Filipi 1:12 - Chuukese Bible

¹² Iwe, ämi pwii kana, üa mochen pwe oupwe silei pwe ekewe mettoch mi fis ngeniei ra wesewesen alisi chöülan ewe Pworausen Manau.

Filipi 1:12 Iomraidhean Croise

Ester 9:1

Iwe, lon engol me ülüngatin ränin ewe engol me ruuen maram mi iteni Atar a tori fansoun pwe än ewe king allük epwe pwönüetä. Lon ewe rän ekewe chon oputen chon Juta ra ekiekin akufuur, nge ewe rän a wili ngeni eu rän chon Juta ra tongeni akufu chon oputeer.

Kölfel 76:10

Ellet, än ekewe aramas lingeringer iei fen om ling. Nge lusun ewe lingeringer kopwe chök efitti ngonuk.

Ekistos 18:11

Iei üa silei pwe ewe Samol mi Lapalap a tekia seni ekewe kot meinisin, pun a angasa ekewe aramasen Israel seni lepöün chon Isip, lupwen ra turunufaseer.”

Lukas 21:13

Ei fansoun epwe eu fansoun mi fich ngenikemi ämi oupwe apworausa ewe Pworaus Allim.

Föför 8:4

Iwe, ekewe chon lükü mi toropasfeil ra fetalfeil ekis meinisin o afalafala ewe kapasen Kot.

Nöün Paulus Toropwe ngeni ekewe Souläng lon Rom 8:28

Sia silei pwe lon mettoch meinisin Kot a afisätä feiöchün chokewe mi echeni i, chokewe i a köriir pwe repwe föri letipan.

Nöün Paulus Toropwe ngeni ekewe Souläng lon Rom 8:37

Apwi, nge lon ekei mettoch meinisin sia fokun pwora ren ewe mi echenikich!

Filipi 1:5

pokiten ämi oua alisiei lon ai angangen arongafeili ewe Pworausen Manau seni lepoputän ai nom remi tori ikenai.

Filipi 1:7

Üa chechemenikemi lon letipei fansoun meinisin, iei mine a pwüng ngeniei an epwe iei usun ai tongekemi. Pun ämi meinisin oua chieneniei lon ei angang mi aüchea Kot a ngeniei, sap chök lon ei fansoun üa nom lon imwen fötek, nge pwal lon ewe fansoun lupwen üa ngasala pwe üpwe peni ewe Pworausen Manau o anüküchara.

Filipi 2:22

Iwe, ämi oua püsin silei usun lomotöchün ätei, pwe i me ngang aia angangfengen fän iten ewe Pworausen Manau usun chök eman nau a angangfengen me saman.

Filipi 4:15

Iwe, ämi chon Filipi, oua fokun silei, pwe lupwen üa feila seni Masetonia, lon ewe fansoun üa popuetä le afalafala ewe Pworausen Manau, ämi na chök mwichefel a alisiei, ämi chök oua lifang ngeniei usun mine üa lifang ngenikemi.

Filipi 4:3

Iwe, pwal en chienei chon angang mi allükülük, üa tüngor ngonuk pwe kopwe alisi ekei fefin, pun ra fokun angang weires o etiei le arongafeili ewe Pworausen Manau, irfengen me Klement me pwal ekewe ekoch mi etiei lon ewe angang, ir chokewe meinisin mi mak iter lon än Kot we puken iten chon manau.

1. Timoty 2:8

Üa mochen pwe lon ekewe lenien fel meinisin mwän repwe iotek, ir mwän mi pin fän iten Kot, repwe aitietä pöür lon ar iotek, nge resap song ika anini.

2. Timoty 2:9

Pokiten ngang üa afalafala ewe Pworausen Manau, üa tolong lon riaföü, üa fen mwo nge föfö ngeni selimächä usun eman chon föföringau. Nge än Kot kapas esap föfö.

2. Timoty 4:17

Nge ach Samol a nom rei, a atufichiei pwe üpwe tongeni arongafeili unusen ewe Kapasen Kot, pwe ekewe chon lükün Israel meinisin repwe rongorong. Iwe, üa ngas seni ar apwüngüei ngeni mäla.