Filipi 1:5 - Chuukese Bible

⁵ pokiten ämi oua alisiei lon ai angangen arongafeili ewe Pworausen Manau seni lepoputän ai nom remi tori ikenai.

Filipi 1:5 Iomraidhean Croise

Föför 2:42

Ra likitü le kaiö seni mine ekewe soukünö ra aiti ngeniir, ra likitü lon ar chiechifengen o mongöfengen ewe mongön ach Samol me ikiotekfengen.

Nöün Paulus Toropwe ngeni ekewe Souläng lon Rom 11:17

Ekoch palen ewe irä olif eman a tümwünü ra kuputiu, nge palen ewe irä olif mi chök püsin pwükütä lein pötöwöl a kapachelong lepökün. Ämi chon lükün Israel, oua wewe ngeni ewe irä olif mi pwükütä me lein pötöwöl, nge iei oua angei watten feiöch seni ekewe chon Juta, usun chök ewe palen irä olif mi pwükütä lein pötöwöl a angei feiöch seni chönün ewe irä olif eman a tümwünü.

Nöün Paulus Toropwe ngeni ekewe Souläng lon Rom 12:13

Oupwe alisi pwimi kewe souläng mi osupwang, oupwe etiwaöchü ekewe wasöla.

Nöün Paulus Toropwe ngeni ekewe Souläng lon Rom 15:26

Pun ekewe mwichefel lon Masetonia me Krik ra ekiekifengeni ar repwe fangala ar asor fän iten alilisin ekewe chon wöüngau me lein ekewe chon pin lon Jerusalem.

1. Korint 1:9

Kot a allükülük, i ewe a körikemi pwe oupwe chiechi ngeni Nöün we Jesus Kraist ach Samol.

2. Korint 8:1

Ämi pwiich kana souläng, aia mochen ämi oupwe silei usun mine a fis lon ekewe mwichefel lon Masetonia ren än Kot ümöümöch.

Efisos 3:6

Iei ewe monomon: Ren ewe Pworausen Manau ekewe chon lükün Israel repwe eti ekewe chon Juta le feiöchüni än Kot kewe feiöch, repwe chufengen lon ewe eu chök inis o aeafengen ewe feiöchün pwon Kot a föri ren Kraist Jesus.

Filipi 1:12

Iwe, ämi pwii kana, üa mochen pwe oupwe silei pwe ekewe mettoch mi fis ngeniei ra wesewesen alisi chöülan ewe Pworausen Manau.

Filipi 1:16

Ätekei ra föri ei seni ar eäni chen, pokiten ar silei pwe Kot a ngeniei ewe angangen peni ewe Pworausen Manau,

Filipi 1:27

Iwe, iei ewe mettoch mi aüchea, pwe lapalapen manauemi epwe fich ngeni ewe Pworausen Manau usun Kraist. Mürin ese lifilifil ika ngang üpwe tongeni feila churikemi ika üsap, nge üpwe rongorong pwe oua üppos lon eu chök popun, oua pwal achocho le ütä lon eu chök tip fän iten ämi lükü ewe Pworausen Manau.

Filipi 1:7

Üa chechemenikemi lon letipei fansoun meinisin, iei mine a pwüng ngeniei an epwe iei usun ai tongekemi. Pun ämi meinisin oua chieneniei lon ei angang mi aüchea Kot a ngeniei, sap chök lon ei fansoun üa nom lon imwen fötek, nge pwal lon ewe fansoun lupwen üa ngasala pwe üpwe peni ewe Pworausen Manau o anüküchara.

Filipi 2:12

Iei mine chienei kana mi achengicheng, usun ämi oua aleasochisiei fansoun meinisin lupwen üa nonom remi, iei usun a men aüchea ämi oupwe aleasochisiei lupwen üa toau senikemi. Oupwe achocho le anganga püsin ämi küna manau fän niuokus me chechech,

Filipi 2:22

Iwe, ämi oua püsin silei usun lomotöchün ätei, pwe i me ngang aia angangfengen fän iten ewe Pworausen Manau usun chök eman nau a angangfengen me saman.

Filipi 4:3

Iwe, pwal en chienei chon angang mi allükülük, üa tüngor ngonuk pwe kopwe alisi ekei fefin, pun ra fokun angang weires o etiei le arongafeili ewe Pworausen Manau, irfengen me Klement me pwal ekewe ekoch mi etiei lon ewe angang, ir chokewe meinisin mi mak iter lon än Kot we puken iten chon manau.

Filimon 1:17

Iei mine are ka ekieki pwe ngang eman chienom, kopwe etiwasefäli Onesimus usun chök om etiwaei.

Ipru 3:14

Pun oukich meinisin sia chiechien Kraist are sia kamwöchünük tori lesopolan won ewe apilüköch sia eäni seni me lepoputän.

2. Petrus 1:1

Ngang Simon Petrus, eman nöün Jesus Kraist chon angang me soukünö, üa kapong ngeni ämi mi angei eu lükülük mi aüchea usun chök äm ren än ach Kot me Chon Amanau Jesus Kraist pwüng.

1. Johannes 1:3

Mine aia fen küna o rongorong aia pwal asile ngenikemi, pwe ämi oupwe etikem lon äm chiechifengen me ewe Sam me Jesus Kraist Nöün we.

1. Johannes 1:7

Nge are sia nonom lon ewe saram usun i a nonom lon saram, iwe, sia chiechifengen lefilach, nge chaan Jesus Nöün we a limetikich seni ach tipis meinisin.