Filipi 2:12 - Chuukese Bible

¹² Iei mine chienei kana mi achengicheng, usun ämi oua aleasochisiei fansoun meinisin lupwen üa nonom remi, iei usun a men aüchea ämi oupwe aleasochisiei lupwen üa toau senikemi. Oupwe achocho le anganga püsin ämi küna manau fän niuokus me chechech,

Filipi 2:12 Iomraidhean Croise

Esra 10:3

Iei mine aipwe föri eu pwon ngeni äm we Kot pwe aipwe pöütala pwülüem kei fin ekis me nöür kewe, usun en äm samol ka öüröüra ngenikem me chokewe mi niuokusiti än äm we Kot kewe allük. Äm aipwe föri usun mine a mak lon än Kot kewe allük.

Kölfel 119:120

Inisi a chechech ren ai niueituk. Üa niuokus ren om kewe kapwüng.

Kölfel 2:11

Oupwe angang ngeni ewe Samol mi Lapalap fän niuokus, oupwe pwapwa fän chechech.

Än Salomon Fos 10:16

Liwinin än ekewe chon pwüng angang epwe atoto ngeniir manau, nge winnen ekewe aramasangau a atoto ngeniir apwüng.

Än Salomon Fos 13:4

Eman chon chipwang a mwäräkichiti mettoch, nge esap angei och. Nge eman mi achocho le angang epwe tori meinisin mine a mochen.

Aisea 66:2

Pun pei a föri ekei mettoch meinisin, iei mine ir meinisin nemeniei.” Pwal iei alon ewe Samol mi Lapalap, “Ngang üpwe chök aücheani eman aramas mi tipetekison o luketatakis, pwal eman mi niuokusiti ai kapas o aleasochis ngeni.

Aisea 66:5

Oupwe rongorong alon ewe Samol mi Lapalap, ämi mi niuokusiti o aleasochisi an kapas, “Pokiten ämi allükülük ngeniei, ekoch lein pwimi ra oputakemi o asükemiila. Ra esitakemi o apasa, ‘Ewe Samol mi Lapalap epwe fokun pwärawu an ling o amanauakemi pwe aipwe küna ämi pwapwa.’ Nge fokun ir repwe küna säw.”

Mateus 11:12

Seni ewe fansoun Johannes Soupapatais a popuetä an afalafal tori iei Mwün Läng a fokun riaföü, nge aramas mi ngau ra sotuni pwe repwe angei o nemeni.

Mateus 11:29

Oupwe ämwäralong womi ai we waas o kaiö seniei, pun ngang üa lukpwetete o tipetekison, iwe, oupwe küna söön ngünümi.

Föför 16:29

Iwe, ewe chon masen imwen fötek a kökkö pwe eman epwe uwato eu lamp, iwe, a sälong lon ewe ruum o chapetiu mwen Paulus me Silas fän chechech.

Föför 9:6

Iei kopwe ütä o feila lon ewe telinimw. Ikenan repwe ürenuk mine kopwe föri.”

Nöün Paulus Toropwe ngeni ekewe Souläng lon Rom 2:7

Ekoch aramas ra likitü lon ar föför mürina, ra kütta ling me iteüöch me ewe manau esap müchüla. Iwe, Kot epwe ngeniir manau esemüch.

1. Korint 15:58

Iei mine ämi pwii kana mi achengicheng, oupwe apposakemi, ousap mwöküt seni ämi souläng. Oupwe alapalafochei ämi achocho lon ewe angangen ach Samol, pun oua silei pwe esap lomotongau ämi angang lon ach Samol.

1. Korint 2:3

Lupwen üa nonom remi, üa apwangapwang o chechech fän watten ai niuokus.

1. Korint 4:14

Üa makei ekei kapas ngenikemi, sap pokiten üa mochen asäwakemi, nge fän iten ai mochen öüröürakemi usun püsin nei mi achengicheng.

2. Korint 7:15

Iwe, än Titus tongekemi a fokun lalapala, lupwen a chechemeni usun ämi meinisin oua aleasochis ngeni an kewe öüröür, pwal usun ämi etiwa i fän tipetekison me menin.

Efisos 6:5

Ämi amanau, oupwe aleasochisi ämi samol lon ei fanüfan fän niuokus me chechech. Oupwe föri ei fän wenecharen lelukemi usun chök nge oupwe aleasochisi Kraist.

Filipi 1:27

Iwe, iei ewe mettoch mi aüchea, pwe lapalapen manauemi epwe fich ngeni ewe Pworausen Manau usun Kraist. Mürin ese lifilifil ika ngang üpwe tongeni feila churikemi ika üsap, nge üpwe rongorong pwe oua üppos lon eu chök popun, oua pwal achocho le ütä lon eu chök tip fän iten ämi lükü ewe Pworausen Manau.

Filipi 1:29

Pun Kot a ngenikemi ewe wis mi aüchea pwe oupwe angang ngeni Kraist, sap chök ren ämi oupwe lükü i, nge pwal ren ämi oupwe riaföü fän itan.

Filipi 1:5

pokiten ämi oua alisiei lon ai angangen arongafeili ewe Pworausen Manau seni lepoputän ai nom remi tori ikenai.

Filipi 1:6

Üa fokun lükü, pwe Kot ewe mi popuetä lomi ei angang mi mürina epwe pwal sopwela tori an epwe wesöchüela lon ewe Ränin än Kraist Jesus epwe liwinsefälito.

Filipi 2:19

Iwe, are iei letipen ach Samol, üa apilükülüköch pwe üpwe tongeni müttir tinala Timoty remi, pwe letipei epwe pöchökületä lupwen üpwe rongorong ewe pworaus usumi.

Filipi 4:1

Iwe, ämi pwii kana, üa fokun echenikemi o positikemi. Ämi oua apwapwaei o üa sikäsinikemi. Iei mine, ämi pwii kana mi achengicheng, oupwe nüküchar lon manauemi lon ach Samol.

Filipi 4:15

Iwe, ämi chon Filipi, oua fokun silei, pwe lupwen üa feila seni Masetonia, lon ewe fansoun üa popuetä le afalafala ewe Pworausen Manau, ämi na chök mwichefel a alisiei, ämi chök oua lifang ngeniei usun mine üa lifang ngenikemi.

1. Tesalonika 1:3

Pun aia chechemeni me mwen ach Kot i Samach usun ämi lükülük mi pwä lon ämi föför, usun ämi tong mi pwä lon ämi angang weires, pwal usun ämi apilükülüköch mi nüküchar lon ach Samol Jesus Kraist.

2. Timoty 2:10

Iei mine üa likitü lon ekei riaföü meinisin fänäsengesin nöün Kot kewe mi fil, pwe pwal ir repwe küna ewe manau a nom lon Kraist Jesus me ewe ling esemüch.

Ipru 12:1

Pokiten a fen wor rech eu watten mwichen chon pwärätä ar lükü ra pwelifeilikich, iei mine ousipwe likitätiu mettoch meinisin mi epetikich, pwal sokun tipis mi alikafifikich, nge sipwe tipeppos le sä lon ewe kitir mi nom mwach.

Ipru 4:1

Iwe, Kot a ngenikich ewe pwon, pwe sipwe tolong lon ewe asösö a kapas usun me mwan. Iei mine sipwe fokun tümwünüfichi pwe esap wor eman leimi esap tolong lon ewe asösö Kot a fen pwon.

Ipru 4:11

Iei mine sipwe fokun achocho ach sipwe tolong lon ewe asösö, pwe esap wor eman leich epwe tur usun ir pokiten ar aleasolap.

Ipru 5:9

Iwe, lupwen a unusöchüla manauan won fanüfan, a wiliti ewe popun küna manau esemüch fän iten chokewe mi aleasochis ngeni.

1. Petrus 2:11

Ämi chiechiei mi achengicheng, üa tüngormau ngenikemi usun ämi chon ekis me choisä won ei fanüfan, ousap apwönüetä ekewe mochenian fituk mi fiu ngeni ngünümi.

2. Petrus 3:18

Nge oupwe chök mämäritä lon än ach Samol me Chon Amanau Jesus Kraist ümöümöch me silelap. I epwe ling ikenai tori feilfeilachök. Amen.