Filipi 1:23 - Chuukese Bible

²³ Iei mine üa tiperüörü lefilen ekei ruu ekiek: Üa fokun mochen ai üpwe feila o nom ren Kraist, pun iei met epwe fokun mürina,

Filipi 1:23 Iomraidhean Croise

2. Samuel 24:14

Mürin, Tafit a üreni Kat, “Ngang üa nom lon riaföü lapalap. Amwo ewe Samol mi Lapalap epwe apwüngükem, pun an ümöümöch a lapalap, nge aisap mochen pwe aramas repwe apwüngükem.

Kölfel 17:15

Nge me rei, ngang üpwe nenengeni mesom, pun üsap föri och mi mwäl. Lupwen üpwe nenela, üpwe fokun pwapwa ren ai nenengonuk.

Kölfel 49:15

Nge Kot epwe angasaeila seni ewe lenien sotup, pun i epwe etiwaei.

Lukas 12:50

Mi wor eu papatais üpwe papatais ngeni, nge üa chök fokun riaföü tori epwe wesila.

Lukas 23:43

Iwe, Jesus a pölüeni, “Enlet, üpwe ürenuk, ikenai kopwe etiei lon Paratis.”

Lukas 8:38

Iwe, ewe mwän ekewe anün rochopwak ra towu seni a tüngor ngeni Jesus, “Kose mochen üpwe etuk.” Nge Jesus a tinala o üreni,

Johannes 12:26

Iö a mochen angang ngeniei epwe tapweto müri, pun ia ngang üpwe nom ie, ikenan nei chon angang epwe pwal nom ie. Iwe, Semei epwe asamolu chokewe mi angang ngeniei.

Johannes 13:1

Iei ewe rän me mwen ewe chulapen Pasofer. Jesus a silei pwe a tori ewe fansoun an epwe towu seni ei fanüfan o feila ren Saman. A echeni nöün kewe mi nom won fanüfan fansoun meinisin, iwe, a echeniir tori sopolan manauan.

Johannes 14:3

Mürin ai üpwe feila o amolätä leniemi, üpwe pwal liwinsefälito o angeekemi, pwe oupwe nonom rei, pwe ia ngang üpwe nom ie, iei ämi oupwe pwal nom ie.

Johannes 17:24

Semei, üa mochen pwe chokewe ka ngeniei repwe nonom rei ia ngang üpwe nom ie, pwe repwe nenengeni ai we ling ka fen ngeniei, pun ka echeniei mwen fanüfan esamwo wor.

Föför 7:59

Iwe, lupwen ar momonei Stefanus ngeni fau, i a kökkö lon an iotek ngeni ewe Samol, “Ai Samol Jesus, kopwe etiwa ngüni!”

2. Korint 5:8

Sia fokun apilükülüköch o sia fokun mochen ach sipwe towu seni inisich o feila pwe sipwe nom ren ach Samol.

2. Korint 6:12

Äm aisap apüngala letipem ngenikemi, nge ämi oua apüngala letipemi ngenikem.

Filipi 1:24

nge ren ai üpwe manau epwe watte lomotan fänäsengesimi.

1. Tesalonika 2:1

Ämi pwiim kana, oua püsin silei pwe äm churikemi esap lomotongau.

1. Tesalonika 2:13

Iwe, mi pwal wor eu popun pwota sia kilisoufochofoch ngeni Kot. Lupwen sia uwato remi ewe kapasen Kot, oua rongorong ngeni o etiwa. Ousap ekieki pwe kapasen aramas, nge oua etiwa pwe iei wesewesen kapasen Kot. Pun ewe kapas a angang lomi ämi mi lükülük.

1. Tesalonika 4:17

Mürin kich mi chüen manau ngeni ena fansoun sipwe etekitä o chufengen me ir lon kuchu, pwe sipwe churi ach Samol lon längin asepwäl. Iei usun sipwe nonomfengen me ach Samol fansoun meinisin.

2. Timoty 4:6

Nge me rei, a tori ewe fansoun ai üpwe fangala manauei ngeni Kot pwe eu asor, a tori ewe otun ai üpwe mäla.

Pwärätä 14:13

Mürin üa rongorong eu möngüngü seni läng a apasa, “Kopwe makkei ei: Ra feiöch chokewe mi mäla lon ar lükü ach Samol seni ikenai!” Ewe Ngünmifel a pölüeni, “Ewer, repwe asösö seni ar angang weires, pun ar föför mürina a etiir.”