Filipi 2:13 - Chuukese Bible

¹³ pun Kot ewe a angang lomi, epwe afisätä ämi mochen me ämi tufichin apwönüetä letipan.

Filipi 2:13 Iomraidhean Croise

1. King 8:58

Epwe akulu lelukach ngeni, pwe sipwe aleasochisi alon o apwönüetä an kewe allük me pwüüng meinisin a allük ngeni ach kewe lewo.

2. Kronika 30:12

Nge Kot a pwal angang lon letipen chon Juta, pwe ra tipeeufengen o aleasochisi mine ewe king me ekewe nöüwis ra eäni allük fän alon ewe Samol mi Lapalap.

Esra 1:1

Iwe, lon aeuin ierin mwün Sirus ewe kingen Persia, ewe Samol mi Lapalap a amwökütükütü leluken Sirus pwe epwe föri pworausen asilesil ngeni unusen mwün. Ei a fis pwe epwe pwönüetä mine Jeremia a apasa fän alon ewe Samol mi Lapalap. Iwe, Sirus ewe kingen Persia a makeetiu,

Esra 1:5

Mürin, mwänirelan än semer kewe cho seni ewe ainangen Juta me Peniamin, ekewe souasor me ekewe aramas seni ewe ainangen Lefi, pwal ir meinisin Kot a amwökütükütü leluker ra ütä pwe repwe feila o aüsefälietä imwen ewe Samol mi Lapalap mi nom Jerusalem.

Esra 7:27

Iwe, Esra a apasa, “Üa mwareiti ewe Samol mi Lapalap än äm kewe lewo we Kot mi atolonga ei sokun ekiek lon leluken ewe king, pwe epwe alinga imwen ewe Samol mi Lapalap lon Jerusalem.

Nehemia 2:4

Iwe, ewe king a aisiniei, “Met ka mochen tüngor seniei?” Mürin üa iotek ngeni ewe Koten läng.

Hiop 33:29

Nengeni, Kot a föri ekei föför ngeni eman aramas fän ruu ika fän ülüngat,

Kölfel 110:3

Lon ränin om kopwe maun ngeni chon oputom noum aramas repwe etuk fän püsin letiper o üföüf ekewe üf mi pin. Usun amurenipwin mi nom lesosorusich, iei usun noum kewe alüal repwe feito reöm.

Kölfel 119:36

Kopwe akulu lelukei ngeni om kewe allük, nge sap ngeni mochenian win.

Kölfel 141:4

Kopwe tümwünüei pwe üsap föri mine a ngau, pwe üsap eti ekewe aramasangau lon ar föföringau, üsap pwal etiir le mongö ener mi annö.

Än Salomon Fos 21:1

Leluken eman king a nom lepöün ewe Samol mi Lapalap. A emwenifetalei usun chök an afetala eu chanpupu ia a mochen afetalala ie.

Aisea 26:12

Äm Samol mi Lapalap, kopwe ngenikem kinamwe, pun äm angang meinisin aia föri en ka afisätä.

Jeremaia 31:33

Nge iei ewe pwon mi fö üpwe föri ngeni chon Israel lon ekana rän: Üpwe atolonga ai kewe allük lor o makeretiu lon leluker. Iwe, üpwe ar Kot, nge ir repwe nei aramas kana.

Jeremaia 32:38

Iwe, ir repwe nei aramas, nge ngang üpwe ar Kot.

Lukas 12:32

“Ousap niuokus, ämi mwich mi kisikis, pun Sememi a pwapwa ren an epwe ngenikemi ewe mwü.

Lukas 2:14

“Kot epwe ling lon läng, epwe wor kinamwe won fanüfan ngeni aramas, chokewe Kot a pwapwa rer.”

Johannes 3:27

Johannes a pölüeni, “Esap wor eman a tongeni angei och are Kot esap ngeni.

Johannes 6:45

A fen mak lon puken ekewe soufos, ‘Aramas meinisin repwe kaiö me ren Kot.’ Chokewe meinisin mi aüseling ngeni alon ewe Sam o kaiö seni repwe feito rei.

Johannes 6:65

Iwe, Jesus a sopwela le apasa, “Iei mine üpwe ürenikemi, pwe esap wor eman a tongeni feito rei, are ewe Sam esap atufichi.”

Föför 11:21

Iwe, manamanen ach Samol a etiir, pwe chomong aramas ra lükü o kul ngeni ewe Samol.

Nöün Paulus Toropwe ngeni ekewe Souläng lon Rom 12:3

Iwe, pokiten än Kot lifangen ümöümöch ngeniei, üpwe ürenikemi meinisin: Ousap ekiekin tipetekia seni mine a fichitikemi, nge oupwe tipetekison lon ämi ekiek o püsin apwüngükemi ngeni ewe aükükün lükülük Kot a ngenikemi.

Nöün Paulus Toropwe ngeni ekewe Souläng lon Rom 9:11

Nge me mwen än ekewe lippwe resamwo uputiu, ika me mwen ar resamwo föri och föför mi mürina ika mi ngau, (pwe än Kot ekiek lon an fil epwe pwönüetä,

Nöün Paulus Toropwe ngeni ekewe Souläng lon Rom 9:16

Iei mine än Kot fil esap longolong won än eman aramas mochen ika an föför, nge a longolong won än Kot ümöümöch.

1. Korint 12:6

Mi wor sokopaten tufich ach sipwe föri angang, nge ewe eman chök Kot a ngeni aramas meinisin ewe tufich fänäsengesin en me an angang.

1. Korint 15:10

Nge ren än Kot ümöümöch üa wilila o wiliti eman soukünö. Iwe, an ümöümöch ngeniei esap lomotongau, pun mi enlet üa fokun achocho le angang lap seniir meinisin. Nge pwüngün pwe sap ngang üa föri ei angang pwe än Kot ümöümöch a nom rei.

2. Korint 3:5

Esap wor och rem äm aipwe tongeni apasa, pwe a wor äm lipwäköch le föri ei angang, pwe äm lipwäköch a pop seni Kot.

Efisos 1:11

Ekei mettoch meinisin ra fisitä usun met Kot a fen ekiekietä o filätä. Kot a afilikichetä pwe sipwe nöün aramas lon Kraist lon pwüngün an akot mi longolong won met a fen filätä me lepoputän.

Efisos 1:5

Lon an chen a fen afilikich pwe sipwe tolong lon tettelin püsin nöün ren Jesus Kraist, pun iei usun met a apwapwai letipan.

Efisos 1:9

Lon än Kot tipachem me tipemirit meinisin a apwönüetä mine a fen eäni akot o asile ngenikich an ekiek mi monomon a fen filätä pwe epwe aunusala ren Kraist.

Efisos 2:8

Pun ren än Kot we ümöümöch oua küna manau ren ämi lükülük. Nge ei manau oua eäni esap afisiemi, pwe än Kot lifang ngenikemi,

2. Tesalonika 1:11

Iei mine äm aia iotek fän itemi fansoun meinisin. Aia tüngor ngeni ach Kot pwe epwe alisikemi, pwe oupwe fich ngeni ewe manau i a körikemiilong lon. Iwe, Kot epwe atufichikemi ren an manaman, pwe oupwe tongeni föri ekewe föför mi mürina meinisin oua mochen föriir, epwe pwal aunusöchü ämi angang oua föri pokiten ämi lükülük.

2. Timoty 1:9

I a amanauakich o körikich pwe sipwe manaueni eu manau mi pin, sap pokiten ach föför, nge pokiten püsin an ekiek me an ümöümöch. A ngenikich ei ümöümöch lon Kraist Jesus mwen fanüfan esamwo wor,

Ipru 13:21

epwe atufichikemi ren mettoch meinisin mi mürina, pwe oupwe föri letipan. Epwe föri loch ren Jesus Kraist mine i epwe pwapwa ren. Kraist epwe ling tori feilfeilachök! Amen.

1. Petrus 1:3

Ousipwe mwareiti Kot ewe Semen ach Samol Jesus Kraist! Pun lon an tong mi lapalap a aupusefälikich ren än Jesus Kraist manausefäl seni mäla. Ei a aurakich ren eu apilükülük mi manau,