Ester 7:10 - Chuukese Bible

¹⁰ Iwe, ewe king a apasa, “Oupwe forusi Haman won.” Iei mine ra forusi Haman won ewe irä i a fen amolätä fän iten Mortokai. Mürin, än ewe king song a kisikisitiu.

Ester 7:10 Iomraidhean Croise

Keneses 40:22

Nge ewe meilapen chon umuni anan pilawa a aitiuätä won efoch irä, usun Josef a fen aiti ngeniir.

Ester 2:1

Ekoch fansoun mürin, lupwen än ewe king Asuworos song a kisikisila, a chechemeni Fasti me mine a föri ngeni, a pwal chechemeni ewe allük a fis fän itan.

Ester 5:14

Iwe, Seres pwülüan we me chiechian kewe meinisin ra üreni, “Kopwe amolätä efoch irä mi tam, ükükün langataman fik me limu fiit. Nge lesosorun lesor kopwe tüngorei ewe king pwe repwe forusi Mortokai won. Mürin kopwe pwapwa le fiti ewe king lon ewe kametip.” Ei pworaus Haman a sani. Iwe, a apasa pwe repwe aüetä ewe irä mi tam.

Ester 7:7

Iwe, ewe king a ütä me lon ewe kametip fän an lingeringer o towu lükün lon ewe lenien irä mi amassawa. Nge Haman a nometiu pwe epwe tüngor manauan seni kiwiin Ester, pun a mefi pwe feiengau epwe tori me ren ewe king.

Ester 7:8

Nge lupwen ewe king a liwin seni ewe lenien irä o tolong lon ewe rumw ia ra kametip ie me mwan, Haman a chapetiu won ewe lenien kon ia Ester a kon ie. Lupwen ewe king a küna ei, a leüömong le apasa, “Ifa usun, ätewe epwe achomanauei ewe kiwiin fän mesei lon püsin imwei?” Nge lupwen ewe king a eäni ekei kapas, nöün kewe chon angang ra pwölüela mesen Haman.

Ester 8:7

Mürin, ewe king Asuworos a üreni kiwiin Ester me Mortokai ewe re Juta, “Nengeni, üa ngeni Ester meinisin mine Haman a eäni, ra pwal forusi won ewe irä pokiten a ekiekin niela ekewe chon Juta.

Ester 9:14

Iei mine ewe king a allük pwe repwe föri ina usun. Iwe, ewe allük a rongofeil lon Susa, nge ekewe engol mwän nöün Haman ra for won irä.

Ester 9:25

Nge lupwen Ester a uwato ewe pworaus fän mesen ewe king, ewe king a makei eu allük pwe än Haman ekiekingau ngeni chon Juta epwe tori püsin inisin, pun i me nöün mwän repwe for won irä.

Hiop 18:8

A püsin fetalelong lon eu cheew, a ipwetä won eu lenien likatup mi wor pwang fan.

Hiop 20:8

Epwe morukula usun chök eu tan, nge sisap chüen küna. Epwe süla usun chök künan eman lepwin.

Kölfel 37:15

Nge repwe mäla ren püsin nöür ketilas, nge ar likapich epwe kup.

Kölfel 7:16

Ar föför esepwüng epwe püsin ukur chök, nge liwinin ar föförün mwäneson epwe püsin küür.

Kölfel 94:23

I epwe liwini ngeniir liwinin ar tipis o aroserela pokiten ar föföringau. Ewe Samol mi Lapalap ach Kot epwe aroserela.

Än Salomon Fos 11:27

Eman mi achocho le föri mine a mürina a kütta chenin me ren Kot, nge ätewe mi kütta mine a ngau epwe küna mine a ngau.

Än Salomon Fos 11:8

Eman chon pwüng a küna ngas seni osukosuk, nge eman aramasangau a chök tolong lon osukosuk.

Än Salomon Fos 26:27

Eman mi tuw eu pwang epwe püsin turutiu lon. Nge eman mi amwökütükütü eföü fau, ewe fau epwe püsin söküniti.

Jeremaia 34:17

Iei mine ngang ewe Samol mi Lapalap üa apasa: Ämi ousap aleasochisiei, pun ousap asilefeili ngasalan pwimi me chon fanüemi. Nengeni, üpwe asilefeili pwe oupwe ngaselong lon ämi oupwe mäla lon maun, ren mätter me lengita. Üpwe föri pwe oupwe och minen eniweniw ngeni chon ekewe mwü meinisin won fanüfan.

Isikiel 5:13

Iei usun üpwe anafa ai song o amüchü ai lingeringer ngenikemi. Nge lupwen epwe wes ai lingeringer, oupwe silei pwe ngang ewe Samol mi Lapalap üa kapas lon ai lukomong.

Taniel 6:24

Mürin, ewe king a pwal apasa pwe repwe emwenato ekewe mwän mi aturu Taniel o atururolong lon ewe pwangen laion, pwal nöür me pwülüer. Iwe, lupwen resamwo tori epin ewe pwang, ekewe laion ra fen turufiir o ocheer meinisin.

Taniel 6:25

Mürin, king Tarius a mak ngeni aramasen fanü me mwü meinisin, pwal ngeni aramas mi eäni sokopaten fos won unusen fanüfan, “Kinamwe mi somwola epwe torikemi.

Sekaraia 6:8

Mürin, ewe chon läng a kapas leüömong ngeniei, “Ekewe oris mi feila ngeni ewe fanü efeng ra amanasösöütiu än ewe Samol mi Lapalap song.”

Soukapwüng 15:7

Samson a üreniir, “Ika iei usun mine oua föri, üpwe pwon fän akapel pwe üsap ükütiu le afeiengauakemi tori üpwe wes le ngenikemi chappen ämi föför.”