Filipi 3:1 - Chuukese Bible

¹ Ämi pwii kana, iei amüchülan ai kapas ngenikemi: Oupwe pwapwa lon ach Samol. Üsap weires ren ai üpwe aliwinisefäli mine üa fen makkei ngenikemi me mwan, nge oupwe fen feiöch ren are üpwe föri iei usun.

Filipi 3:1 Iomraidhean Croise

1. Kronika 15:28

Iei usun chon Israel meinisin ra uwato än ewe Samol mi Lapalap we pworofel fän mweireiren pwapwa, fän tikin sokopaten rappwa, fän kaktai, pwal fän tikin kitar me ükülele.

1. Kronika 16:10

Oupwe fokun ingemwareiti itan mi pin. Chokewe mi kütta ewe Samol mi Lapalap repwe meseik.

1. Kronika 29:22

Iwe, lon ewe ränin, ekewe aramas ra mongö o ün me fän mesen ewe Samol mi Lapalap fän pwapwa mi lapalap. Mürin ra seikätä Salomon nöün Tafit we mwän fän aruuan pwe epwe king, ra epiti fän iten ewe Samol mi Lapalap pwe epwe nemeni Israel, ra pwal epiti Satok pwe epwe souasor.

Nehemia 8:10

Mürin, Nehemia a üreniir, “Oupwe liwiniti en me lenian, oupwe eni mongö mi anö o ünümi wain mi arar. Oupwe pwal tinala och seni enemi me ünümemi ngeni chokewe resap tongeni amolätä och. Pun ei rän a pin fän iten ewe Samol. Ousap letipeta, pun ewe pwapwa seni ewe Samol mi Lapalap epwe apöchökülakemi.”

Hiop 22:26

Iwe, mürin kopwe pwapwa ren Ewe mi Unusen Manaman o anetäi mesom ngeni Kot.

Kölfel 149:2

Chon Israel repwe pwapwa ren ewe chon föriir. Ekewe aramasen Sion repwe mwänek ren ar king.

Kölfel 32:11

Ämi chon pwüng, oupwe pwapwa o meseik ren mine ewe Samol mi Lapalap a föri. Oupwe mweireir fän pwapwa, ämi meinisin mi wenechar lelukemi.

Kölfel 33:1

Ämi chon pwüng, oupwe köl fän pwapwa ngeni ewe Samol mi Lapalap, A fich ngeni chon wenechar pwe repwe mwareiti i.

Kölfel 37:4

Ewe Samol mi Lapalap i chök epwe om pwapwa, nge i epwe ngonuk mochenin lelukom.

Kölfel 42:4

Lelukei a tatakis, lupwen üa chechemeni ekei mettoch: Usun üa eti ewe mwicheichen aramas o emweniir lon och tettel le feila ngeni ewe imwen Kot, eu mwichemongun aramas mi mweireiren pwapwa me kölün kilisou.

Kölfel 5:11

Nge chokewe meinisin mi anomu ar apilükülük womw repwe meseik, repwe köl fän pwapwa fansoun meinisin. Kopwe peni chokewe mi echenuk, pwe repwe ingemwareituk.

Kölfel 97:1

Ewe Samol mi Lapalap a nemenem, fanüfan epwe meseik, ekewe fanüen lematau meinisin repwe pwapwa.

Aisea 41:16

Iwe, kopwe söfölüretä pwe asepwäl epwe ässirela, nge mölümöl epwe atoropaseer. Nge en kopwe pwapwa rei, pun ngang om Samol mi Lapalap, kopwe pwal mwareitiei ngang Ewe mi Pin lon Israel.

Aisea 61:10

Üpwe fokun pwapwa ren ewe Samol mi Lapalap, ngüni epwe mwänek ren ai Kot. Pun a aüföüfa ngeniei manau, a pwal pwilitalong woi pwüng pwe ina üfei. Üa wewe ngeni eman mwän apwüpwülü söfö, a foutei ngeni foutan, üa pwal wewe ngeni eman fin apwüpwülü söfö, a mwärämwär mwärin fau aüchea.

Aisea 65:14

Nei chon angang repwe köl fän pwapwan letiper, nge ämi oupwe kechü fän weires o ngüngüres fän riaföün lelukemi.

Sowel 2:23

Oupwe mwänek, ämi aramasen Sion, oupwe pwapwa ren mine ewe Samol mi Lapalap ämi we Kot a föri. A fang ngenikemi üttomong o apüngätiu womi ütten lefen me ütten leres usun chök me mwan.

Sefanaia 3:14

Oupwe leüomong le köl fän pwapwa, ämi chon Israel! Oupwe meseik o mwänek ren unusen lelukemi, ämi chon Jerusalem!

Sefanaia 3:17

Ewe Samol mi Lapalap om we Kot a nom reöm, a wor an manamanen amanaua aramas. Epwe meseik reöm fän pwapwa, epwe asöföök ren an tong. Epwe ingemwareituk fän köl mi leüömong,

Sekaraia 10:7

Mürin, chon Israel repwe usun chök sounfiu mi pöchökül, repwe pwapwa usun aramas mi ün wain. Nöür kewe repwe küna ei o meseik, repwe ingemwareitiei ngang ewe Samol mi Lapalap.

Mateus 5:12

Oupwe pwapwa o mwanek, pun liwinimi epwe watte lon läng. Iei usun ra pwal ariaföüü ekewe soufos mi akom mwemi.

Lukas 1:47

Ngüni a pwapwa pokiten Kot ai Chon Amanau,

Nöün Paulus Toropwe ngeni ekewe Souläng lon Rom 5:11

Nge sap iei chök, pwe sia pwal pwapwa lon Kot pokiten ach Samol Jesus Kraist a achäfengenikich me Kot.

2. Korint 13:11

Ämi pwii kana, iei lesopolan mine üa makkei lon ei toropwe. Kot epwe etikemi. Oupwe achocho ngeni ämi oupwe unusöch lon ämi souläng. Oupwe aleasochis ngeni ai kewe kapasen öüröür. Oupwe tipeeufengen lefilemi, oupwe kinamwefengen. Iwe, ewe Kot mi echenikich o ngenikich kinamwe epwe nonom remi.

Efisos 6:10

Iwe, iei ai kapasen lesopolan: Oupwe apöchökülakemi lon ach Samol pwal lon pöchökülen an we manaman.

Tuteronomi 12:18

Nge oupwe mongö ekei asor fän mesen ewe Samol mi Lapalap ämi we Kot lon ewe leni a filätä, ämi me nöümi mwän me nöümi fefin, nöümi chon angang mwän me chon angang fefin, pwal ekewe mwän seni ewe ainangen Lefi mi nom lon ämi kewe telinimw. Iwe, oupwe pwapwa fän mesen ewe Samol mi Lapalap ämi we Kot ren meinisin mine oua föri.

Tuteronomi 16:11

Iwe, oupwe pwapwa me fän mesen ewe Samol mi Lapalap ämi we Kot lon ewe leni epwe filätä pwe aramas repwe fel ngeni ie, ämi me nöümi mwän me fefin, nöümi chon angang mwän me chon angang fefin, pwal chon ewe ainangen Lefi mi nom lon ämi kewe telinimw, ekewe chon ekis, ekewe mi mäsen me ekewe fefin mi mä pwülüer ra nom leimi.

Filipi 3:3

Sap ir, nge kich sia angei ewe enletin sirkomsais, pun sia fel ngeni Kot ren Ngünün, sia pwapwa lon manauach lon Kraist Jesus, nge sisap anomu ach apilükülük won met sia föri ngeni inisich.

Filipi 4:4

Oupwe pwapwa lon ach Samol fansoun meinisin, üpwe apasasefäli: Oupwe pwapwa!

Filipi 4:8

Iwe, amüchülan ai kapas, ämi pwii kana, oupwe amwöchünükü lon ämi ekiek ekei mettoch mi mürina o amwarar: mettoch mi let me aüchea, mettoch mi pwüng me limöch, mettoch aramas ra efich me meniniti.

1. Tesalonika 4:1

Ämi pwiim kana, iei soposopolan met oua kaiö senikem usun ewe sokun manau oupwe manaueni pwe oupwe apwapwai Kot ren. Ewer, iei usun mine oua fen manau lon. Nge iei äm aia tüngormau o pese ngenikemi fän iten ach Samol Jesus, pwe manauemi epwe fokun mürinala.

1. Tesalonika 5:16

Oupwe pwapwafochofoch,

James 1:2

Ämi pwii kana, oupwe fokun ekiekin pwapwa lupwen oupwe tolong lon sokopaten sosot,

1. Petrus 3:8

Iwe, iei sopolan mine üa mochen ürenikemi: Oupwe eänifengeni eu chök tip me eu chök memef. Oupwe echenifengenikemi lefilemi usun chök pwipwi, oupwe eäni kirikiröch o tipetekisonfengen lefilemi.

1. Petrus 4:13

Nge oupwe pwapwa pwe oua eti Kraist lon an riaföü, pwe oupwe pwal uren pwapwa lupwen an ling epwe pwä.

2. Petrus 3:1

Iwe, ämi chiechiei mi achengicheng, iei aruachön nei toropwe ngenikemi. Lon ekei ruochö toropwe üa sotuni ai üpwe amwökütü ekewe ekiek mi limöch lon letipemi ren ai achema ngenikemi ekei mettoch.

1. Samuel 2:1

Iwe, Hana a pwal iotek o apasa, “Üa pwapwa lon lelukei ren ewe Samol mi Lapalap, üa chimwetä ren ewe Samol mi Lapalap. Üa ämängaua chon oputaei, pun üa pwapwa ren an angasaei.