Ester 8:1 - Chuukese Bible

¹ Lon ewe chök rän king Asuworos a ngeni kiwiin Ester meinisin mine Haman ewe mi oputa chon Juta a eäni. Nge Mortokai a tolong fän mesen ewe king, pun Ester a pwäri lefiler me Mortokai.

Ester 8:1 Iomraidhean Croise

Ester 1:14

Ikkei ir ekewe mwän mi nom ren ewe king: Karsina, Setar, Atmata, Tarsis, Meres, Marsena me Memukan. Ir ekewe füman nöüwisen Persia me Metia mi tongeni churi ewe king iteiten fansoun o wiseni wis tekia lon mwün.

Ester 2:15

Nge lupwen a tori fansoun pwe Ester epwe tolong ren ewe king, esap tüngor och mettoch lükün mine Hekai nöün ewe king chon angang a öüra ngeni, ewe mi wisen tümwünü ekewe fefin. Iwe, Ester a küna chenin me ren chokewe meinisin mi küna. Ester nöün Apihail föpwül, fefinen Mortokai, ätewe a angei pwe a usun chök eman nöün.

Ester 2:7

Iwe, a wor eman nöün pwin semen Mortokai itan Hatasa, a pwal iteni Ester, Mortokai a angei o tümwünü, lupwen saman me inan ra mäla, pwe a usun chök eman nöün föpwül. Ei föpwül a fokun liöch o sengesengöch.

Ester 7:6

Nge Ester a apasa, “Iei i Haman ewe mwän mi ngau, i ätewe mi ü ngenikem o oputakem.” Mürin, Haman a chechech ren an niuokusiti ewe king me ewe kiwiin.

Ester 8:7

Mürin, ewe king Asuworos a üreni kiwiin Ester me Mortokai ewe re Juta, “Nengeni, üa ngeni Ester meinisin mine Haman a eäni, ra pwal forusi won ewe irä pokiten a ekiekin niela ekewe chon Juta.

Kölfel 39:6

Ellet, aramas ra usun chök ngünüen mettoch. Meinisin mine ra anganga esap wor lomotan. Aramas ra achukuchukätä wöür, nge resap silei iö epwe angei me mürin.

Än Salomon Fos 13:22

Eman aramasöch a likiti wöün ngeni nöün nöün kana, nge wöün ewe chon tipis epwe tori ekewe chon pwüng.

Än Salomon Fos 28:8

Eman mi awattela wöün ren an angei manauan me winnan, a ionifengeni wöün fän iten ätewe mi kirikiröch ngeni chon wöüngau.

Lukas 12:20

Nge Kot a üreni, ‘Umwesum, lon chök ei pwinin kopwe le mäla. Iwe, iö epwe eäni ekei mettoch meinisin ka amolätä fän itom?’