Ester 9:1 - Chuukese Bible

¹ Iwe, lon engol me ülüngatin ränin ewe engol me ruuen maram mi iteni Atar a tori fansoun pwe än ewe king allük epwe pwönüetä. Lon ewe rän ekewe chon oputen chon Juta ra ekiekin akufuur, nge ewe rän a wili ngeni eu rän chon Juta ra tongeni akufu chon oputeer.

Ester 9:1 Iomraidhean Croise

2. Samuel 22:41

Ka föri pwe ekewe chon pälüeniei ra sü seniei, üa arosala chokewe mi oputaei.

Ester 3:13

Iwe, ekewe chon künö ra uweela ekewe toropwe ngeni ekewe sop meinisin mi nom fän nemenien ewe king. Nge masouen lon ekewe toropwe, pwe aramas repwe niela o arosala chon Juta meinisin lon eu chök rän, seni alüal tori chinlap, pwal fefin me semirit. Ei epwe fis lon engol me ülüngatin ränin ewe engol me ruuen maram a iteni Atar. Repwe pwal angei pisekir fän pöchökül.

Ester 3:7

Iwe, lon engol me ruuen ierin än ewe king Asuworos nemenem, lon ewe aeuin maram itan Nisan, Haman a allük pwe repwe pweei meni rän ika meni maram epwe öch fän iten an we ekiek. Iwe, a pwä pwe ewe engol me ülüngatin rän lon engol me ruuen maram itan Atar a öch. Iten ei sokun pwee Pur.

Ester 8:12

Ei repwe tongeni föri lon ekewe sop meinisin mi nom fän nemenien ewe king Asuworos lon engol me ülüngatin ränin ewe engol me ruuen maram a iteni Atar.

Ester 8:6

Pun ifa usun, epwe tufich ngeniei pwe üpwe nengeni ewe feiengau epwe tori aramasei? Are ifa usun, üpwe tongeni nengeni mälan ai famili?”

Ester 9:17

Ei a fis lon engol me ülüngatin ränin ewe maram Atar, nge lon engol me rüanün rän ra asösö o eäni chulapen mongö fän pwapwa.

Kölfel 18:40

Ka föri pwe ekewe chon pälüeniei ra sü seniei, üa arosala chokewe mi oputaei.

Kölfel 30:11

Iwe, ka awili ai ngüngüres ngeni pwörük, ka pwiliti seniei üfei üföüfen letipeta o aüföüfa ngeniei pwapwa.

Föför 12:11

Mürin Petrus a mefi mine a fis ngeni o a apasa, “Iei üa silei pwe mine a fis ngeniei a wesewesen let. Ewe Samol a tinato nöün we chon läng pwe epwe angasaei seni fän nemenemen Herotes, pwal seni ekewe mettoch meinisin ekewe aramasen Juta ra ekiekin föri ngeniei, pwe üpwe tolong lon riaföü.”

Tuteronomi 32:36

Pun ewe Samol mi Lapalap epwe apwüngü nöün aramas o tongeäsini nöün kewe chon angang, lupwen a küna pwe esap chüen wor ar pöchökül, esap pwal chüen wor eman lusun, ese lifilifil ika ir amanau ika chon ngas.

Pwärätä 11:18

Ekewe chon lükün Israel ra fokun song, pun om lingeringer a war, ewe fansoun ekewe mi mäla repwe küna kapwüng. A war ewe fansoun om kopwe liwiniöchü ngeni noumw kewe chon angang ekewe soufos, me noumw kewe chon pin, pwal chokewe meinisin mi meninituk, ekewe aramas tekia me ekewe aramas kis. A war ewe fansoun om kopwe afeiengaua chokewe mi afeiengaua fanüfan.”