Filipi 1:27 - Chuukese Bible

²⁷ Iwe, iei ewe mettoch mi aüchea, pwe lapalapen manauemi epwe fich ngeni ewe Pworausen Manau usun Kraist. Mürin ese lifilifil ika ngang üpwe tongeni feila churikemi ika üsap, nge üpwe rongorong pwe oua üppos lon eu chök popun, oua pwal achocho le ütä lon eu chök tip fän iten ämi lükü ewe Pworausen Manau.

Filipi 1:27 Iomraidhean Croise

1. Kronika 19:12

Joap a üreni Apisai, “Are ekewe chon Siria ra kon pöchökül ngeniei, ina otun kopwe alisiei. Nge are ekewe chon Amon ra kon pöchökül ngonuk, ina otun üpwe feila o alisuk.

Kölfel 122:3

Jerusalem a kaüsefälitä usun eu telinimw mi nükünüköch.

Kölfel 133:1

Nengeni usun mürinan me apwapwan, lupwen pwipwi ra nonomfengen fän tipeeu.

Än Salomon Fos 22:23

pun ewe Samol mi Lapalap epwe peniir o ariaföüü chokewe mi ariaföüür.

Jeremaia 32:39

Üpwe ngeniir eu chök letip me eu chök ekiek, pwe repwe meninitiei fansoun meinisin fän iten püsin feiöchür me feiöchün nöür me mwirir.

Mateus 12:25

Jesus a silei ar ekiek o üreniir, “Are eu mwü a kinikinfesen o fiufengen, ei mwü esap tongeni nonomola. Are chon eu telinimw ika eu famili repwe kinikinfesen o fiufengen lefiler, repwe parasfesen.

Föför 2:46

Iteiten rän ra tipeeufengen le mwichfengen lon ewe imwenfel, ra mongöfengen lon imwer fän pwapwa me tipetekison.

Föför 24:24

Mürin ekoch rän Feliks a feito fiti pwülüan we itan Trusilla, i eman fin Juta. A titi Paulus o aüseling ngeni lupwen a afalafal usun ach lükülük lon Kraist Jesus.

Föför 4:32

Iwe, ewe mwichen chon lükü Jesus ra ekiekeu me tipeeu. Esap fokun wor eman leir epwe apasa, pwe mine a wor ren epwe an chök, nge ra alilisfengen lefiler won meinisin mine ra eäni.

Nöün Paulus Toropwe ngeni ekewe Souläng lon Rom 1:16

Üsap säwäsini ewe Pworausen Manau, pun iei ewe manamanen Kot mi tongeni amanaua chokewe meinisin mi lükü, a akom ngeni ekewe chon Juta, nge mürin pwal ngeni ekewe chon lükün Israel.

Nöün Paulus Toropwe ngeni ekewe Souläng lon Rom 1:5

Ren Jesus Kraist, Kot a ngeniei ewe ümöümöch, pwe üpwe wiseni ewe wisen soukünö fän itan, pwe üpwe emweni aramasen ekewe mwü meinisin pwe repwe lükü i o aleasochis ngeni.

Nöün Paulus Toropwe ngeni ekewe Souläng lon Rom 1:9

Kot, ewe eman üa angang ngeni ren unusen letipei ren ai afalafala ewe Pworausen Manau usun Nöün we, i nei chon pwärätä pwe üa fokun chechemenikemi

Nöün Paulus Toropwe ngeni ekewe Souläng lon Rom 10:8

Iei usun mine a mak lon ekewe Toropwe mi Pin, “Än Kot kapas a fokun kan ngonuk, a nom lon awom pwal lon lelukom”, iei ewe kapas usun ach lükülük sia afalafala.

Nöün Paulus Toropwe ngeni ekewe Souläng lon Rom 15:16

pwe üpwe eman chon angangen Kraist Jesus ai üpwe angang ngeni ekewe chon lükün Israel. Üa angang usun eman souasor lon ai afalafala ewe Pworausen Manau seni Kot, pwe ekewe chon lükün Israel repwe wiliti eu asor mi tiw me ren Kot, a pin ren Ngünmifel.

Nöün Paulus Toropwe ngeni ekewe Souläng lon Rom 15:29

Iwe, üa silei pwe lupwen üpwe torikemi, üpwe uwato remi unusen än Kraist we feiöch.

1. Korint 1:10

Üa tüngormau ngenikemi, ämi pwii kana, fän iten ach Samol Jesus Kraist, pwe oupwe tipeeufengen lefilemi, pwe esap wor kinikinfesen leimi. Oupwe fokun tip-eu me ekiek eu.

1. Korint 15:58

Iei mine ämi pwii kana mi achengicheng, oupwe apposakemi, ousap mwöküt seni ämi souläng. Oupwe alapalafochei ämi achocho lon ewe angangen ach Samol, pun oua silei pwe esap lomotongau ämi angang lon ach Samol.

2. Korint 13:11

Ämi pwii kana, iei lesopolan mine üa makkei lon ei toropwe. Kot epwe etikemi. Oupwe achocho ngeni ämi oupwe unusöch lon ämi souläng. Oupwe aleasochis ngeni ai kewe kapasen öüröür. Oupwe tipeeufengen lefilemi, oupwe kinamwefengen. Iwe, ewe Kot mi echenikich o ngenikich kinamwe epwe nonom remi.

2. Korint 4:4

Ewe koten ei fanüfan a achuna ekiekin letipen chokewe resap lükü, pwe resap tongeni küna saramen ewe Pworausen Manau usun ewe lingen Kraist, i ewe mi lapalapeni lapalapen Kot.

2. Korint 9:13

Iwe, pokiten a pwä allükülükün ämi angangen alilis, chomong aramas repwe mwareiti Kot fän iten ämi aleasochis ngeni ewe Pworausen Manau usun Kraist ämi oua pwärätä, pwal fän iten ämi fangafangöch lon ämi alilis ngeniir pwal ngeni aramas meinisin.

Kalatia 1:7

Enlet, esap fokun wor “pwal eu Pworausen Manau”. Üa apasa ei ititin kapas, pun a wor ekoch aramas mi afitikokokemi o sotuni ar repwe sorei ewe Pworausen Manau usun Kraist.

Efisos 1:13

Pwal ämi oua wiliti nöün Kot aramas lupwen oua rongorong ewe kapasen Kot mi let, iei ewe Pworausen Manau oua küna manau ren. Ämi oua lükü Kraist, nge Kot a pwaunikemi pwe oupwe nöün ren an ngenikemi ewe Ngünmifel, usun i a fen pwonei.

Efisos 1:15

Iei popun, seni ewe fansoun üa rongorong usun ämi lükü ach Samol Jesus pwal usun ämi echeni ekewe chon pin meinisin,

Efisos 4:1

Ngang eman chon fötek pokiten ai angang ngeni ach Samol, üa mochen pese ngenikemi pwe oupwe manaueni eu manau mi fich ngeni ewe kö seni Kot.

Filipi 1:5

pokiten ämi oua alisiei lon ai angangen arongafeili ewe Pworausen Manau seni lepoputän ai nom remi tori ikenai.

Filipi 2:12

Iei mine chienei kana mi achengicheng, usun ämi oua aleasochisiei fansoun meinisin lupwen üa nonom remi, iei usun a men aüchea ämi oupwe aleasochisiei lupwen üa toau senikemi. Oupwe achocho le anganga püsin ämi küna manau fän niuokus me chechech,

Filipi 2:24

Nge ngang üa apilükülük lon ach Samol pwe püsin ngang üpwe tongeni müttir feila remi.

Filipi 3:18

Ngang üa fen ürenikemi ei fän chomong me mwan, nge iei üpwe aliwinisefäli ngenikemi fän ai kechü: A wor chomong aramas mi manaueni eu sokun manau a pwärätä pwe ir ra oputa ewe iräpengesin Kraist.

Filipi 3:20

Nge kich sia chon wiliposun läng. Sia ösüküsükü eman Chon Amanau ach Samol Jesus Kraist pwe epwe feito seni läng,

Filipi 4:1

Iwe, ämi pwii kana, üa fokun echenikemi o positikemi. Ämi oua apwapwaei o üa sikäsinikemi. Iei mine, ämi pwii kana mi achengicheng, oupwe nüküchar lon manauemi lon ach Samol.

Kolose 1:10

Mürin oupwe tongeni manaueni eu manau mi fich ngeni ach Samol o oupwe föri mine epwe pwapwa ren. Iwe, epwe wor sokopaten föför mürina lon manauemi, oupwe mämäritä lon ämi silei Kot.

Kolose 1:4

Pun aia rongorong usun ämi lükü Kraist Jesus, pwal usun ämi echeni ekewe chon pin meinisin.

1. Tesalonika 3:6

Nge iei Timoty a liwinsefälito o uwato rem pworaus mi mürina usun ämi lükülük me tong. A apworausa ngenikem pwe fansoun meinisin oua chechemenikem fän pwapwa o oua fokun mochen churikem, usun pwal äm aia fokun mochen churikemi.

1. Tesalonika 4:1

Ämi pwiim kana, iei soposopolan met oua kaiö senikem usun ewe sokun manau oupwe manaueni pwe oupwe apwapwai Kot ren. Ewer, iei usun mine oua fen manau lon. Nge iei äm aia tüngormau o pese ngenikemi fän iten ach Samol Jesus, pwe manauemi epwe fokun mürinala.

1. Timoty 1:11

Ei sokun afalafal a pwä lon ewe Pworausen Manau mi lükülük ngeniei pwe üpwe arongafeili, iei ewe Pworausen Manau seni ewe Kot mi ling o pin.

1. Timoty 1:19

kopwe pwal amwöchü om lükülük me eu mwelien letip mi mürina. Ekoch aramas resap rongorong ngeni mwelien letiper, iwe, ra küna wata lon ar lükülük.

2. Timoty 4:7

Üa eäni ewe maun mi öch, üa awesöchüela ewe kitir, üa amwöchü ai lükülük.

Titus 2:10

ika soläni och seniir, nge repwe fokun pwärala pwe ra wenechar o allükülük. Iei usun repwe aitöchü ewe angangen asukul usun Kot ach Chon Amanau lon mettoch meinisin.

Filimon 1:5

pun üa rongorong usun om tong ngeni ekewe chon pin meinisin, pwal usun om lükü ach Samol Jesus Kraist.

James 3:18

Ekewe chon afisätä kinamwe mi fofot fän kinamwe repwe kini ewe uän pwüng.

2. Petrus 3:11

Pokiten ekei mettoch meinisin repwe tala lon ei lapalap, met sokun aramas oupwe usuni? Oupwe manaueni eu manau mi pin mi nonom fän nemenien Kot,

2. Petrus 3:14

Iei mine, ämi chiechiei mi achengicheng, pokiten oua witiwiti ei Rän, oupwe fokun achocho ngeni pwe oupwe limöch, pwe esap wor ämi mwäl mwen mesen Kot, nge oupwe pwal nom lon kinamwe.

Jutas 1:3

Ämi chiechiei kana mi achengicheng, üa achocho ngeni ai üpwe mak ngenikemi usun ewe manau mi fö sia eänifengeni. Nge iei üa mefi pwe a aüchea ai üpwe müttir mak ngenikemi o apöchökülakemi, pwe oupwe maun fänäsengesin ewe lükülük Kot a ngeni ekewe chon pin. Iei ewe lükülük esap tongeni siwil.