Ester 6:12 - Chuukese Bible

¹² Mürin Mortokai a liwiniti asamalapen imwen ewe king. Nge Haman a müttir liwiniti imwan o pwölüela möküran fän an letipeta.

Ester 6:12 Iomraidhean Croise

2. Samuel 15:30

Iwe, Tafit a feitä won palen ewe chukun Olif nge kechü, esap ipweip sus, a pwal pwölü möküran asisilen an letipeta. Nge pwal ekewe aramas meinisin mi eti ra pwölü mökürer, ra feitä nge kechü.

2. Samuel 17:23

Nge lupwen Ahitofel a mefi pwe resap aleasochisi an öüröür, a rietä an lenien mot won waan aas o feila lon imwan lon puputän an telinimw. Iwe, a akotöchü lon imwan, mürin a forusala. Iei usun Ahitofel a mäla, nge ra peiaseni lon peiasen saman we.

1. King 20:43

Mürin, ewe kingen Israel a liwinla leimwan me lon Samaria fän chou me song.

1. King 21:4

Iwe, Ahap a liwiniti imwan fän chou me song pokiten än Napot kapas ngeni pwe esap mwüt ngeni fanüan me won an kewe lewo. Iwe, a konola won an peet o kulu ngeni etip, esap pwal mochen mongö.

1. King 21:6

Iwe, Ahap a üreni, “Üa kapas ngeni Napot, pwe epwe ngeniei an tanipin wain pwe üpwe möni won moni, ika üpwe siwili ngeni pwal eu tanipin wain, are a tipeeu ngeni. Nge i a pälüeni pwe esap ngeniei.”

2. Kronika 26:20

Lupwen ewe souasor mi lap Asaria me ekewe souasor meinisin ra nenengeni, ra küna pwe a rupun pwötür won chamwan. Iei mine ra müttir asüela lükün, pwal püsin i a müttir le towu, pun ewe Samol mi Lapalap a afeiengaua.

Ester 2:19

Iwe, lupwen ekewe föpwül ra chufengen fän aruuan, Mortokai a fil me ren ewe king pwe epwe eman nöün nöüwis.

Ester 6:11

Iwe, Haman a angei ekewe üf o aüföüfa ngeni Mortokai, a pwal amota won ewe oris. Mürin a emwenala lon ewe lenien chulap me lon ewe telinimw o kökkö, “Iei usun mine a fis ngeni eman mwän ewe king a pwapwa le aitöchü.”

Ester 7:8

Nge lupwen ewe king a liwin seni ewe lenien irä o tolong lon ewe rumw ia ra kametip ie me mwan, Haman a chapetiu won ewe lenien kon ia Ester a kon ie. Lupwen ewe king a küna ei, a leüömong le apasa, “Ifa usun, ätewe epwe achomanauei ewe kiwiin fän mesei lon püsin imwei?” Nge lupwen ewe king a eäni ekei kapas, nöün kewe chon angang ra pwölüela mesen Haman.

Hiop 20:5

pwe än ekewe aramasangau mweireir a chök fis lon fansoun mochomoch, nge än chokewe resap aleasochisi Kot pwapwa a fis lon eu chök otun.

Hiop 9:24

Lupwen eu fanü a tolong lepöün ekewe aramasangau, Kot a pwölüela mesen ekewe soukapwüng. Are esap i, iö chök a föri?

1. Samuel 3:15

Iwe, Samuel a konola tori lesosor. Mürin a pwätä o suki asamalapen imwen ewe Samol mi Lapalap. Nge Samuel a niuokus le apworausa ngeni Eli künan.