Filipi 2:6 - Chuukese Bible

⁶ A lapalapeni lapalapen Kot, nge esap ekiekin amwöchünükü an wewe ngeni Kot usun ach amwöchünükü mettochüch.

Filipi 2:6 Iomraidhean Croise

Aisea 7:14

Iei mine ewe Samol mi Lapalap epwe püsin ngenikemi eu asisil. Nengeni, eman föpwül epwe pwopwo o nöüni eman ät, nge epwe aita ngeni Emanuel .

Aisea 8:8

Repwe tolong lon Juta usun eu noter a tolong lon ewe fanü o pwölüela. Nge lölön epwe feitä tori üen aramas. O Emanuel , ekewe chon Asiria repwe chonifetalei unusen fanüom.”

Aisea 9:6

Pun eman mönükol a uputiu rech. Kot a lifang ngenikich eman ät, i epwe ach sounemenem. Iwe, epwe iteni “Souekiek mi amwarar, Kot mi manaman, Samach mi nom tori feilfeilachök, pwal Samolun kinamwe.”

Jeremaia 23:6

Lon ränin manauan, chon Juta repwe küna manau, nge chon Israel repwe nom fän kinamwe. Iwe, iei ewe it epwe iteni, ‘Ewe Samol mi Lapalap ach pwüng.’”

Mika 5:2

En Petlehem Efrata, inamwo ika ka kisikis me lein ekewe telinimwen Juta, nge ewe mi towu senuk epwe samolun Israel, a nonom seni lomlom, seni fansoun esepop.

Sekaraia 13:7

Iei alon ewe Samol mi Unusen Manaman, “Kopwe pwök, en ketilas, o fiu ngeni nei chon mas, ngeni ewe aramas mi fokun kan ngeniei. Kopwe niela ewe chon mas, pwe ekewe sip repwe toropasfeil. Üpwe ü ngeni ekewe aramas mi kis.

Mateus 1:23

“Nengeni, eman föpwül epwe pwopwo o nöüni eman ät, repwe aita ngeni Imanuel, wewen ‘Kot a nonom rech.’”

Johannes 1:18

Esap wor eman aramas a küna Kot fän eu. Nge Nöün Kot Aleman mi nom ren ewe Sam a fen pwäri ngeni aramas usun Kot.

Johannes 10:30

Ngang me Semei eman chök.”

Johannes 10:33

Iwe, ra pölüeni, “Äm aisap mochen mone ngonuk fau fän iten och föför mi öch, nge pokiten om kapasen turunufas ka apasa. Pun en eman aramas chök, nge ka püsin ekieki pwe en Kot.”

Johannes 10:38

Nge are üa fen föri ekewe föför, inamwo are ousap lüküei, oupwe fokun lükü ai kewe föför, pwe oupwe silei o weweiti pwe Semei a nom loi, nge ngang üa nom lon Semei.”

Johannes 14:28

Ämi oua rongorong pwe üa ürenikemi, ‘Ngang üpwe feila, nge üpwe liwinsefälito remi.’ Are oupwe echeniei, ämi oupwe pwapwa ren, pwe üpwe feila ren Semei, pun Semei a tekia seniei.

Johannes 14:9

Jesus a üreni, “A fansoun langatam ai üa nonom remi, nge en Filip kosap mwo sileei? Iö a künaei, a küna Semei. Pwota ka tongeni apasa, pwe üpwe pwäri ngenikemi Semei?

Johannes 17:5

Semei, iei kopwe alingaei me mwen mesom, ren ewe chök ling üa eäni lupwen üa nom reöm mwen fanüfan esamwo wor.

Johannes 20:28

Iwe, Tomas a pölüeni, “Ai Samol me ai Kot!”

Johannes 5:18

Ren ekei kapas ekewe nöüwisen chon Juta ra fokun alapala ar ekiekin mochen niela Jesus, pun esap chök atai allükün ewe ränin sapat, nge a pwal apasa pwe Kot Saman. Ren ei a püsin anönnöi ngeni Kot.

Johannes 5:23

pwe aramas meinisin repwe asamolu ewe Nau usun chök ar asamolu ewe Sam. Iö esap asamolu ewe Nau, esap pwal asamolu ewe Sam a tinato i.

Nöün Paulus Toropwe ngeni ekewe Souläng lon Rom 9:5

Ir mwirimwirin ar kewe lewo re Ipru mi iteföüla, pwal Kraist eman me leir lon an nom lon fituk. Sipwe mwareiti Kot tori feilfeilachök, ewe mi nemeni mettoch meinisin. Amen.

2. Korint 4:4

Ewe koten ei fanüfan a achuna ekiekin letipen chokewe resap lükü, pwe resap tongeni küna saramen ewe Pworausen Manau usun ewe lingen Kraist, i ewe mi lapalapeni lapalapen Kot.

2. Korint 8:9

Pun oua silei ewe ümöümöch än ach Samol Jesus Kraist, inamwo ika a pisekisekila, nge a wöüngauela fän itemi, pwe ämi oupwe pisekisekila ren an wöüngau.

1. Timoty 1:17

Ewe King mi nonom tori feilfeilachök, ewe eman chök Kot, ewe esap tongeni mäla, esap wor eman a tongeni küna, sipwe meniniti o alinga tori feilfeilachök! Amen.

1. Timoty 3:16

Kich sia pwärätä pwe a fokun lapalap monomonen ach lükülük: I a pwäla lon fituk, a pwä pwe a pwüng me ren Ngünmifel, chon läng kana ra küna i, chon fanüfan ra rongorong pworausan, won fanüfan mi wor chon lükü itan, Kot a angeatä lon lingan.

Titus 2:13

Iwe, sipwe witiwiti ewe Ränin feiöch sia apilükülük ngeni, lupwen lingen ach we Kot mi tekia, ach Chon Amanau Jesus Kraist epwe wareto.

Ipru 1:3

A lingeni lingen Kot o wesewesen lapalapeni lapalapen Kot. A anükünüköchü mettoch meinisin ren an kapas mi manaman. Mürin an awesala amusamusen än chon fanüfan tipis, a mottiu lepelifichin Kot lon läng, i ewe mi manaman seni meinisin.

Ipru 1:6

Nge lupwen Kot ekärän tinato Nöün mwänichi lon ei fanüfan, a apasa, “Nöün Kot kewe chon läng meinisin repwe fokun fel ngeni.”

Ipru 1:8

Nge usun Nöün we Kot a apasa, “O Kot, mwum epwe nonom tori feilfeilachök. Ka nemeni noumw aramas fän pwüng.

Ipru 13:8

Jesus Kraist usun ewe chök lom, ikenai tori feilfeilachök.

Pwärätä 21:6

Iwe, a apasa, “Mettoch meinisin ra fisila iei. Ngang ewe Aemanün me Amüchülan, ewe Popun me ewe Sopolan. Üpwe ngeni chokewe mi kaka pwe repwe ün seni ewe puächen kolukun manau, nge resap möni.