Filipi 2:9 - Chuukese Bible

⁹ Iei mine Kot a atekiatai won eu leni mi fokun tekia, a pwal ngeni eu it mi iteföüla seni it meinisin.

Filipi 2:9 Iomraidhean Croise

Keneses 3:15

Üpwe afiukemi me ewe fefin, pwal mwirimwirum me mwirimwirin. Men epwe puri mökürom, nge en kopwe küw apilipilin pechen.”

Kölfel 110:1

Ewe Samol mi Lapalap a kapas ngeni ai samol ewe king, “Kopwe mot lepelifichi tori üpwe anomu chon oputom pwe repwe lenien puun pecheöm.”

Kölfel 110:5

Ewe Samol a nom lepelifichum. I epwe akufu ekewe king lon ewe rän a lingeringer.

Kölfel 89:27

Üpwe filätä i pwe epwe nei mwänichi, epwe tekia me lein ekewe kingen fanüfan.

Kölfel 91:14

Ewe Samol mi Lapalap a apasa, “Pokiten a echeniei, ngang üpwe amanaua, üpwe tümwünü i, pun a silei itei.

Aisea 52:13

Ewe Samol mi Lapalap a apasa, “Nengeni, nei chon angang epwe lipwäköch, epwe seikitä o ling, epwe pwal fokun tekiatä.

Aisea 53:12

Iei mine üpwe ngeni wisan me lein chokewe mi iteüöch, nge epwe ineti ngeni ekewe chon pwora liapan. Pun a fangala manauan o mäla, a pwal alealong lein chon pupungau. Iwe, a uwei tipisin chomong aramas o iotek fän iten chon pupungau.

Aisea 9:7

Iwe, nemeneman epwe chök wattela, nge mwün epwe chök kinamwe fansoun meinisin. Epwe siwili Tafit lon wisan wisen king o nemeni mwün. Epwe aüetä o apöchöküla mwün ren apwüng me pwüngüöch seni ikenai tori feilfeilachök. Iwe, ewe Samol mi Unusen Manaman epwe tiliken le apwönüetä ei.

Taniel 7:14

Iwe, a angei an nemenem me lingan me mwün, pwe aramasen fanü me mwü, pwal aramas mi eäni sokopaten fos repwe angang ngeni. An nemenem epwe nom tori feilfeilachök, esap tongeni wesila, nge mwün esap tongeni tala.

Mateus 11:27

“Semei a ngeniei mettoch meinisin. Esap wor eman a silei ewe Nau, pwe ewe Sam chök, esap pwal wor eman a silei ewe Sam, pwe ewe Nau chök me chokewe ewe Nau a afiliir an epwe pwäri i ngeniir.

Mateus 28:18

Nge Jesus a kan ngeniir o üreniir, “Nemenem meinisin won läng me fanüfan a toriei.

Lukas 10:22

“Semei a anomu mettoch meinisin fän nemeniei. Esap wor eman a silei ewe Nau, pwe ewe Sam chök, esap pwal wor eman a silei ewe Sam, pwe ewe Nau chök me chokewe ewe Nau a filiiretä pwe epwe pwäri i ngeniir.”

Johannes 13:3

Jesus a silei pwe Saman a fen atolonga mettoch meinisin fän nemenian. A silei pwe a feito seni Kot, nge epwe pwal liwinsefäl ngeni Kot.

Johannes 17:11

Iwe, iei üpwe feila reöm. Üsap chüen nom lon ei fanüfan, nge ir ra nom lon ei fanüfan. Semei mi pin, kose mochen kopwe tümwünüür ren manamanen itom we, ewe it ka ngeniei, pwe ir repwe eu usun chök en me ngang sia eu.

Johannes 17:12

Lupwen ngang üa nom rer, üa tümwünüür ren manamanen itom we, ewe it ka ngeniei. Üa tiirela, pwe esap wor eman me leir a pöütüla, chilon chök ewe eman mi feil ngeni an epwe pöütüla, pwe epwe pwönüetä mine a mak lon ekewe Toropwe mi Pin.

Johannes 17:5

Semei, iei kopwe alingaei me mwen mesom, ren ewe chök ling üa eäni lupwen üa nom reöm mwen fanüfan esamwo wor.

Föför 5:31

Nge Kot a atekiatai o anomu lepelifichin pwe epwe Samol me Chon Amanau, pwe epwe awora ekieksefäl me amusamusen tipis ngeni chon Israel.

Efisos 1:10

Ei ekiek Kot epwe aunusöchü lupwen epwe tori ewe fansoun mi afat pwe epwe achufengeni förian meinisin lon läng me fanüfan, pwe repwe nonom fän nemenien Kraist.

Kolose 1:18

I möküren inisin we, iei ewe mwichefel. I popun pwe ewe inis a manau. I Nöün Kot, ewe mwänichi, Kot a amanauasefäli seni mäla, pwe i chök epwe tekia mwen mettoch meinisin.

2. Tesalonika 1:12

Ren ei iten ach Samol Jesus epwe ling me remi, nge pwal ämi oupwe ling me ren. Ei epwe fis pokiten ümöümöchün ach Kot me ach Samol Jesus ngenikemi.

Ipru 1:4

Ewe Nau a tekia seni ekewe chon läng, usun chök ewe it Kot a ngeni a tekia seni iter.

Ipru 1:9

Ka efich pwüng, nge ka oput mine a ngau. Iei mine Kot, om we Kot a filuketä, a fang ngonuk pwapwan om iteüöch lap seni an fang ngeni chiechiom kewe.”

Ipru 12:2

Ousipwe chök nenengeni Jesus ewe chon popuetä me chon awesala ach lükülük. Esap fangatä pokiten ewe iräpenges, nge fänäsengesin ewe pwapwa mi nom mwan esap ekieki itengauen an mäla won ewe iräpenges. Iwe, iei a mottiu lepelifichin Kot.

Ipru 2:9

Nge sia küna Jesus, ewe Kot a föri pwe epwe kis fän ekewe chon läng lon fansoun mochomoch, pwe ren än Kot ümöümöch epwe mäla fänäsengesin aramas meinisin. Iwe, iei sia küna i, pwe a mwärini ling me iteüöch pokiten an riaföü me mäla.

1. Petrus 3:22

i ewe mi feitä läng, a nonom lepelifichin Kot o a nemeni ekewe chon läng meinisin, pwal ekewe ngün mi wor ar nemenem me manaman.

2. Petrus 1:17

Äm aia nom ren, lupwen Saman Kot a ngeni iteüöch me ling. Lon ena fansoun eu möngüngü a tori i seni ewe mi Unusen Ling a apasa, “Iei i nei mi achengicheng üa fokun pwapwa ren.”

3. Johannes 1:7

Pun ra feila o saifetal fän iten ewe angangen Kraist, nge resap angei och alilis seni ekewe chon lükün lamalam.

Pwärätä 1:5

pwal seni Jesus Kraist ewe chon pwärätä mi allükülük, ewe mwänichi, Kot a amanauasefäli seni mäla, i ewe mi nemeni ekewe king won fanüfan. I a echenikich o angasakich seni ach tipis ren chaan,

Pwärätä 11:15

Mürin ewe afümanün chon läng a ettiki nöün rappwa, iwe, a wor chomong möngüngü mi leüömong lon läng, ra apasa, “Ewe manamanen nemeni fanüfan, iei a nom ren ach Samol me nöün we Messaia. Iwe, epwe nemenem tori feilfeilachök.”

Pwärätä 19:16

Won üfan pwal won wilan a mak ewe it, “Ewe King mi tekia seni ekewe king meinisin, me ewe Samol mi lap seni ekewe samol meinisin.”

Pwärätä 3:21

Iö mi pwora ngeni mine a ngau üpwe mwüt ngeni pwe epwe etiei le mot won ewe lenien motun king, usun pwal ngang üa pwora o mot ren Semei won an lenien motun king.

Pwärätä 5:12

ra köl ren ngingi mi leüömong: “Ewe Lam mi ninnila a fich ngeni an epwe angei manaman, wöü, tipachem me pöchökül, iteüöch, ling me ingemwar.”