Filipi 2:3 - Chuukese Bible

³ Ousap föri föförün apangau are föri och ekiekin sikesik, nge oupwe tipetekisonfengen lefilemi, ousap ekieki pwe oua mürina seni ekewe ekoch.

Filipi 2:3 Iomraidhean Croise

Än Salomon Fos 13:10

Lamalamtekia a afisätä anini, nge chokewe mi angei öüröürer ra tipachem.

Lukas 18:14

Jesus a apasa, “Üpwe ürenikemi, ei chon ioni takises a küna pwüng fän mesen Kot lupwen a liwinla lon imwan, nge sap ewe Farisi. Pun iö a püsin atekiatä epwe küna tekison, nge iö a püsin atekisonatiu epwe küna tekia.”

Nöün Paulus Toropwe ngeni ekewe Souläng lon Rom 12:10

Tongen pwipwi lon Kraist epwe pwichikar lefilemi. Oupwe fokun asamolufengenikemi lefilemi.

Nöün Paulus Toropwe ngeni ekewe Souläng lon Rom 13:13

Ousipwe föri föförün pwüng usun aramas mi nom lon saram. Sisap mongömong ika ünüpuch, sisap lisowu ika föföringau, sisap anini ika lolowo.

Nöün Paulus Toropwe ngeni ekewe Souläng lon Rom 2:8

Nge pwal ekoch ra chök kütta püsin feiöchür, ra oput mine a let o ra föri mine ese pwüng. Iwe, Kot epwe tinatiu an song me lingeringer wor.

1. Korint 15:9

Pun ngang üa kis seni ekewe soukünö meinisin, esap fich ngeniei ai üpwe iteni eman soukünö, pun üa ariaföüü chon ewe mwichefelin Kot.

1. Korint 3:3

pokiten oua chüen manaueni manauen soulängin fituk. Pun lupwen a wor lolowo me aninifengen lefilemi, ifa usun ei esap alletätä pwe ämi oua pop seni ei fanüfan? Ifa usun, ousap föri föförün chon ei fanüfan?

2. Korint 12:20

Pun ngang üa niuokus, pwe lupwen üpwe torikemi üsap küna remi usun met üa mochen küna, nge ämi ousap küna rei met oua mochen küna. Üa niuokus pwe mi wor remi anini me lolowo, lisosong me meicha, kapasen esit me uwokükü, pwal lamalamtekia me fitikoko.

Kalatia 5:15

Nge are oua usun manmwacho ren ämi küfengenikemi o ocheifengenikemi, oupwe tümwünükemi pwe ousap arosafengenikemi.

Kalatia 5:26

Sisap lamalamtekia ika akuffengenikich ika lolowofengen lefilach.

Efisos 4:2

Oupwe tipetekison fansoun meinisin, oupwe tipepwetete o mosonotam. Oupwe echenifengenikemi ren ämi songomangfengen lefilemi.

Efisos 5:21

Oupwe aleasochisfengen lefilemi pokiten oua asamolu Kraist.

Filipi 2:14

Oupwe föri ämi angang meinisin, nge ousap lal are anini,

Kolose 3:12

Ämi chon fil me ren Kot, ämi chon pin kana i a echenikemi, oupwe pwilitalong womi tong, kirikiröch, tipetekison, lukpwetete me mosonotam.

Kolose 3:8

Nge iei oupwe fokun ükütiu le föri ekei sokun föför: song, lingeringer me koput. Esap wor kapasen turunufas ika kapasingau epwe towu seni lon awemi.

1. Timoty 6:4

i a uren lamalamtekia o esap silei och. A chök mochen akanini o afitikoko won kapas mi afisätä lolowo, tipefesen, turunufas me ekiekingau,

1. Petrus 3:8

Iwe, iei sopolan mine üa mochen ürenikemi: Oupwe eänifengeni eu chök tip me eu chök memef. Oupwe echenifengenikemi lefilemi usun chök pwipwi, oupwe eäni kirikiröch o tipetekisonfengen lefilemi.

1. Petrus 5:5

Ina usun pwal ämi alüal kana, oupwe aleasochisi ekewe chinlap. Ämi meinisin oupwe fokun eäni tipetekison lon ämi alilisfengen lefilemi. Pun a mak lon ekewe Toropwe mi Pin, “Kot a ü ngeni chon lamalamtekia kana, nge a ümöümöch ngeni chon tipetekison kana.”