “Ämi pwii kana re Israel! Ngang eman Farisi, nöün eman Farisi. Üa kapwüng ikei pokiten ai apilükülük pwe ekewe mi mäla repwe manausefäl!”

Föför 26:7

ewe chök pwon aramasach kewe seni ekewe engol me ruu ainang ra apilükülükü pwe repwe angei lupwen ra fel ngeni Kot lerän me lepwin. Iwe, ämäfen king, pokiten ei apilükülük ekewe chon Juta ra atipisiei ren.

Föför 27:12

Ewe lenien ilen sip esap öch ar repwe mamaram ikenan tori lesopolan lefen. Iei mine chomong me lein ekewe mwän ra tipeeu ngeni ar repwe sai seni ikenan o ra sotuni ika repwe tori Föniks pwe repwe mamaram ikenan. Föniks eu lenien ilen sip lon Kreta mi sape ngeni lotou-ör me lotou-äfeng.

Nöün Paulus Toropwe ngeni ekewe Souläng lon Rom 11:14

Eli üpwe tongeni föri, pwe püsin aramasei repwe lolloletä, pwe lupwen üpwe angang ngeniir, Kot epwe amanaua ekoch me leir.

1. Korint 15:23

Nge meinisin repwe manausefäl lon en me tettelin: Kraist a akom, mürin chokewe ir nöün Kraist repwe manausefäl lon fansoun an liwinsefäl.

1. Korint 9:22

Lupwen üa nom lein ekewe mi apwangapwang lon ar lükülük, üa usun chök eman mi apwangapwang me leir, pwe üpwe asoulängirela. Iei usun üa manaueni sokun manau meinisin lein sokun aramas ese lifilifil, pwe üpwe tongeni amanaua ekoch me leir ren met epwe tufich ngeniei.

1. Korint 9:27

Üa fokun pöchökül ngeni inisi o anomu fän nemeniei, pwe üsap afalafala ekoch, nge püsin ngang üa lipwäkingau.

2. Korint 11:3

Nge ngang üa niuokus pwe usun ewe serepenit a atupu Efa ren an tipachemsolä, iei usun ämi ekiek epwe tokola seni ämi enletin echeni Kraist fän allükülük.

1. Tesalonika 3:5

Iei popun üa tinala Timoty, pun üsap chüen tongeni engila ngeni ai üsap silei pworausemi. Iei usun üa tinala i an epwe pii ika ifa usun ämi lükülük. Ewer, üa chök niuokus ika Tefil a sotunikemi o äm angang meinisin epwe lomotongau.

2. Tesalonika 2:3

Ousap mwüt ngeni eman epwe atupukemi lon sokopaten angangen atuputup. Pun ewe Rän esap wareto mwen an epwe fis pwe aramas repwe üfengen me Kot o ewe Aramas mi Tipis epwe pwäto, i ewe epwe kiteterila lon ewe hell.

2. Timoty 4:8

Seni iei a iseis ngeniei ewe mwärin pwüng, ewe win ach Samol ewe Soukapwüng mi pwüng epwe ngeniei lon ewe Rän. Nge esap ngeniei chök, nge pwal ngeni chokewe meinisin mi fokun witiwiti an wareto.

Ipru 11:35

Ren än ekewe fefin lükü, ra angesefäli aramaser kewe mi mäla mürin ar manausefäl. Nge pwal ekoch aramas resap tipeeu ngeni ar repwe ngasala, iei mine ra mäla pokiten aramas ra fokun ariaföüür, pwe repwe manausefäl ngeni eu sokun manau mi fokun mürina.

Pwärätä 20:5

(Nge ekewe lusun mi mäla resap manausefäl tori ekewe engeröü ier repwe sopola.) Iei ewe aeuin manausefäl.