Ester 6:3 - Chuukese Bible

³ Iwe, ewe king a ais, “Met sokun liwin Mortokai a angei fän iten ei föför?” Nge nöün ewe king kewe chon angang ra pälüeni, “Esap fokun wor och mine a angei.”

Ester 6:3 Iomraidhean Croise

Keneses 40:23

Nge ewe meilapen chon amolätä ünümen Farao esap chüen chechemeni Josef, pwe a manlükala.

1. Kronika 11:6

Tafit a üra, “Iö epwe akomwen niela ekewe chon Jepus, epwe meilapen ekewe mwichen sounfiu.” Iwe, Joap nöün Seruia we mwän a akomwen nirela, iei mine a wiseni ewe wisen meilap.

Ester 6:2

Iwe, ra küna pwe a mak usun Mortokai a pwärätä pwe Piktan me Teres ra ekiekin niela king Asuworos. Ir me ruoman nöün ewe king chon angang ra wisen mamasa ewe lenien tolong ngeni imwen ewe king.

Ester 6:4

Mürin, ewe king a ais, “Iö a nom lükün?” Lon ewe otun Haman a tolong lon ewe leni lükün imwen ewe king, pwe epwe churi ewe king o tüngor an epwe forusi Mortokai won ewe irä a amolätä fän itan.

Än Salomon Afalafal 9:15

Iwe, lon ewe telinimw a wor eman mwän mi wöüngau, nge a mirit. Ren an mirit a amanaua chon ewe telinimw. Nge esap wor eman a chechemeni ewe mwän mi wöüngau me mürin.

Taniel 5:16

Nge üa rong pwe en ka tongeni awewei mettoch o pwäri mine a monomon. Iwe, are kopwe tongeni aleani ei mak o awewe ngeniei wewen, üpwe fang ngonuk üfen king mi parochol o amwärämwäralong fän uom epa mwärämwär seni kolt, üpwe pwal seikuketä pwe kopwe nampa ülüngat le nemenem lon mwüi.”

Taniel 5:29

Mürin, Pelsasar a apasa pwe repwe aüföüfa ngeni Taniel echö üfen king mi parochol o amwärämwäralong fän üan epa mwärämwär seni kolt. Iwe, pworausen Taniel a rongofeil pwe epwe nampa ülüngat le nemenem lon mwün Pelsasar.

Taniel 5:7

Iwe, ewe king a kökkö fän leüömong pwe repwe emwenato ekewe sourong, ekewe souürür me ekewe soupwe. Nge lupwen ra feito, ewe king a üreniir, “Iö leimi epwe tongeni aleani ei mak o awewe ngeniei wewen, üpwe fang ngeni üfen king mi parochol, epwe pwal mwärini epa mwärämwär seni kolt fän üan. Iwe, epwe nampa ülüngat le nemenem lon mwüi.”