Filipi 1:13 - Chuukese Bible

¹³ Iei popun ekewe sounfiu mi mamasa imwen Sisar pwal ekewe ekoch aramas ra silei pwe üa nom lon imwen fötek pokiten ngang eman chon angang ngeni Kraist.

Filipi 1:13 Iomraidhean Croise

Föför 26:29

Paulus a pölüeni, “Ese lifilifil ika fansoun mochomoch ika fansoun langatam, nge üa chök iotek ngeni Kot pwe en me ir meinisin mi rongorong ngeniei ikenai oupwe wewe ngeniei lon ai souläng, nge sap lon ai föfö!”

Föför 26:31

Mürin ar towu ra kapasfengen lefiler, “Ei aramas esap föri och mine epwe tipisin mäla ren ika nom lon imwen fötek.”

Föför 28:17

Mürin ülüngat rän, Paulus a körato ekewe souemwenin ekewe chon Juta mi chon lefanüla lon Rom pwe repwe mwichfengen. Iwe, lupwen ar chufengen, Paulus a üreniir, “Ämi pwii kana chon Israel! Inamwo ika ngang üsap föri och mi ü ngeni aramasach ika örüniach kewe sia angei seni ach kewe lewo, nge ra fötekiniei lon Jerusalem o atolongaei fän nemenien chon Rom.

Föför 28:20

Ina popun üa tüngor pwe üpwe churikemi o kapas ngenikemi. Pun ngang üa fötek pokiten än ekewe chon Israel apilükülük.”

Föför 28:30

Iwe, lon ükükün ruu ier Paulus a nonom lon eu leni i a püsin möni o etiwa aramas meinisin mi feito ren, pwe repwe churi.

Efisos 3:1

Fän iten ei popun, ngang Paulus, eman chon fötek fän iten Kraist Jesus fänäsengesin ämi chon lükün Israel, üa iotek ngeni Kot.

Efisos 4:1

Ngang eman chon fötek pokiten ai angang ngeni ach Samol, üa mochen pese ngenikemi pwe oupwe manaueni eu manau mi fich ngeni ewe kö seni Kot.

Efisos 6:20

Pun ngang eman chon künö fän iten ei Pworausen Manau, inamwo ika ngang üa nom lon imwen fötek iei. Oupwe iotek pwe üpwe pwora le apasatä ewe Pworausen Manau, pun iei wisei.

Filipi 1:30

Iei ämi oua tongeni etiei lon ewe fiu üa eäni fän iten ai peni ewe Pworausen Manau. Iei pwal chök ewe fiu oua küna me rei me lom, nge oua pwal rongorong pwe üa chüen eäni iei.

Filipi 1:7

Üa chechemenikemi lon letipei fansoun meinisin, iei mine a pwüng ngeniei an epwe iei usun ai tongekemi. Pun ämi meinisin oua chieneniei lon ei angang mi aüchea Kot a ngeniei, sap chök lon ei fansoun üa nom lon imwen fötek, nge pwal lon ewe fansoun lupwen üa ngasala pwe üpwe peni ewe Pworausen Manau o anüküchara.

Filipi 4:22

Ekewe chon pin meinisin ra kapong ngenikemi, lapalan chokewe mi nom lon imwen Sisar.

2. Timoty 2:9

Pokiten ngang üa afalafala ewe Pworausen Manau, üa tolong lon riaföü, üa fen mwo nge föfö ngeni selimächä usun eman chon föföringau. Nge än Kot kapas esap föfö.