Filipi 2:5 - Chuukese Bible

⁵ Oupwe eäni ewe chök ekiek Kraist Jesus a eäni:

Filipi 2:5 Iomraidhean Croise

Mateus 11:29

Oupwe ämwäralong womi ai we waas o kaiö seniei, pun ngang üa lukpwetete o tipetekison, iwe, oupwe küna söön ngünümi.

Lukas 22:27

Iö a lap, ätewe mi mot ngeni chepel are ätewe mi angang ngeni mongö? Ifa usun, esap ätewe mi mot ngeni chepel a lap? Nge ngang üa usun eman chon angang leimi.

Föför 10:38

Oua silei usun Jesus Kraist seni Nasaret, pwal usun än Kot tinatiu won ewe Ngünmifel o ngeni an manaman. A fetalfeil ekis meinisin, a föri föför mürina o apöchöküla meinisin mi nom fän nemenien ewe Tefil, pun Kot a eti.

Föför 20:35

Ngang üa aiti ngenikemi lon ai föför meinisin, pwe ren ach angang weires lon ei sokun lapalap sipwe fokun alisi ekewe chon apwangapwang o chechemeni ekewe kapas ach Samol Jesus a püsin apasa, ‘Sia feiöch ren ach fang lap seni ach angei mettoch.’”

Nöün Paulus Toropwe ngeni ekewe Souläng lon Rom 14:15

Are pwiüm a weires reöm pokiten ka mongö och sokun mongö, ka föri och föför esap chüen fis fän tong. Kosap mwütätä pwe om mongö och sokun mongö epwe afeiengaua ewe aramas Kraist a mäla fänäsengesin.

Nöün Paulus Toropwe ngeni ekewe Souläng lon Rom 15:3

Pun Kraist esap chök kütta mine epwe püsin pwapwa ren. Nge iei usun a mak lon ekewe Toropwe mi Pin, “Ekewe kapasen esit mi toruk ra pwal toriei.”

Nöün Paulus Toropwe ngeni ekewe Souläng lon Rom 15:5

Nge Kot, i popun ach likitü me ach küna pöchökülen letipach, epwe atufichikemi pwe oupwe tipeeufengen lefilemi ren ämi apirü föförün Kraist Jesus,

1. Korint 10:33

Oupwe chök föri usun mine ngang üa föri. Üa sotuni ai üpwe apwapwai aramas meinisin lon meinisin mine üa föri. Üsap kütta mine üpwe püsin feiöch ren, nge üa kütta mine ekewe chomong repwe feiöch ren, pun üa mochen pwe repwe küna manau.

Efisos 5:2

Chen epwe nemeni manauemi, usun Kraist a echenikich o fangala manauan fän itach pwe epwe eu asor mi pwoöch me eu lifang mi apwapwai Kot.

Filipi 1:1

Äm Paulus me Timoty, äm nöün Kraist kewe chon angang, aia kapong ngeni ekewe chon pin lon Kraist Jesus mi nom lon Filipi, pwal ngeni ekewe soumasen mwichefel me ekewe sounkoa:

1. Petrus 2:21

Pun iei mine Kot a körikemi ren, pun Kraist a pwal riaföü fänäsengesimi o likiti ngenikemi eu lenien apirü, pwe oupwe tapwela mürin lon ipwan.

1. Petrus 4:1

Iwe, pokiten Kraist a riaföü lon inisin, iei mine oupwe pwal amolakemi pwe oupwe eäni ewe sokun ekiek Kraist a eäni, pun eman mi riaföü lon inisin esap chüen föföri tipis.

1. Johannes 2:6

Iö a apasa pwe a nonom lon Kot epwe fokun föföri usun mine Jesus a föföri.