Ester 9:12 - Chuukese Bible

¹² Iwe, ewe king a kapas ngeni kiwiin Ester, “Ekewe chon Juta ra niela limepükü mwän me nöün Haman kewe engol mwän lon Susa. Met ra pwal föri lon ekewe lusun sop mi nom fän nemeniei? Iwe, met ka chüen mochen? Epwe chök mwümwü ngonuk. Ika met om tüngor? Epwe chök pwönüetä.”

Ester 9:12 Iomraidhean Croise

Ester 5:3

Mürin, ewe king a aisini, “Met om mochen, kiwiin Ester? Meinisin mine kopwe tüngor seniei epwe toruk, inamwo ika esopun mwüi.”

Ester 5:6

Nge lupwen ra ünümi wain, ewe king a aisini Ester, “Met ka wesewesen mochen? Epwe chök mwümwü ngonuk. Ika met om tüngor? Epwe toruk, inamwo ika esopun mwüi.”

Ester 7:2

Nge lon ewe aruuen rän, lupwen ra ünümi wain, ewe king a aisinisefäli Ester, “Met ka wesewesen mochen, kiwiin Ester? Epwe chök mwümwü ngonuk. Ika met om tüngor? Epwe toruk, inamwo ika esopun mwüi.”

Ester 9:11

Lon ewe chök ränin ra asile ngeni ewe king iteiten aramas mi ninnila lon Susa.

Ester 9:15

Iwe, lon engol me rüanün ränin ewe maram Atar, ekewe chon Juta mi nom lon Susa ra chufengensefäl pwe repwe pwal niela ülüpükü mwän lon Susa. Nge resap angei och seni pisekir.

Föför 23:19

Ewe sounemenem a kamwöch pöün ewe alüal, a emwenala ekis o aisini, “Met ka mochen asile ngeniei?”