Ester 7:9 - Chuukese Bible

⁹ Mürin, eman leir itan Arpona a üreni ewe king, “Mi wor efoch irä lükün imwen Haman ükükün langataman fik me limu fiit. Haman a amolätä ewe irä fän iten Mortokai, ätewe a fen tümwünü manauom en äm king.”

Ester 7:9 Iomraidhean Croise

2. King 9:32

Nge Jehu a netä ren ewe asammwacho o kökkötä, “Iö a nom won peki, iö a nom won peki?” Iwe, ruoman ika ülüman chon angang lon imwen king ra nenetiu ren.

Ester 1:10

Iwe, lon afisuen ränin ewe kametip, lupwen ewe king a pwapwa ren an ünümi wain, a allük ngeni Mehuman, Pista, Harpona, Pikta, Apakta, Setar me Karkas, ir nöün ewe king kewe füman chon angang mi angang ngeni,

Ester 5:14

Iwe, Seres pwülüan we me chiechian kewe meinisin ra üreni, “Kopwe amolätä efoch irä mi tam, ükükün langataman fik me limu fiit. Nge lesosorun lesor kopwe tüngorei ewe king pwe repwe forusi Mortokai won. Mürin kopwe pwapwa le fiti ewe king lon ewe kametip.” Ei pworaus Haman a sani. Iwe, a apasa pwe repwe aüetä ewe irä mi tam.

Ester 6:14

Iwe, lupwen ra chüen fos ngeni Haman, nöün ewe king kewe chon angang ra war o müttir emwenala Haman ren ewe kametip Ester a amolätä.

Ester 6:2

Iwe, ra küna pwe a mak usun Mortokai a pwärätä pwe Piktan me Teres ra ekiekin niela king Asuworos. Ir me ruoman nöün ewe king chon angang ra wisen mamasa ewe lenien tolong ngeni imwen ewe king.

Ester 8:7

Mürin, ewe king Asuworos a üreni kiwiin Ester me Mortokai ewe re Juta, “Nengeni, üa ngeni Ester meinisin mine Haman a eäni, ra pwal forusi won ewe irä pokiten a ekiekin niela ekewe chon Juta.

Ester 9:14

Iei mine ewe king a allük pwe repwe föri ina usun. Iwe, ewe allük a rongofeil lon Susa, nge ekewe engol mwän nöün Haman ra for won irä.

Ester 9:25

Nge lupwen Ester a uwato ewe pworaus fän mesen ewe king, ewe king a makei eu allük pwe än Haman ekiekingau ngeni chon Juta epwe tori püsin inisin, pun i me nöün mwän repwe for won irä.

Kölfel 141:10

Ekewe aramasangau meinisin repwe turulong lon püsin ar kewe sär, nge ngang üpwe feila seniir, pun üsap tup lon.

Kölfel 35:8

Amwo feiengau mi lapalap epwe toriir mwen ar silei. Amwo repwe püsin tup lon ewe sär ra aopala. Amwo repwe turulong lon ewe pwang o fokun feiengau.

Kölfel 73:19

Ra rosola lon eu chök otun, ra moropöküla ren niuokus.

Taniel 6:24

Mürin, ewe king a pwal apasa pwe repwe emwenato ekewe mwän mi aturu Taniel o atururolong lon ewe pwangen laion, pwal nöür me pwülüer. Iwe, lupwen resamwo tori epin ewe pwang, ekewe laion ra fen turufiir o ocheer meinisin.

Taniel 6:7

Äm meinisin mi angang lon mwum, äm ekewe nöüwis tekia me sounemenem, pwal ekewe kepina me souemwen aia tipeeufengen pwe en king kopwe föri eu allük o apwüngala, pwe esap wor eman epwe tüngor och seni eman kot ika aramas lon ükükün ilik rän, pwe repwe chök tüngor senuk en king. Nge iö esap aleasochis ngeni, epwe koturulong lon pwangen laion.

1. Samuel 17:51

Mürin, Tafit a säla o ütä won Koliat. A üttawu nöün Koliat we ketilas me lon sittan o pöküela üan. Iwe, lupwen ekewe re Filistia ra küna pwe nöür soumaun a mäla, ra sü.