Filipi 3:10 - Chuukese Bible

¹⁰ Üa fokun mochen ai üpwe silei Kraist o mefi manamanen an manausefäl, üpwe pwal eti i lon an riaföü, pwe üpwe wewe ngeni i lon an mäla.

Filipi 3:10 Iomraidhean Croise

Jeremaia 9:23

Iei alon ewe Samol mi Lapalap, “Eman aramas mi tipachem esap aingaing fän an silelap, eman mi pöchökül esap aingaing fän an pöchökül, nge eman mi pisekisek esap aingaing lon an wöü.

Mateus 20:23

Jesus a üreniir, “Ewer, oupwe fokun ün seni ai we kap. Nge esap wor ai pwüüng ai üpwe filätä iö epwe mot lepelifichi me lepelimöngi. Ekei leni Semei a amolätä fän iten chokewe i a filiiretä.”

Johannes 10:18

Esap wor eman epwe angei seniei manauei, nge üa fangala seni püsin letipei. Mi wor ai pwüüng ai üpwe fangala, a pwal wor ai pwüüng ai üpwe angeesefäli. Iei usun mine Semei a allük ngeniei, pwe üpwe föri.”

Johannes 17:3

Iwe, iei manau esemüch: Ar repwe silei en, ewe eman chök Kot mi let, repwe pwal silei Jesus Kraist, ewe ka tinato.

Nöün Paulus Toropwe ngeni ekewe Souläng lon Rom 8:17

Nge pokiten sia nöün Kot, sipwe feiöchüni ekewe feiöch i a amolätä fän iten nöün kana, sipwe pwal eti Kraist le wöüni ekewe wöün Kot a amolätä fän itan. Pun are sia eti Kraist lon an riaföü, sipwe pwal eti i lon an ling.

Nöün Paulus Toropwe ngeni ekewe Souläng lon Rom 8:29

Iwe, chokewe Kot a fen filiiretä me lom a pwal aimwürela pwe repwe wewe ngeni Nöün we lon lapalapan, pwe i ewe epwe mwänichi lein pwiin kewe mi chomong.

Nöün Paulus Toropwe ngeni ekewe Souläng lon Rom 8:36

Pun iei usun a mak lon ewe Toropwe mi Pin, “Fansoun meinisin aia nonom lon feiengauen mäla fänäsengesum. Ra ekieki pwe äm aia wewe ngeni sip mi amol ngeni ar repwe ninnila.”

2. Korint 1:10

I a angasakem seni ekewe feiengauen mäla, i epwe pwal fokun angasakem. Äm aia anomu äm apilükülük won, pwe epwe sopwela le angasakem,

2. Korint 1:5

Pun usun sia eti Kraist lon an kewe riaföü mi chomong, ina usun sia pwal angei ewe chip mi lapalap me ren Kraist.

2. Korint 13:4

Pun inamwo ika Kraist a iräpenges lon an apwangapwang, nge a manau ren än Kot manaman. Pwal äm aia apwangapwang lon Kraist, nge ren manamanen Kot aipwe eti Kraist le manau, pwe aipwe angang ngenikemi.

Kalatia 2:20

iei mine sap ngang üa chüen manau, nge Kraist a manau loi. Ei manau üa manaueni iei üa manau ren ai lükü ewe Nöün Kot mi echeniei o fangala manauan fän itei.

Kalatia 6:17

Iwe, lesopolan ai kei kapas: Esap wor eman epwe chüen aweiresiei, pun ekewe lemon kinas mi nom won inisi ra pwärätä pwe ngang nöün Jesus amanau.

Efisos 4:13

Iei usun oukich meinisin sipwe achufengenikich pwe sipwe eufengen lon ach lükü Jesus pwal lon ach sileöchü ewe Nöün Kot. Sipwe eäni tipen mwän lon manauach, pwe sipwe tori ükükün ewe unusöchün Kraist.

Filipi 3:8

Nge sap ikei chök. Ngang üa ekieki pwe mettoch meinisin ra fokun aücheangau fän iten ewe eu mi fokun aüchea seni meinisin, iei ai silei Kraist Jesus ai Samol. Pun fän itan üa pöütala meinisin, üa ekieki pwe meinisin ra usun chök pipi lon lenien koturula, pwe üpwe eäni Kraist

Kolose 1:24

Iwe, iei üa pwapwa lon ai riaföü fänäsengesimi, pun ren ai riaföü lon inisi üa alisi le aunusöchüela mine esamwo unus lon än Kraist riaföü fänäsengesin inisin we, iei ewe mwichefel.

Kolose 2:13

Me lom oua mäla lon pekin ngün pokiten oua tipis, pwal pokiten oua chon lükün Israel, esap nom remi än Moses kewe Allük. Nge iei Kot a amanauakemi fiti Kraist. A amusala ach tipis meinisin

Kolose 3:1

Iwe, pokiten oua manausefäl fiti Kraist, iei mine oupwe anomu ämi ekiek won ekewe mettoch mi nom läng ia Kraist a mot ie won an lenien mot mi nom lepelifichin Kot.

1. Petrus 1:3

Ousipwe mwareiti Kot ewe Semen ach Samol Jesus Kraist! Pun lon an tong mi lapalap a aupusefälikich ren än Jesus Kraist manausefäl seni mäla. Ei a aurakich ren eu apilükülük mi manau,

2. Petrus 1:13

Üa ekieki pwe a chök pwüng ngeniei ai üpwe achema ngenikemi usun ekei mettoch lon ükükün fansoun üa chüen manau.

1. Johannes 2:3

Are sia aleasochisi än Kot kewe allük, iwe, sia lükü pwe sia silei i.

1. Johannes 2:5

Nge are eman a aleasochisi an kapas, an echeni Kot a wesewesen unusöchüla. Iei met sia tongeni silei ren pwe sia nom lon Kot:

Pwärätä 1:18

Ngang ewe mi manau! Üa mäla, nge iei üa manau tori feilfeilachök. A wor ai nemenem won mäla me ewe lenien sotup.