Filipi 2:27 - Chuukese Bible

²⁷ Enlet, a fokun samau o arap ngeni an epwe mäla. Nge Kot a tongei, nge sap i chök pwe pwal ngang, pun esap mochen ai üpwe tolong lon watten letipeta.

Filipi 2:27 Iomraidhean Croise

2. King 20:1

Iwe, lon ewe fansoun Hiskia a samau o arap ngeni an epwe mäla. Ewe soufos Aisea nöün Amos we mwän a feito ren o üreni, “Iei alon ewe Samol mi Lapalap, ‘Kopwe amola om amürinimä, pun kopwe mäla, nge kosap pöchökülsefäl.’”

Hiop 5:19

Kot epwe angasok seni wonu weires, nge lon fisu weires esap wor och feiengau epwe toruk.

Kölfel 34:19

Chomong riaföü ra tori ewe chon pwüng, nge ewe Samol mi Lapalap a angasala i seniir meinisin.

Aisea 27:8

Ewe Samol mi Lapalap a apwüngü nöün aramas ren an mwüt ngeniir pwe repwe oola. A asürela ren an asepwäl mi pöchökül a enito seni ötiu.

Aisea 38:17

Ellet, ren watten ai riaföü üa küna feiöch, pun lon om chen ka efieitä seni lon ewe pwangen feiengau. Nge ai kewe tipis meinisin ka pöütala lükisökurum.

Aisea 43:2

Are kopwe fetal lon koluk, üpwe etuk. Are kopwe fetal lon chanpupu, öütan esap amolumuk. Nge are kopwe fetal lon ekkei, kosap kar, nge pulopulan esap kuruk.

Jeremaia 10:24

Ai Samol mi Lapalap, kopwe apwüngüei fän aüküköch, nge kosap apwüngüei fän om song, pwe ete much manauei.

Jeremaia 45:3

En ka apasa, ‘Feiengauei, pun ewe Samol mi Lapalap a achu riaföü ngeni ai weires. Üa malülü ren ai ngüngü, nge esap wor ai kinamwe.’

Jeremaia 8:18

Ai letipeta esap tongeni wes, pun a kon watte, lelukei a tatakis.

Apakuk 3:2

Ai Samol mi Lapalap, üa rongorong pworausen mine ka föri, iwe, üa niuokus ren. Ai Samol mi Lapalap, kopwe försefäli om kewe föför mi amwarar lon äm ei fansoun, usun ka föri me lom. Lon om lingeringer kopwe pwal eäni ümöümöch.

Föför 9:37

Lon ena fansoun neminei a samau o mäla. Iwe, ra anükünükü somän o anomu lon eu ruum asan.

1. Korint 10:13

Ekewe sosot ra torikemi sosotun aramas chök. Nge Kot a apwönüetä an pwon o esap mwütätä ngenikemi pwe oupwe tolong lon sokun sosot mi lap seni ämi tufich. Nge lupwen oupwe tolong lon sosot, i epwe föri efoch alen towu, pwe oupwe tongeni pwora ngeni.

2. Korint 2:7

Nge iei oupwe amusala tipisin ätewe o echipa letipan, pwe esap tolong lon letipeta mi fokun watte, pwe epwe fangatä an souläng.

Filipi 2:26

Epafrotitus a fokun positikemi meinisin, a pwal fokun lolilen pokiten oua rongorong pwe a samau.

Filipi 2:28

Iei mine üa fokun mochen amüttirala remi, pwe oupwe pwapwasefäl lupwen oupwe küna i, nge ai lolilen epwe wesila.

Filipi 2:30

pun a fangala manauan o arapakan ngeni an epwe mäla fän iten än Kraist angang, pwe epwe siwilikemi le alisiei, lupwen ämi ousap tongeni.