Ester 9:16 - Chuukese Bible

¹⁶ Iwe, ekewe chon Juta, ra nom lon ekewe sop mi nom fän nemenien ewe king, ra pwal chufengen pwe repwe fiu ngeni chon oputeer, pwe repwe ngasala seniir, nge resap mäla. Ra niela fik me limu ngeröü mwän, nge resap angei och seni pisekir.

Ester 9:16 Iomraidhean Croise

Keneses 34:27

Mürin, nöün Jakop kewe mwän ra feito won ekewe somä o angei pisekin ewe telinimw fän pöchökül pokiten fefiner we a itengau rer.

Ester 8:11

Iwe, ren masouen lon ekewe toropwe ewe king a mwüt ngeni ekewe chon Juta mi nom lon ekewe telinimw meinisin, pwe repwe tongeni chufengen o fiu ngeni chon oputeer pwe resap mäla. A mwüt ngeniir pwe repwe niela o arosala iteiten mwicheichen aramas lon ekewe sop mi fiu ngeniir, repwe pwal niela nöür me pwülüer o angei pisekir fän pöchökül.

Ester 9:2

Iwe, lon ena rän ekewe chon Juta ra chufengen lon ar kewe telinimw lon ekewe sop meinisin mi nom fän nemenien ewe king Asuworos, pwe repwe niela chokewe mi ekiekin nirela. Nge esap wor eman a tongeni akufuur, pun aramas meinisin ra niuokusiti ekewe chon Juta.

Kölfel 149:7

pwe repwe ngeni chon ekewe mwü chappen ar föför o apwüngü ekewe aramas.

Kölfel 37:15

Nge repwe mäla ren püsin nöür ketilas, nge ar likapich epwe kup.