Filipi 2:22 - Chuukese Bible

²² Iwe, ämi oua püsin silei usun lomotöchün ätei, pwe i me ngang aia angangfengen fän iten ewe Pworausen Manau usun chök eman nau a angangfengen me saman.

Filipi 2:22 Iomraidhean Croise

Föför 16:2

Timoty a iteüöch me ren ekewe chon lükü Jesus meinisin lon Listra me Ikonium.

Nöün Paulus Toropwe ngeni ekewe Souläng lon Rom 5:4

nge ach tipeppos a atoto manauöch mwen mesen Kot, nge ach manauöch a afisätä apilükülüköch.

1. Korint 16:10

Iwe, are Timoty epwe torikemi, oupwe tümwünüfichi ämi oupwe etiwöchü, pun i a angang fän iten ach Samol usun chök ngang.

1. Korint 4:17

Iei popun üa tinala remi Timoty, i nei we mi achengicheng o allükülük lon ach Samol. I epwe achema ngenikemi usun ei manau mi fö üa manaueni lon Kraist Jesus usun üa afalafala lon ekewe mwichefel ekis meinisin.

2. Korint 2:9

Iei popun üa makkei ngenikemi ena toropwe, pun üa mochen sotunikemi, pwe üpwe silei are oua aleasochisiei lon mettoch meinisin.

2. Korint 8:22

Aia pwal tinala pwiich we pwe epwe etiir. Aia sotuni i fän chomong o küna pwe a fokun achocho le alilis fansoun meinisin. Nge iei a fen alapala an achocho, pun a fokun apilükülükükemi.

2. Korint 8:24

Iei mine oupwe pwäri ngeni ekei mwän leten ämi chen, pwe chon ekewe mwichefel meinisin repwe küna o silei pwe a pwüng äm sikäsinikemi.

2. Korint 8:8

Üsap mochen allük ngenikemi ren ekei kapas. Nge ren ai aiti ngenikemi usun än ekewe pwal ekoch achocho le alilis, üa sotuni ai üpwe küna enletin ämi chen.

Filipi 1:12

Iwe, ämi pwii kana, üa mochen pwe oupwe silei pwe ekewe mettoch mi fis ngeniei ra wesewesen alisi chöülan ewe Pworausen Manau.

Filipi 1:16

Ätekei ra föri ei seni ar eäni chen, pokiten ar silei pwe Kot a ngeniei ewe angangen peni ewe Pworausen Manau,

Filipi 1:5

pokiten ämi oua alisiei lon ai angangen arongafeili ewe Pworausen Manau seni lepoputän ai nom remi tori ikenai.

Filipi 1:7

Üa chechemenikemi lon letipei fansoun meinisin, iei mine a pwüng ngeniei an epwe iei usun ai tongekemi. Pun ämi meinisin oua chieneniei lon ei angang mi aüchea Kot a ngeniei, sap chök lon ei fansoun üa nom lon imwen fötek, nge pwal lon ewe fansoun lupwen üa ngasala pwe üpwe peni ewe Pworausen Manau o anüküchara.

Filipi 2:20

I chök ewe eman aia wewefengen lon äm ekiek, i a pwal wesewesen chüngükemi.

1. Timoty 1:18

En nei Timoty, üpwe ngonuk ei allük, a usun chök mine ekewe soufos ra apasa usumw me lom. Kopwe aea ekei kapas pwe om pisekin fiu, pwe kopwe mauneni ewe maun mi öch,

1. Timoty 1:2

üa kapong ngonuk Timoty wesewesen nei lon lükülük: Samach Kot me ach Samol Kraist Jesus epwe ngonuk ümöümöch, tong me kinamwe.

1. Timoty 4:6

Iwe, are kopwe aiti ngeni pwiüm kewe souläng ekei kapasen öüröür, kopwe eman chon angangen Kraist Jesus mi mürina. Kopwe püsin amongöni ngünum ekewe kapasen lükülük, pwal ekewe kapasen kait ka fen aleasochisi tori ikenai.

2. Timoty 1:2

üa kapong ngonuk Timoty nei mi achengicheng: Samach Kot me Kraist Jesus ach Samol epwe ngonuk ümöümöch, chen me kinamwe.

2. Timoty 3:10

Nge en ka sileöchü ai afalafal, ai föför me met üa awena manauei ngeni. Ka silei ai lükülük, ai mosonotam, ai chen, ai likitü,

Titus 1:4

Üa makkei ei toropwe ngonuk, Titus, en wesewesen nei lon ewe lükülük sia eänifengeni. Samach Kot me Kraist Jesus ach Chon Amanau epwe ngonuk ümöümöch me kinamwe.