Ester 8:5 - Chuukese Bible

⁵ Iwe, a apasa, “Are en ai king ka mochen, ika üa küna ümöümöch me reöm, are ei mettoch epwe pwüng me reöm en ai king, ika ka tongeei, kopwe makei eu allük mi siwili pwüngün ewe allük Haman nöün Hametata ewe mwirimwirin Akak a apwüngala, pwe epwe arosala ekewe chon Juta mi nom lon ekewe sop meinisin ra nom fän nemeniom.

Ester 8:5 Iomraidhean Croise

Ester 2:17

Ewe king a sani Ester lap seni ekewe föpwül meinisin, Ester a pwal küna chen me kirikiröch me ren lap seni ekewe föpwül meinisin. Iwe, ewe king a isetä ewe mwärin kiwiin won möküran o seikätä lon wisan wisen kiwiin, pwe epwe siwili Fasti.

Ester 2:4

Nge ewe föpwül, en äm king ka efich, epwe siwili Fasti lon wisan wisen kiwiin.” Iwe, ewe king a pwapwaiti ei ekiek, pwe a föri usun mine ra apasa.

Ester 3:1

Ekoch fansoun mürin, king Asuworos a seikätä Haman nöün Hametata, eman mwirimwirin Akak, pwe epwe lap seni chienan nöüwis meinisin lon wisan.

Ester 5:8

Are üpwe küna ümöümöch me reöm, en ai king, nge are kopwe mwüt ngeniei ai tüngor o apwönüötä ei mochen, en ai king me Haman oupwe feito lesor ren ewe kametip üpwe amolätä fän itemi. Iwe, lesor üpwe pälüeni mine ka ais ngeniei.”

Ester 7:3

Mürin, kiwiin Ester a pälüeni, “Are üa küna ümöümöch me reöm en ai king, are en ai king kopwe mwütätä ai tüngor, kose mochen kopwe amanauaei me aramasei meinisin.

Ekistos 33:13

Iei mine üa tüngor ngonuk, ika üa küna ümöümöch me reöm, kopwe aiti ngeniei om akot pwe üpwe sileek o küküna ümöümöch me reöm. Kopwe pwal chechemeni pwe ekei aramas noum.”

Ekistos 33:16

Ren met epwe pwä pwe aia küna ümöümöch me reöm, äm me noum aramas? Ifa usun, esap pwä, lupwen ka püsin etikem? Ren ei äm me noum aramas aipwe sokola seni aramas meinisin won fanüfan.”

1. Samuel 20:29

Iwe, a üra, ‘Kose mochen mwüt ngeniei pwe üpwe feila, pun ai famili a eäni och asor lon ewe telinimw, nge pwi a allük ngeniei pwe üpwe nom ikenan. Iei mine, are üa küna ümöümöch me reöm, kopwe mwüt ngeniei pwe üpwe feila o churi pwii kana.’ Iei popun pwe esap nom lon lenian ren om we chepel.”