Filipi 1:8 - Chuukese Bible

⁸ Kot i nei chon pwärätä pwe a let mine üa apasa, pwe üa tongekemi meinisin, usun chök Kraist Jesus a fen tongekemi.

Filipi 1:8 Iomraidhean Croise

Hiop 16:19

Nengeni, mi wor nei chon pwärätä a nom läng, ewe chon peniei a nom pekitä.

Aisea 16:11

Üa ngüngü ren ai lolilen fän iten Moap, üa fokun letipeta fän iten Kir Heres.

Aisea 63:15

Äm Samol mi Lapalap, kopwe netiu me läng seni leniom mi pin o ling. Ia a nom ie om tiliken me om manaman? Tipepweteten letipom me om tong resap chüen torikem.

Jeremaia 31:20

Ifa usun, Israel esap nei mwän mi achengicheng? Ifa usun, sap i nei üa pwapwa ren? Inamwo ika üa kulu söküri ngeni, nge üa chüen chechemeni. Iei mine lelukei a positi i, üpwe fokun eäni ümöümöch ngeni. Ngang ewe Samol mi Lapalap üa kapas.

Lukas 1:78

Ach Kot a ümöümöch o lukpwetete. Epwe awora ngenikich ewe Saramen Manau seni läng,

Nöün Paulus Toropwe ngeni ekewe Souläng lon Rom 1:9

Kot, ewe eman üa angang ngeni ren unusen letipei ren ai afalafala ewe Pworausen Manau usun Nöün we, i nei chon pwärätä pwe üa fokun chechemenikemi

Nöün Paulus Toropwe ngeni ekewe Souläng lon Rom 9:1

Ngang üpwe apasatä mine a let. Üsap chofona, pun ngang eman nöün Kraist. Mwelien letipei mi nom fän nemenien Ngünmifel a pwal anüküchara ngeniei, pwe üsap chofona,

2. Korint 13:9

Äm aia pwapwa lupwen aia apwangapwang, nge ämi oua pöchökül. Iei mine aia iotek pwe ämi oupwe unusöchüla lon ämi souläng.

2. Korint 6:12

Äm aisap apüngala letipem ngenikemi, nge ämi oua apüngala letipemi ngenikem.

2. Korint 7:15

Iwe, än Titus tongekemi a fokun lalapala, lupwen a chechemeni usun ämi meinisin oua aleasochis ngeni an kewe öüröür, pwal usun ämi etiwa i fän tipetekison me menin.

Kalatia 1:20

Met üa makkei a let. Kot a silei pwe üsap chofona!

Kalatia 3:26

Lon Kraist Jesus ämi meinisin oua nöün Kot ren ämi lükü.

Kalatia 4:19

Ämi nei kana mi achengicheng! Üa usun chök eman fefin lon fansoun an nöünöü. Üa mefi ei sokun metek fänäsengesimi tori manauen Kraist epwe fis lomi.

Filipi 2:1

Iwe, manauemi lon Kraist a apöchöküla letipemi, an chen a echipakemi, oua chiechifengen me Ngünmifel, oua pwal eäni kirikiröch me tongfengen lefilemi.

Filipi 2:26

Epafrotitus a fokun positikemi meinisin, a pwal fokun lolilen pokiten oua rongorong pwe a samau.

Filipi 4:1

Iwe, ämi pwii kana, üa fokun echenikemi o positikemi. Ämi oua apwapwaei o üa sikäsinikemi. Iei mine, ämi pwii kana mi achengicheng, oupwe nüküchar lon manauemi lon ach Samol.

Kolose 2:1

Üa mochen asile ngenikemi usun ai weires le angang fän itemi, fän iten ekewe souläng lon Laotisea, pwal fän iten ekewe ekoch aramas resap sisileei.

Kolose 3:12

Ämi chon fil me ren Kot, ämi chon pin kana i a echenikemi, oupwe pwilitalong womi tong, kirikiröch, tipetekison, lukpwetete me mosonotam.

1. Tesalonika 2:5

Pun oua fokun silei pwe aisap feito remi fän kapas amichimich, aisap pwal aea sokun kapas epwe pwölüela äm tipemong. Kot i nöüch chon pwärätä.

1. Tesalonika 2:8

Iwe, pokiten aia fokun tongekemi, aia pwal pwapwa le fang ngenikemi sap chök ewe Pworausen Manau seni Kot, nge pwal püsin manauem, pun aia fokun echenikemi.

2. Timoty 1:4

Üa chechemeni om kechü o üa fokun mochen künok, pwe üpwe urela ren pwapwa.

Filimon 1:12

Ngang üa tinsefäliela reöm iei, nge lelukei a pwal etala i.

Filimon 1:20

Iei mine en pwii, kose mochen kopwe apwönüetä ai ei tüngor fän iten ach Samol. Kopwe apwapwai letipei, pun en pwii lon Kraist.

1. Johannes 3:17

Are eman aramas mi pisekisek a küna pwiin lon an osupwang, nge esap tongei o alisi, ifa usun a eäni än Kot we chen lon letipan?