Filipi 2:1 - Chuukese Bible

¹ Iwe, manauemi lon Kraist a apöchöküla letipemi, an chen a echipakemi, oua chiechifengen me Ngünmifel, oua pwal eäni kirikiröch me tongfengen lefilemi.

Filipi 2:1 Iomraidhean Croise

Kölfel 133:1

Nengeni usun mürinan me apwapwan, lupwen pwipwi ra nonomfengen fän tipeeu.

Aisea 16:11

Üa ngüngü ren ai lolilen fän iten Moap, üa fokun letipeta fän iten Kir Heres.

Lukas 2:25

Lon ena fansoun mi wor eman mwän lon Jerusalem itan Simeon. Ätei a pwüng o aleasochisi än Kot kewe Allük meinisin, a pwal witiwiti ätewe epwe echipa Israel. Iwe, Ngünmifel a nonom won.

Johannes 14:18

Üsap likitikemi usun ekewe mi mäsen. Üpwe liwinsefälito remi.

Johannes 14:27

Kinamwe üa likiti ngenikemi, ai kinamwe üa fang ngenikemi. Ai lifang esap wewe ngeni än fanüfan lifang. Ousap lolilen lon lelukemi, ousap pwal niuokus.

Johannes 17:13

Iwe, iei üpwe feila reöm. Üa kapas usun ekei mettoch lupwen üa chüen nom lon fanüfan, pwe repwe eäni unusen ai we pwapwa lon leluker.

Föför 2:46

Iteiten rän ra tipeeufengen le mwichfengen lon ewe imwenfel, ra mongöfengen lon imwer fän pwapwa me tipetekison.

Föför 4:32

Iwe, ewe mwichen chon lükü Jesus ra ekiekeu me tipeeu. Esap fokun wor eman leir epwe apasa, pwe mine a wor ren epwe an chök, nge ra alilisfengen lefiler won meinisin mine ra eäni.

Nöün Paulus Toropwe ngeni ekewe Souläng lon Rom 5:5

Ei apilükülüköch esap alichipwüngükich, pun Kot a iselong lon letipach an we chen ren ewe Ngünmifel, ewe i a lifang ngenikich.

Nöün Paulus Toropwe ngeni ekewe Souläng lon Rom 8:26

Ina chök usun ewe Ngünmifel epwe alisikich lon ach apwangapwang. Pun sisap silei mine sipwe eäni iotek, nge püsin Ngünmifel a tüngor ngeni Kot fän itach ren sokun ngüngü esap wor eman a tongeni apasatä lon kapas.

1. Korint 12:13

Iei usun oukich meinisin, ese lifilifil ika chon Juta ika chon lükün Israel, ika amanau ika aramas mi ngas, kich meinisin sia papatais lon eu chök inis ren eman chök Ngün, kich meinisin sia pwal ün seni eman chök Ngün.

1. Korint 15:31

Ämi pwii kana, üa sereni feiengauen mäla iteiten rän. Üa apasa ei lon ai sikäsinikemi lon Kraist Jesus ach Samol.

1. Korint 3:16

Ifa usun, ousap silei pwe ämi än Kot imwenfel, nge Ngünün Kot a nom lomi.

2. Korint 13:14

Ümöümöchün ach Samol Jesus Kraist me än Kot chen me chiechifengenin Ngünmifel epwe nonom remi meinisin.

2. Korint 2:14

Nge kilisou ngeni Kot! Pun lon Kraist Kot a emwenikich fansoun meinisin, pwe sipwe eti Kraist lon an win. Kot a nöünöükich, pwe sipwe achöfetalei ewe pworaus usun Kraist pwe aramas repwe silei i, usun och löpwokus mi pwopwonfeil.

Kalatia 4:6

Iwe, pokiten ämi oua nöün Kot, Kot a tinato Ngünün Nöün we lon lelukemi, ewe Ngün mi apasa, “Sam, Semei!”

Kalatia 5:22

Nge iei ekewe uän Ngün: chen, pwapwa, kinamwe, mosonotam, kirikiröch, aramasöch, allükülük,

Efisos 4:4

Mi wor eu chök inis me eman chök Ngün, usun a pwal wor eu chök apilükülüköch Kot a köri ngenikemi.

Filipi 1:8

Kot i nei chon pwärätä pwe a let mine üa apasa, pwe üa tongekemi meinisin, usun chök Kraist Jesus a fen tongekemi.

Filipi 3:3

Sap ir, nge kich sia angei ewe enletin sirkomsais, pun sia fel ngeni Kot ren Ngünün, sia pwapwa lon manauach lon Kraist Jesus, nge sisap anomu ach apilükülük won met sia föri ngeni inisich.

Kolose 2:2

Popun ai föri ei, pwe letiper epwe pöchökületä, repwe pwal tipeeufengen lon chen, pwe repwe mefi unusen aüchean ar weweöchiti o silei ewe monomonen Kot, iei i Kraist.

Kolose 3:12

Ämi chon fil me ren Kot, ämi chon pin kana i a echenikemi, oupwe pwilitalong womi tong, kirikiröch, tipetekison, lukpwetete me mosonotam.

Ipru 6:18

Ikkei ekewe ruu mettoch resap tongeni siwil, pun esap tufich pwe Kot epwe tongeni chofona. Iei mine kich mi nom fän tümwünüan sia fokun tipepwora lon ach kamwöchünük lon ewe apilükülüköch a anomu mwach.

1. Petrus 1:2

Ämi oua fil me ren Samach Kot, pun iei usun letipan, Ngünmifel a apinikemi pwe oupwe aleasochisi Jesus Kraist o küna limöch ren chaan. Ümöümöch me kinamwe epwe chomongola remi.

1. Johannes 3:24

Eman mi aleasochisi än Kot kewe allük a nom lon Kot, nge Kot a nom lon. Iwe, pokiten ewe Ngünmifel Kot a fang ngenikich sia silei pwe Kot a nom loch.

1. Johannes 4:12

Esap wor mwo eman a fen küna Kot. Nge are sia echenifengenikich lefilach, Kot a nonom loch o an chen a unusöchüla loch.

1. Johannes 4:16

Iwe, kich sia silei o lükü ewe chen Kot a eäni ngenikich. Kot chen. Eman mi nonom lon chen a nonom lon Kot, nge Kot a nonom lon.