Filipi 2:16 - Chuukese Bible

¹⁶ lupwen oua ngeniir ewe Kapasen Manau. Are epwe iei usun mine oua föri, epwe wor popun ai üpwe sikäsinikemi lon ewe Ränin än Kraist epwe liwinsefäl, pun epwe pwä pwe ai achocho me ai angang weires esap lomotongau.

Filipi 2:16 Iomraidhean Croise

Kölfel 40:9

Üa apworausa ewe pworaus mi mürina usun om amanauakem me lon ewe mwichen noum aramas meinisin. Üsap fokun ükütiu le apworausa usun, ka fen silei, ai Samol mi Lapalap.

Kölfel 71:17

Ai Kot, ka aiöüei seni lesäräföi, nge ngang üa chüen asilefeili om föför mi amwarar.

Aisea 49:4

Nge ngang üa apasa, “Üa resin angang, nge üsap küna lomotan. Üa fangala ai pöchökül, nge a lusmwälila. Ellet, ai pwüng a nom ren ewe Samol mi Lapalap, nge liwini a nom ren ai we Kot.”

Mateus 10:27

Met ngang üa ürenikemi lon kiroch, oupwe apasatä lon saram. Nge met üa möngününgünülong lon selingemi oupwe asilefeili me won ungen ekewe imw.

Lukas 12:8

“Iwe, üpwe ürenikemi, pwe iö a pwäriei mwen mesen aramas, Nöün Aramas epwe pwal pwäri mwen mesen nöün Kot kewe chon läng.

Johannes 6:63

Ngünün Kot a afisätä manau, nge pöchökülen aramas esap fokun wor aüchean. Ekewe kapas üa fen ürenikemi ra eäni Ngün me manau.

Johannes 6:68

Simon Petrus a üreni, “Äm Samol, iö aipwe feila ren? En ka eäni kapasen manau esemüch.

Föför 13:26

Ämi pwii kana re Israel, ämi mwirimwirin Apraham me ämi chon lükün Israel meinisin mi fel ngeni Kot: Ei kapasen manau Kot a fen tinato ngenikich!

1. Korint 1:8

I epwe pwal anükücharakemi tori lesopolan, pwe esap wor eman epwe tip ngenikemi och mi mwäl lon ewe Ränin ach Samol Jesus Kraist.

1. Korint 9:26

Iei popun üa sä wenechar ngeni ewe tepkiri, pwal iei popun üa wewe ngeni eman chon köfön esap chök köfön chöü.

2. Korint 1:14

pwe usun oua weweitikem eu kinikin chök, iei usun oupwe unusen weweiti, pwe oua tongeni aingaing wom usun chök pwal äm aipwe aingaing womi lon ewe Ränin ach Samol Jesus.

Kalatia 2:2

Üa liwinsefäl, pun Kot a pwäri ngeniei pwe üpwe liwinla. Lon äm chufengen me ekewe souakom, üa awewe ngeniir ewe Pworausen Manau üa afalafala ngeni ekewe chon lükün Israel. Üsap mochen pwe ai angang lon ekewe fansoun ra la ika pwal lon fansoun ikenai epwe lomotongau.

Kalatia 4:11

Üa öürekikemi! Ifa usun, epwe tufich pwe ai angang ngenikemi a lomotongau?

Filipi 1:10

pwe oupwe tongeni filätä mine a fokun mürina. Mürin oupwe limöch, esap pwal wor och mine oupwe mwäl won lon ewe Ränin än Kraist epwe liwinsefäl.

Filipi 1:6

Üa fokun lükü, pwe Kot ewe mi popuetä lomi ei angang mi mürina epwe pwal sopwela tori an epwe wesöchüela lon ewe Ränin än Kraist Jesus epwe liwinsefälito.

1. Tesalonika 2:19

Pun ämi chök popun äm apilükülüköch, äm pwapwa, pwal popun äm aingaing lon äm win mwen mesen ach Samol Jesus lupwen epwe liwinsefälito.

1. Tesalonika 3:5

Iei popun üa tinala Timoty, pun üsap chüen tongeni engila ngeni ai üsap silei pworausemi. Iei usun üa tinala i an epwe pii ika ifa usun ämi lükülük. Ewer, üa chök niuokus ika Tefil a sotunikemi o äm angang meinisin epwe lomotongau.

Ipru 4:12

Pun än Kot kapas a manau o manaman, a ken seni efoch ketilas mi seisei me rüepek. A tililong lon manauach o aimwüfeseni letipach me ngünüch, pwal lekupukupun lon chü me fituken lon chü. A pwal apwüngü mochen me ekiekin letipen aramas.

1. Petrus 1:23

Pun oua upsefäl ren Kapasen Kot mi manau o nonom tori feilfeilachök, usun nau nöün eman mi manau tori feilfeilachök, nge sap nöün eman mi mäla.

1. Johannes 1:1

Äm aia mak ngenikemi usun ewe Kapasen Manau mi nonom chök seni me lepoputän. Aia fen rongorong ren selingem me küna ren mesem, ewer, aia fen küna o atapa ren pöüm.

Pwärätä 22:17

Iwe, Ngünmifel me ewe Fin apwüpwülü söfö ra apasa, “Etto!” Ir meinisin mi rongorong ekei kapas repwe apasa, “Etto!” Iwe, iö mi kaka epwe etto, nge iö a mochen epwe ünümi ewe kolukun manau, nge esap möni, epwe etto.