Filipi 2:7 - Chuukese Bible

⁷ Nge seni lon letipan a fangala meinisin mine a eäni, pwe a lapalapeni lapalapen eman chon angang. A wiliti ususun aramas o pomweni pomwen aramas.

Filipi 2:7 Iomraidhean Croise

Kölfel 22:6

Nge ngang eman moso, sap eman aramas, üa küna esit me koput me ren aramas.

Aisea 42:1

Iwe, ewe Samol mi Lapalap a apasa, “Iei i nei we chon angang üa apöchöküla, nei üa afili, üa unusen pwapwa ren. Üa anomu Ngüni won, nge i epwe awarato pwüng ngeni mwün fanüfan meinisin.

Aisea 49:3

Iwe, a üreniei, “Israel en nei chon angang, en ätewe üpwe küna ling ren.”

Aisea 53:11

Iwe, wesin an riaföü lon manauan epwe eäni ewe saramen manau o pwapwa ren. Nge ren an silei Kot nei chon angang mi pwüng epwe afisätä än chomong aramas pwüng, epwe pwal uwei ar tipis.

Taniel 9:26

Iwe, mürin ekewe fisu fän wone me ruu ier ewe mi kepit epwe ninnila, nge esap wor popun. Iwe, nöün eman samol sounfiu repwe war o ataela ewe telinimw me ewe Leni mi Pin. Nge sopolan ewe telinimw epwe war usun chök eu noter, epwe pwal fis maun me tatakis tori lesopolan, usun Kot a fen apwüngala.

Sekaraia 3:8

Kopwe aüseling, en Josua ewe souasor mi lap, en me chiechiom kewe mi nom reöm, ämi eu asisilen feiöch epwe war: Üpwe emwenato nei we chon angang itan Ewe Palan.

Sekaraia 9:9

Oupwe fokun meseik, ämi aramasen Sion. Oupwe akapwas fän pwapwa, ämi aramasen Jerusalem. Nengeni, ämi King a feito remi. A pwüng o pwora, nge a tipetekison o wawa eman aas, eman nienifön aas.

Mateus 12:18

“Iei i nei we chon angang üa filätä, ätewe üa echeni, üa unusen pwapwa ren. Ngang üpwe anomu Ngüni won, nge i epwe asilefeili pwüngün ai apwüng ngeni chon ekewe mwü meinisin.

Mateus 20:28

usun chök Nöün Aramas esap feito pwe aramas repwe angang ngeni, nge a feito an epwe angang ngeniir o fangala manauan fänäsengesin chomong aramas pwe möön manauer.”

Markus 9:12

Nge Jesus a pölüeniir, “Mi pwüng pwe Elias epwe akomwen feito, pwe epwe amolätä mettoch meinisin. Nge pwota chök a mak lon ekewe Toropwe mi Pin, pwe Nöün Aramas epwe tolong lon riaföü watte o küna koput?

Lukas 22:27

Iö a lap, ätewe mi mot ngeni chepel are ätewe mi angang ngeni mongö? Ifa usun, esap ätewe mi mot ngeni chepel a lap? Nge ngang üa usun eman chon angang leimi.

Johannes 1:14

Ewe Kapas a wiliti aramas o nonom lefilach. Sia nengeni an we ling, ewe ling Saman a ngeni, pun i Nöün Aleman, a uren ümöümöch me let.

Nöün Paulus Toropwe ngeni ekewe Souläng lon Rom 1:3

A kapas usun Nöün we, ach Samol Jesus Kraist: Lon an wiliti aramas, a uputiu lon tettelin eman mwirimwirin Tafit.

Nöün Paulus Toropwe ngeni ekewe Souläng lon Rom 15:3

Pun Kraist esap chök kütta mine epwe püsin pwapwa ren. Nge iei usun a mak lon ekewe Toropwe mi Pin, “Ekewe kapasen esit mi toruk ra pwal toriei.”

Nöün Paulus Toropwe ngeni ekewe Souläng lon Rom 15:8

Pun üa ürenikemi pwe Kraist a wiliti eman chon angang fän iten ekewe chon Juta an epwe pwärätä pwe Kot a allükülük, o epwe apwönüetä än Kot kewe pwon ngeni ar kewe lewo,

Nöün Paulus Toropwe ngeni ekewe Souläng lon Rom 8:3

Iwe, mine ewe Allük esap tongeni föri pokiten fitukach a apwangapwang, Kot a föri: A ngeni tipis liwinin lon fituken Nöün we, ren an tinato püsin Nöün lon lapalapen aramas usun eman aramas tipis, pwe epwe eu asoren tipis.

2. Korint 13:4

Pun inamwo ika Kraist a iräpenges lon an apwangapwang, nge a manau ren än Kot manaman. Pwal äm aia apwangapwang lon Kraist, nge ren manamanen Kot aipwe eti Kraist le manau, pwe aipwe angang ngenikemi.

2. Korint 8:9

Pun oua silei ewe ümöümöch än ach Samol Jesus Kraist, inamwo ika a pisekisekila, nge a wöüngauela fän itemi, pwe ämi oupwe pisekisekila ren an wöüngau.

Kalatia 4:4

Nge lupwen a war ewe fansoun mi kapwüngüla, Kot a tinato püsin Nöün. A uputiu seni eman fefin o a nonom fän ekewe Allük,

Filipi 2:6

A lapalapeni lapalapen Kot, nge esap ekiekin amwöchünükü an wewe ngeni Kot usun ach amwöchünükü mettochüch.

Ipru 12:2

Ousipwe chök nenengeni Jesus ewe chon popuetä me chon awesala ach lükülük. Esap fangatä pokiten ewe iräpenges, nge fänäsengesin ewe pwapwa mi nom mwan esap ekieki itengauen an mäla won ewe iräpenges. Iwe, iei a mottiu lepelifichin Kot.

Ipru 13:3

Oupwe chechemeni chokewe mi nom lon imwen fötek, usun chök itä nge oua etiir le nom lon imwen fötek. Oupwe pwal chechemeni chokewe mi küna riaföü, usun chök nge itä oua püsin nom lon ewe riaföü.

Ipru 4:15

Pun ach we Souasor mi Lap esap eman mi tongomang ngeni ach apwangapwang. Nge a nom rech eman Souasor mi Lap mi tolong lon sokopaten sosot usun chök kich, nge esap tipis.