Ester 7:6 - Chuukese Bible

⁶ Nge Ester a apasa, “Iei i Haman ewe mwän mi ngau, i ätewe mi ü ngenikem o oputakem.” Mürin, Haman a chechech ren an niuokusiti ewe king me ewe kiwiin.

Ester 7:6 Iomraidhean Croise

Nehemia 6:16

Lupwen ekewe chon oputakem ra rongorong usun, nge chon ekewe mwü ünüküm ra küna ei, ra fokun säw, pun ra mefi pwe ei angang a fis ren än Kot alilis ngenikem.

Ester 3:10

Iwe, ewe king a üttawu nöün ringen impwang seni won pöün o ngeni Haman nöün Hametata ewe mwirimwirin Akak, ewe mi oput ekewe chon Juta.

Ester 7:5

Iwe, ewe king Asuworos a aisini kiwiin Ester, “Iö ätewe a ekiekin föri ena sokun, ia a nom ie?”

Ester 8:1

Lon ewe chök rän king Asuworos a ngeni kiwiin Ester meinisin mine Haman ewe mi oputa chon Juta a eäni. Nge Mortokai a tolong fän mesen ewe king, pun Ester a pwäri lefiler me Mortokai.

Kölfel 27:2

Lupwen aramasangau ra rangetiei pwe repwe nieila, lupwen chon ü ngeniei ra fiu ngeniei, repwe chök chepetek o turula.

Än Salomon Fos 16:14

Än eman king lingeringer a usun chök eman chon künö mi uwato pworausen mäla, nge eman mi mirit a tongeni amanasösötiu an lingeringer.

Än Salomon Afalafal 5:8

Kosap weitifengeniik, lupwen ka küna lon eu fanü pwe ra ariaföüü chon wöüngau, ra pwal amoela pwüng fän pöchökül. Pun eman nöüwis a nom fän nemenemen eman nöüwis mi tekia seni, nge a pwal wor nöüwis mi tekia seniir meinisin.

Aisea 21:4

A püngüpüng fän mwäri, inisi a chechech ren watten ai niuokus. Üa ösüküsükü lekuniol, nge lupwen üa tori, üa chök niuokus.

1. Korint 5:13

Kot epwe apwüngü chokewe mi nonom lükün. Pun iei usun a mak lon ekewe Toropwe mi Pin, “Oupwe atowu ewe aramas mi föföringau seni lon ämi we mwich.”

2. Tesalonika 2:8

Mürin ewe Aramas mi Tipis epwe pwäla. Nge lupwen ach Samol Jesus epwe war epwe niela i ren enienin ngasangasan mi towu seni awan o amüchala ren lingen an war.

1. Samuel 24:13

Usun mwiitunen ekewe re lom a apasa, ‘Eman aramas mi ngau chök a föri föför mi ngau.’ Nge ngang üsap fokun angetä womw.