Filipi 2:11 - Chuukese Bible

¹¹ nge ir meinisin repwe pwärätä pwe Jesus Kraist i Samol, pwe Kot Sam epwe ling ren.

Filipi 2:11 Iomraidhean Croise

Kölfel 110:1

Ewe Samol mi Lapalap a kapas ngeni ai samol ewe king, “Kopwe mot lepelifichi tori üpwe anomu chon oputom pwe repwe lenien puun pecheöm.”

Kölfel 18:49

Iei mine üpwe ingemwareituk me lein chon ekewe mwü. Ai Samol mi Lapalap, üpwe kölün mwareituk.

Jeremaia 23:6

Lon ränin manauan, chon Juta repwe küna manau, nge chon Israel repwe nom fän kinamwe. Iwe, iei ewe it epwe iteni, ‘Ewe Samol mi Lapalap ach pwüng.’”

Mateus 10:32

“Iwe, iö a pwäriei mwen mesen aramas, pwal ngang üpwe pwäri mwen mesen Semei lon läng.

Lukas 2:11

Lon ei rän ikenai eman Chon Amanau a uputiu ngenikemi lon ewe telinimwen Tafit, i Kraist ewe Samol.

Johannes 12:42

Iei mwo nge chomong ekewe nöüwisen chon Juta ra lükü Jesus. Nge pokiten ekewe Farisi, ir resap pwärätä ar lükülük, pun ra niuokus ar repwe katowu seni ar we mwich lon ewe imwen felikis.

Johannes 13:13

Ämi oua aita ngeniei Sense me Samol. A pwüng mine oua apasa usi, pun iei wisei.

Johannes 13:14

Ngang ämi Samol me Sense üa talü pechemi, iei usun pwal ämi oupwe talü pechemi eman ngeni eman.

Johannes 14:13

Iwe, meinisin mine oupwe tüngor fän itei üpwe apwönüetä, pwe Semei epwe küna ling rei.

Johannes 14:23

Jesus a pölüeni, “Are eman a echeniei, epwe aleasochisi ai kewe kapas. Iwe, Semei epwe echeni, o Semei me ngang aipwe feito ren o imweimw lon.

Johannes 17:1

Mürin än Jesus apasa ekei kapas, a anetai mesan ngeni läng o a apasa, “Semei, a tori ewe otun. Kopwe alingala Noumw, pwe Noumw epwe pwal alingala en.

Johannes 20:28

Iwe, Tomas a pölüeni, “Ai Samol me ai Kot!”

Johannes 5:23

pwe aramas meinisin repwe asamolu ewe Nau usun chök ar asamolu ewe Sam. Iö esap asamolu ewe Nau, esap pwal asamolu ewe Sam a tinato i.

Johannes 9:22

Saman me inan ra apasa ei ititin kapas, pun ra niuokusiti ekewe nöüwisen chon Juta. Pun ekewe nöüwis ra fen tipeeufengen, pwe iö mi pwärätä pwe Jesus ewe Kraist epwe katowu seni ar we mwich lon ewe imwen felikis.

Föför 10:36

Oua silei ewe kapas Kot a tinala ngeni ekewe aramasen Israel, a arongafeili ewe Pworausen Manau pwe sipwe kinamwefengen me Kot ren Jesus Kraist, i ewe Samol mi nemeni aramas meinisin.

Föför 2:36

Iei mine ekewe chon Israel meinisin repwe fokun silei, pwe ätei Jesus ämi oua iräpengesi, i ätewe Kot a seikätä pwe epwe Samol me Kraist!”

Nöün Paulus Toropwe ngeni ekewe Souläng lon Rom 14:11

Pun a mak lon ekewe Toropwe mi Pin, “Ewe Samol a apasa: Üa akapelüei, pwe aramas meinisin repwe fotopwäsuk mwen mesei, nge aramas meinisin repwe pwärätä pwe ngang Kot.”

Nöün Paulus Toropwe ngeni ekewe Souläng lon Rom 14:9

Pun Kraist a mäla o manausefäl pwe epwe samoluni ekewe chon manau me ekewe chon mäla.

Nöün Paulus Toropwe ngeni ekewe Souläng lon Rom 15:9

epwe pwal atufichi ekewe chon lükün Israel pwe repwe mwareiti Kot ren an we tong, usun a mak lon ekewe Toropwe mi Pin, “Iei mine üpwe kilisou ngonuk me lein ekewe chon lükün Israel, üpwe kölün mwareiti itom.”

1. Korint 12:3

Iei mine üa mochen ämi oupwe silei, pwe esap wor eman epwe tongeni apasa fän emwenien ewe Ngünün Kot, “Jesus epwe anümamau,” esap pwal wor eman a tongeni pwärätä, “Jesus i Samol”, are ewe Ngünmifel esap emweni.

1. Korint 15:47

Ewe aeumanün Atam a för seni pwül, nge ewe aruomanün Atam a feito seni läng.

1. Korint 8:6

nge fän itach mi wor eman chök Kot, i ewe Sam mi föri mettoch meinisin, nge kich sia manau fänäsengesin. Sia pwal eäni eman chök Samol, Jesus Kraist, mettoch meinisin ra för ren o kich sia manau ren.

1. Petrus 1:21

Pokiten Kraist oua lükü Kot, ewe mi amanauasefäli i seni mäla o ngeni lingan. Iei mine ämi lükülük me ämi apilükülük a nom won Kot.

1. Johannes 4:15

Are eman a pwärätä pwe Jesus i ewe nöün Kot, Kot a nonom lon, nge i a nonom lon Kot.

1. Johannes 4:2

Iei usun ämi oupwe tongeni silei ika iei i ewe Ngünün Kot: Iteiten ngün mi pwärätä pwe Jesus Kraist a feito o wiliti aramas a feito seni Kot.

2. Johannes 1:7

Chomong chon atuputup ra fetalfeil won unusen fanüfan, ir aramas resap pwärätä pwe Jesus Kraist a feito o wiliti aramas. Ei sokun aramas eman chon atuputup me ewe pölüen Kraist.

Pwärätä 3:5

Iö mi pwora ngeni mine a ngau epwe üföüf ei sokun üf mi pwechepwech, iwe, üsap amola itan seni ewe puken iten chon manau. Nge üpwe pwärätä pwe i nei mwen mesen Semei, pwal mwen mesen nöün kewe chon läng.