Filipi 1:11 - Chuukese Bible

¹¹ Iwe, manauemi epwe urela ren sokun föför mürina Jesus Kraist chök a tongeni afisätä, pwe Kot epwe ling o iteüöch ren.

Filipi 1:11 Iomraidhean Croise

Kölfel 1:3

Ätekewe ra wewe ngeni irä mi mär ünükün ekewe chanpupu, ra ua lon fansoun räs, nge chör resap aiolol. Meinisin mine ra föri a fisiöch.

Aisea 5:2

Iwe, a tuw ewe pwül o ionawu ekewe fau me lon, a pwal fotuki irän wain mi fokun mürina won. Nge lukalapan a aüetä eu imwen mamas o föri eu lenien puri föün wain lon. Iwe, a witiwiti an epwe afisätä ua mi öch, nge ewe tanipi a chök afisätä ua mi ngau.

Aisea 60:21

Mürin, noum aramas meinisin repwe föri mine a pwüng. Repwe fanüeni ewe fanü tori feilfeilachök, pun üpwe fotukiir ikenan ren püsin pei, pwe üpwe küna ling rer.

Aisea 61:11

Pun usun irä ra pwükütä won fanüfan, pwal usun irä mi fot lon tanipi ra märitä, iei usun Kot ewe Samol mi Lapalap epwe apwükü pwüng me kapasen ingemwar fän mesen chon ekewe mwü meinisin.

Aisea 61:3

Üpwe ngeni chokewe mi letipeta lon Sion epa mwärämwär siwilin falangen won mökürer, pwapwa siwilin kechü, pwal kölün mwareiti siwilin letipeta. Iwe, repwe wewe ngeni irä ewe Samol mi Lapalap a püsin fotuki, repwe föri mine a pwüng pwe Kot epwe küna ling ren.

Mateus 5:16

Iei usun ämi saram epwe tittin mwen ekewe aramas, pwe repwe küna ämi föför mürina o mwareiti Sememi lon läng.

Johannes 15:16

Ämi ousap afiliei, nge ngang üa afilikemi o awisakemi, pwe oupwe feila o uani ua mi chomong, ewe sokun ua mi nonomola. Iei usun Semei epwe ngenikemi meinisin mine oua tüngor fän itei.

Johannes 15:2

Epwe pöküela ekewe palan meinisin mi nonom loi resap ua, nge ekewe palan meinisin mi ua, epwe limetiir, pwe epwe chomongola uar.

Johannes 15:8

Iei chök mine Semei epwe küna ling ren, are oupwe uani ua mi chomong o pwärala pwe ämi nei chon kaiö.

Nöün Paulus Toropwe ngeni ekewe Souläng lon Rom 15:28

Lupwen üpwe awesala ai angang o ngeniir unusen ewe moni aramas ra fesini fän iter, üpwe churikemi lon ai sai ngeni Spain.

Nöün Paulus Toropwe ngeni ekewe Souläng lon Rom 6:22

Nge iei oua ngas seni fän nemenien tipis o oua chon angang ngeni Kot. Feiöchümi pwe oua angei eu manau mi pin, nge sopolan ewe manau esemüch.

1. Korint 10:31

Iei mine are oua momongö ika ükün, ika met oua föri, oupwe föri meinisin pwe Kot epwe ling ren.

2. Korint 9:10

Iwe, Kot mi awora pwükil fän iten ewe chon fofot, pwal föri pwe epwe wor mongö, i epwe pwal awora ngenikemi ekewe pwükil meinisin oua tongeni fotuki, epwe pwal amäriiretä, pwe epwe wor räs watte ngenikemi ren ämi fangafangöch.

Efisos 1:12

Iei mine kich mi akomwen apilükülükü Kraist sipwe eu lenien mwareiti lingen Kot.

Efisos 1:14

Pokiten sia eäni Ngünmifel, sia fokun silei pwe sipwe angei mine Kot a fen pwon ngeni nöün aramas. Ei a allükülükü ngenikich pwe Kot epwe wesewesen angasala nöün kana meinisin. Sipwe mwareiti an we ling!

Efisos 2:10

Pun Kot a förikich pwe sipwe eäni ei manau, a förikich lon Kraist Jesus pwe sipwe föri ekewe föför mi mürina a fen amolätä fän itach pwe sipwe föföri.

Efisos 5:9

pun ewe saram a atoto eu räs mi watte ren sokun föför mürina, föförün pwüng me let.

Filipi 4:17

Esap wewen pwe üa chök mochen angei lifang, nge üa mochen ai üpwe küna watten ämi föför mürina epwe kapach ngeni mine oua fen föri.

Kolose 1:10

Mürin oupwe tongeni manaueni eu manau mi fich ngeni ach Samol o oupwe föri mine epwe pwapwa ren. Iwe, epwe wor sokopaten föför mürina lon manauemi, oupwe mämäritä lon ämi silei Kot.

Kolose 1:6

Ei Pworausen Manau a akatoto feiöch, a chöfetal won unusen fanüfan usun a fen fis lefilemi, seni ewe rän oua kärän popuetä le rongorong o weweöchiti än Kot ümöümöch mi wesewesen enlet.

2. Tesalonika 1:12

Ren ei iten ach Samol Jesus epwe ling me remi, nge pwal ämi oupwe ling me ren. Ei epwe fis pokiten ümöümöchün ach Kot me ach Samol Jesus ngenikemi.

Titus 3:14

Kopwe aiti ngeni chiechiach kewe souläng, pwe repwe fokun alomota ar fansoun le föri föför mürina, pwe epwe wor rer mine ra osupwang ren, pwe manauer esap lomotongau.

Ipru 12:11

Lupwen Kot a apwüngükich usun itä nge sia mefi lon ewe otun pwe och mettoch sia letipeta ren, nge sisap pwapwa. Nge mürin chokewe mi angei ei sokun apwüng repwe manaueni eu manauen kinamwe me pwüng.

1. Petrus 2:12

Oupwe eäni föföröch lein ekewe chon lükün lamalam, pwe lupwen repwe atipisikemi pwe oua föri föför mi ngau, repwe küna ämi föför mürina o mwareiti Kot lon ewe Rän epwe wareto lon.

1. Petrus 2:5

Pwal ämi oua usun chök fau mi manau. Oupwe mwüt ngeni Kot pwe epwe aükemiitä, pwe oupwe eu imwen ngün, ia oupwe angang ie lon wisen souasor mi pin, pwe oupwe eäni sokun asor Ngünmifel a tipeni, Kot a etiwa ren Kraist.

1. Petrus 2:9

Nge ämi eu ainang mi fil, eu mwichen souasor än ewe king, eu mwün aramas mi pin, nöün Kot kewe aramas, oua fil pwe oupwe arongafeili än Kot kewe föför mi manaman, i ewe mi körikemiiwu seni rochopwak, pwe oupwe tolong lon an saram mi amwarar.

1. Petrus 4:14

Oua feiöch are oua küna turunufas pokiten ämi tapwela mürin Kraist, pun ewe Ngünün ling, Ngünün Kot epwe nonom lomi.