Filipi 2:30 - Chuukese Bible

³⁰ pun a fangala manauan o arapakan ngeni an epwe mäla fän iten än Kraist angang, pwe epwe siwilikemi le alisiei, lupwen ämi ousap tongeni.

Filipi 2:30 Iomraidhean Croise

Föför 20:24

Nge manauei esap aüchea ngeniei. Üa chök mochen awesala ai kitir o awesöchüela ewe angang ach Samol Jesus a ngeniei pwe üpwe föri. Iei ewe angang ai üpwe pwärätä ewe Pworausen Manau usun ewe ümöümöchün Kot.

Nöün Paulus Toropwe ngeni ekewe Souläng lon Rom 16:4

Ra amoleeretä pwe repwe ninnila fän itei. Üa fokun kilisou ngeniir, nge sap ngang chök, pwe pwal chon ekewe mwichefelin chon lükün Israel meinisin.

1. Korint 15:53

Pun met mi morola epwe siwil ngeni met esap tongeni morola, nge met mi mämmä epwe siwil ngeni met esap tongeni mämmä.

1. Korint 16:10

Iwe, are Timoty epwe torikemi, oupwe tümwünüfichi ämi oupwe etiwöchü, pun i a angang fän iten ach Samol usun chök ngang.

1. Korint 16:17

Üa pwapwa ren än Stefanas, Fortunatus me Akaikus wareto, pun ra siwilikemi lupwen ämi ousap nom rei.

2. Korint 12:15

Iei mine üpwe pwapwa le fangala meinisin met mi wor rei, pwal püsin manauei, pwe üpwe alisikemi. Ifa usun, epwe kisikisila ämi echeniei pokiten a watte ai echenikemi?

2. Korint 4:12

Iei usun mäla a angang lom, nge manau a angang lomi.

Filipi 2:17

Nge inamwo ika chai epwe ninnila usun eu asoren ün won ewe asor me ewe angang mi fis ren ämi lükülük, ngang üpwe chök pwapwa o ämi meinisin oupwe etiei lon ai pwapwa.

Filipi 2:27

Enlet, a fokun samau o arap ngeni an epwe mäla. Nge Kot a tongei, nge sap i chök pwe pwal ngang, pun esap mochen ai üpwe tolong lon watten letipeta.

Filipi 4:10

Iwe, a fokun watte ai pwapwa lon ach Samol, pwe mürin fansoun langatam oua tongeni pwärisefäli ämi alisiei. Esap wewen pwe oua ükütiu le alisiei, nge esap chök wor alen ämi oupwe pwäri ngeniei.

Filipi 4:18

Iei toropwen ekewe mettoch meinisin oua ngeniei, ewer, a fen somwosomwola. Iei a wor rei mettoch meinisin, pun üa angei seni Epafrotitus ekewe lifang oua tinato rei. Ekei lifang ra usun chök eu asor ngeni Kot mi poöch, eu lifang Kot a etiwa o pwapwa ren.

Filimon 1:13

Ngang üa mochen amwöchü i, pwe epwe nom rei lupwen üa nom lon imwen fötek fän iten ewe Pworausen Manau, pwe epwe tongeni siwiliik le alisiei.

Pwärätä 12:11

Pwiich kewe ra akufu Satan ren chaan ewe Lam, ren ewe kapasen manau ra pwärätä, pwal ren ar mochen fangatä manauer pwe repwe mäla.