Filipi 2:15 - Chuukese Bible

¹⁵ pwe esap wor och mi mwäl lon manauemi, nge oupwe limöch usun nöün Kot kana mi unusöch ra nonom won ei fanüfan mi ur ren aramas mi kirikiringau me tipis. Oupwe fokun tittin lefiler usun ekewe fü ra tittin fän läng,

Filipi 2:15 Iomraidhean Croise

Kölfel 122:5

Ikenan mi wor lenien mot fän iten chokewe mi eäni kapwüng, ekewe lenien motun king fän iten chon leimwen Tafit.

Ekistos 34:35

Ekewe aramasen Israel ra küna won mesen Moses pwe a saramaram. Mürin, Moses a pwal pwölüsefäliela won mesan tori a tösefälilong lon ewe imw mangaku, pwe epwe kapas ngeni Kot.

Än Salomon Fos 4:18

Ewe al ekewe chon pwüng ra fetal won a usun chök saramen ünümweerän mi chök sasaramala tori a unusen ränila.

Än Salomon Fos 8:8

Ai kewe kapas meinisin ra pwüng, esap wor rikirik ika pwor lor.

Aisea 60:1

Oupwe ütä, ämi aramasen Jerusalem, o saramala, pun ämi saram a war, nge lingen ewe Samol mi Lapalap a tineitikemi.

Taniel 6:4

Mürin, ekewe nöüwis tekia me ekewe kepina ra kütta och mwälin lon än Taniel angang pwe repwe tongeni tip ngeni, nge resap tongeni küna och popun, pun Taniel a allükülük, nge esap wor mwälin ika tümwününgauan.

Mateus 10:16

“Nengeni, üpwe tinikemiila usun chök sip lein wolif kana. Iei mine oupwe eäni tipachem usun serepenit o oupwe tipepwetete usun tipepweteten ekewe lisom.

Mateus 17:17

Iwe, Jesus a pölüeni, “Ämi eu täppin aramas mi lükülükümang o tipesosor. Ifa langatamen fansoun ai üpwe nom remi. Ifa ükükün fansoun ai üpwe engila ngenikemi? Oupwe uwato ewe ät rei!”

Mateus 5:45

pwe oupwe wiliti nöün Sememi mi nom läng. Pun i a atötai förian akkar won ekewe aramasangau me aramasöch, nge a apüngatiu üt won chon pwüng me chon pwüngingau.

Mateus 5:48

Iei mine ämi oupwe unusöch usun Sememi mi nom läng a unusöch!

Lukas 1:6

Ir me ruoman ra föri mine a pwüng mwen mesen Kot o aleasochisi än ewe Samol kewe allük me pwüüng meinisin.

Lukas 6:35

Nge ämi oupwe echeni chon oputakemi o föföröch ngeniir. Oupwe mwütätä pisekimi ngeniir, nge ousap ekiekin angesefäli. Mürin oupwe angei liwinimi mi watte o wiliti Nöün Kot ewe mi Unusen Tekia. Pun Kot a kirikiröch ngeni chokewe resap sile kilisou, pwal ngeni ekewe aramasangau.

Johannes 5:35

Johannes a usun chök eu lamp, a tin o saram, nge ämi oua chök mochen apwapwakemi lon saraman ekis chök fansoun.

Föför 2:40

Petrus a fönöü ir ren chomong kapas, a pese ngeniir o apasa, “Oupwe amanauakemi seni ewe feiengau epwe tori ei täppin aramas mi ngau!”

Föför 20:30

Epwe war ewe fansoun, lupwen ekoch me lon ämi we mwich repwe eäni kapas chofona ar repwe atokala ekewe chon lükü Jesus pwe repwe etiir.

Nöün Paulus Toropwe ngeni ekewe Souläng lon Rom 16:19

Aramas meinisin ra rongorong usun ämi aleasochis ngeni ewe Pworausen Manau, iei popun üa pwapwa usumi. Üa mochen ämi oupwe miritikai ngeni met a mürina, nge oupwe miritimang ngeni mine a ngau.

1. Korint 1:8

I epwe pwal anükücharakemi tori lesopolan, pwe esap wor eman epwe tip ngenikemi och mi mwäl lon ewe Ränin ach Samol Jesus Kraist.

2. Korint 6:17

Iei mine ach Samol a apasa, “Oupwe towu seniir o aimwükemiila seniir. Ousap atapa och mettoch mi limengau, pwe üpwe etiwakemi.

Efisos 5:27

fän iten an epwe aütai mwichefel fän püsin itan lon unusen lingöchün, pwe esap wor tikitikipwülün are lemomon are och limengau, nge epwe pin o unusöch.

Tuteronomi 32:5

Nge ämi chon Israel oua föri föför mi ngau ngeni Kot. Ousap chüen iteni nöün, pun a wor terimi. Ämi eu täppin aramas mi ngau o rikirik.

Filipi 1:10

pwe oupwe tongeni filätä mine a fokun mürina. Mürin oupwe limöch, esap pwal wor och mine oupwe mwäl won lon ewe Ränin än Kraist epwe liwinsefäl.

Filipi 3:6

üa pwal fokun tiliken lon ai ariaföüü ekewe chon lükü Jesus. Are eman aramas a ekieki pwe a tongeni küna pwüng ren an aleasochisi ekewe Allük, ngang üa apwönüretä meinisin.

1. Tesalonika 5:23

Kot, ewe mi fang ngenikich kinamwe epwe unusen apinikemi, pwe unusen ngünümi me letipemi me inisimi epwe unusöch tori ach Samol Jesus Kraist epwe war.

1. Timoty 3:10

Iwe, repwe akomwen küna sosot, mürin are a pwä pwe esap wor eman a atipisiir, repwapw alilis lon angangen mwichefel.

1. Timoty 3:2

Iwe, eman soumas epwe fokun unusöch lon manauan. Epwe pwülüeni eman chök fefin, epwe tipefesir, epwe tufichin nemeni püsin inisin, epwe mirit, epwe etiwaöchü wasöla, epwe pwal lipwäköch le asukul.

1. Timoty 5:14

Iei mine üa mochen pwe ekewe fefin mi mä pwülüer nge ra ier kükün repwe pwüpwülüsefäl, repwe nöünöü o tümwünü angangen lon imwer. Repwe föri ei pwe resap awora ngeni ekewe chon oputakich och popun ar repwe kapasingau usuch.

1. Timoty 5:20

Kopwe apwüngüchou ekewe souakom mi föri tipis mwen mesen souläng meinisin, pwe pwal ekewe ekoch souläng repwe niuokus.

1. Timoty 5:7

Kopwe aiti ngeni ekewe aramas ekei kapasen öüröür, pwe esap wor och mine eman epwe atipisimwäliir won.

Titus 1:6

Eman souakom epwe fokun unusöch lon manauan, epwe pwülüeni eman chök fefin, nge nöün kana repwe souläng, pwe esap wor eman epwe tip ngeniir pwe ra föföringau ika lükümach.

Titus 2:10

ika soläni och seniir, nge repwe fokun pwärala pwe ra wenechar o allükülük. Iei usun repwe aitöchü ewe angangen asukul usun Kot ach Chon Amanau lon mettoch meinisin.

Titus 2:15

Ikkei ekewe mettoch kopwe aiti ngeni ekewe souläng. Kopwe aea om pwüüng lon wisom, lupwen kopwe apöchöküla än ekewe souläng lükülük, pwal lupwen om kopwe apwüngüür. Kosap mwüt ngeni eman epwe turunufaseek.

Ipru 7:26

Iei usun Jesus ewe Souasor mi Lap a alisikich lon ach osupwang meinisin. I ewe mi pin, esap wor an mwäl ika an tipis. Kot a aimwüela i seni chon tipis o atekiatai seni ekewe läng.

1. Petrus 2:12

Oupwe eäni föföröch lein ekewe chon lükün lamalam, pwe lupwen repwe atipisikemi pwe oua föri föför mi ngau, repwe küna ämi föför mürina o mwareiti Kot lon ewe Rän epwe wareto lon.

1. Petrus 2:9

Nge ämi eu ainang mi fil, eu mwichen souasor än ewe king, eu mwün aramas mi pin, nöün Kot kewe aramas, oua fil pwe oupwe arongafeili än Kot kewe föför mi manaman, i ewe mi körikemiiwu seni rochopwak, pwe oupwe tolong lon an saram mi amwarar.

2. Petrus 3:14

Iei mine, ämi chiechiei mi achengicheng, pokiten oua witiwiti ei Rän, oupwe fokun achocho ngeni pwe oupwe limöch, pwe esap wor ämi mwäl mwen mesen Kot, nge oupwe pwal nom lon kinamwe.

Pwärätä 2:5

Kopwe chechemeni ia ka tur me ie, kopwe aier seni om tipis o föri ekewe föför ka föri me lepoputän. Nge are kosap aier seni om tipis, üpwe feito reöm o angei senuk om we lenien atittin seni lenian.

Pwärätä 3:9

Nengeni, chokewe seni ewe mwich än Satan, ir mi apasa pwe ir chon Juta, nge sap ir chon Juta, pwe ra chofona, üpwe föri pwe repwe feito o chapetiu arun pecheöm. Ir meinisin repwe mefi pwe ngang üa echenuk.