Filipi 2:14 - Chuukese Bible

¹⁴ Oupwe föri ämi angang meinisin, nge ousap lal are anini,

Filipi 2:14 Iomraidhean Croise

Kölfel 106:25

Ra ngününgün me lon imwer imw mangaku, nge resap aleasochis ngeni alon ewe Samol mi Lapalap.

Än Salomon Fos 13:10

Lamalamtekia a afisätä anini, nge chokewe mi angei öüröürer ra tipachem.

Numperis 14:27

“Ifa ükükün fansoun än ei mwichen aramasangau lal ngeniei? Üa ku ren ai rongorong än ekei aramas lal ngeniei.

Mateus 20:11

Iwe, ra angei liwiniir kewe o popuetä le lal ngeni ewe mine an ewe tanipi.

Markus 14:5

Pun eman a tongeni amömöla won lap seni ükükün ülüpükü föün moni silifer o fangala ewe moni ngeni ekewe chon wöüngau.” Iwe, ra fokun apwüngü ei fefin.

Markus 9:14

Iwe, lupwen ar liwinto ren ekewe ekoch chon kaiö, ra küna eu mwichen aramas mi chomong ra pwelifeiliir, pwal ekoch Sensen Allük ra anini ngeniir.

Lukas 5:30

Iwe, ekoch ekewe Farisi me ekoch Sensen Allük mi choni ar kewe mwich, ra ngününgün ngeni nöün Jesus kewe chon kaiö o aisiniir, “Pwota oua mongö o ün me ekewe chon ioni takises me ekewe chon tipis?”

Föför 15:2

Iei popun Paulus me Parnapas ra fokun anini o pölüeniir. Iwe, ra filätä Paulus me Parnapas fiti ekoch chon lükü Jesus seni Antiokia pwe repwe feila Jerusalem o churi ekewe soukünö me souakom usun ei osukosuk.

Föför 15:39

Iwe, a fis eu watten aninifengen lefiler, pwe ra imwüfesen. Parnapas a uwei Markus o saila Saipros,

Föför 15:7

Mürin chomongun ar akaninifengen Petrus a ütä o üreniir, “Ämi pwii kana, oua silei pwe ekoch ier ra la Kot a filiei me leimi pwe üpwe afalafala ewe Pworausen Manau ngeni ekewe chon lükün Israel, pwe repwe tongeni rongorong o lükü Jesus.

Föför 6:1

Ekoch fansoun mürin, lupwen ekewe chon lükü Jesus ra chomongola, a fis eu anini lefilen ekewe chon Juta mi fos lon kapasen Krik me ekewe chon Juta mi chök fos lon kapasen Ipru. Ekewe chon Juta mi fos lon kapasen Krik ra apasa, pwe ekewe fefin mi mä pwülüer seni lon ar we mwich resap angei inetiir mongö iteiten rän.

Nöün Paulus Toropwe ngeni ekewe Souläng lon Rom 12:18

Oupwe föri mine oupwe kinamwefengen me aramas meinisin ren ükükün ämi tongeni.

Nöün Paulus Toropwe ngeni ekewe Souläng lon Rom 14:1

Oupwe etiwa ewe aramas mi apwangapwang lon an lükülük, nge ousap anini ngeni won met mefian.

Nöün Paulus Toropwe ngeni ekewe Souläng lon Rom 16:17

Ämi pwii kana, üa pese ngenikemi pwe oupwe afälikemi ren chokewe mi afisätä kinikinfesen lefilen aramas o atoka än aramas lükülük, ir ra ü ngeni ekewe kapas sia aiti ngenikemi. Ousap chiechi ngeniir.

1. Korint 10:10

Sisap pwal lalangau usun ekoch me leir ra föri, iei mine ra ninnila o rosola ren ewe Chon Läng.

2. Korint 12:20

Pun ngang üa niuokus, pwe lupwen üpwe torikemi üsap küna remi usun met üa mochen küna, nge ämi ousap küna rei met oua mochen küna. Üa niuokus pwe mi wor remi anini me lolowo, lisosong me meicha, kapasen esit me uwokükü, pwal lamalamtekia me fitikoko.

Kalatia 5:15

Nge are oua usun manmwacho ren ämi küfengenikemi o ocheifengenikemi, oupwe tümwünükemi pwe ousap arosafengenikemi.

Kalatia 5:26

Sisap lamalamtekia ika akuffengenikich ika lolowofengen lefilach.

Filipi 2:3

Ousap föri föförün apangau are föri och ekiekin sikesik, nge oupwe tipetekisonfengen lefilemi, ousap ekieki pwe oua mürina seni ekewe ekoch.

1. Tesalonika 5:13

Oupwe asamoluur fän watten suföl me chen pokiten ewe angang ra föri ngenikemi. Oupwe kinamwefengen lefilemi.

1. Tesalonika 5:15

Oupwe pii pwe esap wor eman epwe liwiningauei föföringauen eman ngeni, nge fansoun meinisin oupwe achocho le föri mine a mürina lefilemi, pwal ngeni aramas meinisin.

Ipru 12:14

Oupwe achocho ngeni ämi oupwe kinamwefengen me aramas meinisin, oupwe pwal achocho ngeni ämi oupwe manaueni eu manau mi pin, pun esap wor eman epwe küna ach Samol are esap pin.

James 1:20

pun än aramas song esap apwönüetä ewe pwüng Kot a mochen.

James 3:14

Nge are a wor lon letipemi lolowo me ekieki chök püsin ämi, ousap sikäsini ämi tipachem, ousap pwal amamäsini ewe let.

James 5:9

Ämi pwii kana, ousap lalefengen lefilemi, pwe Kot esap apwüngükemi. Ewe Soukapwüng a ütä arun asam.

1. Petrus 3:11

Epwe fokun kul seni mine a ngau o föri mine a mürina, epwe fokun kütta kinamwe ren unusen lelukan.

1. Petrus 4:9

Oupwe etiwafengenikemi lefilemi, nge ousap lal ren.

Jutas 1:16

Ekei aramas ra chök lal o atipisi aramas. Ra chei mochenin letiper mi ngau, ra eäni kapasen tunomong usun püsin ir, ra pwal kapas amichimich, pwe repwe angei mine ra mochen.