Ester 8:11 - Chuukese Bible

¹¹ Iwe, ren masouen lon ekewe toropwe ewe king a mwüt ngeni ekewe chon Juta mi nom lon ekewe telinimw meinisin, pwe repwe tongeni chufengen o fiu ngeni chon oputeer pwe resap mäla. A mwüt ngeniir pwe repwe niela o arosala iteiten mwicheichen aramas lon ekewe sop mi fiu ngeniir, repwe pwal niela nöür me pwülüer o angei pisekir fän pöchökül.

Ester 8:11 Iomraidhean Croise

Ester 3:13

Iwe, ekewe chon künö ra uweela ekewe toropwe ngeni ekewe sop meinisin mi nom fän nemenien ewe king. Nge masouen lon ekewe toropwe, pwe aramas repwe niela o arosala chon Juta meinisin lon eu chök rän, seni alüal tori chinlap, pwal fefin me semirit. Ei epwe fis lon engol me ülüngatin ränin ewe engol me ruuen maram a iteni Atar. Repwe pwal angei pisekir fän pöchökül.

Ester 9:18

Iwe, nge ekewe chon Juta mi nom lon Susa ra niela chon oputeer lon engol me ülüngatin me engol me rüanün rän, nge lon engol me limuen rän ra asösö o eäni chulapen mongö fän pwapwa.

Kölfel 137:8

En Papilon kopwe tala. Epwe pwapwa ätewe mi ngonuk chappen om föför ngenikem.

Kölfel 68:3

Nge ekewe chon pwüng repwe uren pwapwa, repwe mwänek me fän mesen Kot, repwe mweireir fän pwapwa.

Aisea 10:6

Üa tinala chon Asiria ren chon eu mwü resap niueitiei, nge üa allük ngeniir pwe repwe maun ngeni ekewe aramas üa songeitiir. Repwe angei seniir wöür o soläni pisekir, repwe pwal puriir usun chök pwakaken won al.

Isikiel 39:10

Iwe, resap chüen kütta amwüch lemal ika pöküpök irä lein ekewe wöllap, pun repwe chök eäni amwüch ekewe pisekin maun. Repwe angei fän pöchökül pisekin chokewe ra angei ar pisek fän pöchökül me lom,” iei alon Kot ewe Samol mi Lapalap.