Filipi 2:25 - Chuukese Bible

²⁵ Ngang üa ekieki pwe epwe öch ai üpwe tinsefäliela remi pwiich Epafrotitus, ätei a etiei le angang pwal le maun, ätewe ämi oua akünöü pwe epwe alisiei.

Filipi 2:25 Iomraidhean Croise

Än Salomon Fos 25:13

Eman chon künö mi allükülük a akinamwei ätewe mi tini, usun chök koluk mi patapat a akinamwei eman, lupwen a pwichikar lon fansoun kinikin.

Johannes 13:16

Enlet, üa wesewesen ürenikemi: Eman chon angang esap lap seni an masta, nge eman chon künö esap lap seni ätewe mi tini.

Johannes 17:18

Usun en ka tinieilong lon fanüfan, iei usun pwal ngang üa tiniirela won fanüfan.

Nöün Paulus Toropwe ngeni ekewe Souläng lon Rom 16:3

Ai kapong ngeni Prisila me Akwila, chienei kewe chon angang lon ewe angangen Kraist.

Nöün Paulus Toropwe ngeni ekewe Souläng lon Rom 16:9

Ai kapong ngeni Urpanus chienach we chon angang lon än Kraist angang, pwal ngeni Stakis chienei we mi achengicheng.

1. Korint 3:9

Pun äm aia angangfengen lon ewe angang fän iten Kot, nge ämi än Kot tanipi. Ämi pwal imwen Kot.

2. Korint 2:13

Nge letipei esap kinamwe, pun üsap küna pwii we Titus. Iei mine üa kapong ngeni ekewe aramas ikenan o feila Masetonia.

Filipi 2:26

Epafrotitus a fokun positikemi meinisin, a pwal fokun lolilen pokiten oua rongorong pwe a samau.

Filipi 4:18

Iei toropwen ekewe mettoch meinisin oua ngeniei, ewer, a fen somwosomwola. Iei a wor rei mettoch meinisin, pun üa angei seni Epafrotitus ekewe lifang oua tinato rei. Ekei lifang ra usun chök eu asor ngeni Kot mi poöch, eu lifang Kot a etiwa o pwapwa ren.

Filipi 4:3

Iwe, pwal en chienei chon angang mi allükülük, üa tüngor ngonuk pwe kopwe alisi ekei fefin, pun ra fokun angang weires o etiei le arongafeili ewe Pworausen Manau, irfengen me Klement me pwal ekewe ekoch mi etiei lon ewe angang, ir chokewe meinisin mi mak iter lon än Kot we puken iten chon manau.

Kolose 1:7

Oua rongorong usun än Kot ümöümöch seni Epafras chienach we chon angang mi achengicheng, i nöün Kraist chon angang mi allükülük fänäsengesimi.

Kolose 4:11

Josua mi pwal iteni Justus a pwal kapong ngenikemi. Ätekei me ülüman ir chök me lein ekewe chon Juta mi soulängila, ra etiei lon ewe angang fän iten ewe Mwün Kot, a fokun watte ar alilis ngeniei.

1. Tesalonika 3:2

nge aipwe tinala Timoty, pwiim we mi etikem le angang ngeni Kot lon äm afalafala ewe Pworausen Manau usun Kraist. Äm aia tinala pwe epwe apöchöküla letipemi o alisikemi lon ämi lükülük,

Filimon 1:24

pwal Markus, Aristarkus, Temas me Lukas chienei kewe chon angang ra kapong ngonuk.

Ipru 3:1

Iei mine ämi pwii kana souläng mi pwal kö me ren Kot, oupwe fokun ekieki usun Jesus, ewe Soukünö me Souasor mi Lap sia pwärätä usun.