Filipi 2:19 - Chuukese Bible

¹⁹ Iwe, are iei letipen ach Samol, üa apilükülüköch pwe üpwe tongeni müttir tinala Timoty remi, pwe letipei epwe pöchökületä lupwen üpwe rongorong ewe pworaus usumi.

Filipi 2:19 Iomraidhean Croise

Jeremaia 17:5

Ewe Samol mi Lapalap a pwal apasa, “A anümamau eman aramas mi anomu an apilükülük won aramas o lükü pöchökülen aramas, nge lelukan a rik seniei.

Mateus 12:21

Iwe, chon ekewe mwü meinisin repwe apilükülükü i.”

Föför 16:1

Iwe, Paulus a sopwela an sai ngeni Terpe me Listra. Ikenan a nom eman souläng itan Timoty. Inan eman fin Juta mi souläng, nge saman eman re Krik.

Nöün Paulus Toropwe ngeni ekewe Souläng lon Rom 15:12

Aisea a pwal apasa, “Eman mwirimwirin Jesi epwe war. Epwe feito pwe epwe nemeni ekewe chon lükün Israel, nge ir repwe anomu ar apilükülük won.”

Nöün Paulus Toropwe ngeni ekewe Souläng lon Rom 16:21

Timoty, chienei we chon angang, a kapong ngenikemi, pwal Lusius, Jason me Sosipater, ir chienei kewe chon Juta, ra pwal kapong ngenikemi.

1. Korint 4:17

Iei popun üa tinala remi Timoty, i nei we mi achengicheng o allükülük lon ach Samol. I epwe achema ngenikemi usun ei manau mi fö üa manaueni lon Kraist Jesus usun üa afalafala lon ekewe mwichefel ekis meinisin.

Efisos 1:13

Pwal ämi oua wiliti nöün Kot aramas lupwen oua rongorong ewe kapasen Kot mi let, iei ewe Pworausen Manau oua küna manau ren. Ämi oua lükü Kraist, nge Kot a pwaunikemi pwe oupwe nöün ren an ngenikemi ewe Ngünmifel, usun i a fen pwonei.

Filipi 1:1

Äm Paulus me Timoty, äm nöün Kraist kewe chon angang, aia kapong ngeni ekewe chon pin lon Kraist Jesus mi nom lon Filipi, pwal ngeni ekewe soumasen mwichefel me ekewe sounkoa:

Filipi 2:18

Ina usun ämi oupwe pwal pwapwa, nge ngang üpwe etikemi lon ämi pwapwa.

Filipi 2:28

Iei mine üa fokun mochen amüttirala remi, pwe oupwe pwapwasefäl lupwen oupwe küna i, nge ai lolilen epwe wesila.

1. Tesalonika 3:2

nge aipwe tinala Timoty, pwiim we mi etikem le angang ngeni Kot lon äm afalafala ewe Pworausen Manau usun Kraist. Äm aia tinala pwe epwe apöchöküla letipemi o alisikemi lon ämi lükülük,

1. Tesalonika 3:5

Iei popun üa tinala Timoty, pun üsap chüen tongeni engila ngeni ai üsap silei pworausemi. Iei usun üa tinala i an epwe pii ika ifa usun ämi lükülük. Ewer, üa chök niuokus ika Tefil a sotunikemi o äm angang meinisin epwe lomotongau.

2. Tesalonika 1:3

Ämi pwiim kana, äm aia fokun kilisou ngeni Kot fänäsengesimi fansoun meinisin. A pwüng ngenikem pwe aipwe föri ei, pokiten ämi lükülük a fokun fefeitä o ämi chen lefilemi a fokun lapalapala.

2. Timoty 1:12

Iei popun üa nom lon ei sokun riaföü, nge üsap säw ren. Pun üa silei iö üa lükü, nge üa alletä pwe a tongeni tümwünü mine a lükü ngeniei tori ewe Ränin lesopolan.

James 4:15

Iwe, iei usun mine oupwe apasa, “Are a fän letipen ach Samol, sipwe manau o föri ei ika enan.”

1. Petrus 1:21

Pokiten Kraist oua lükü Kot, ewe mi amanauasefäli i seni mäla o ngeni lingan. Iei mine ämi lükülük me ämi apilükülük a nom won Kot.