Ester 6:1 - Chuukese Bible

¹ Lon ei pwin ewe king esap tongeni möür. Iwe, a apasa pwe repwe uwato ewe puken uruwon mwün o aleani me fän mesan.

Ester 6:1 Iomraidhean Croise

Keneses 22:14

Iei mine Apraham a aita ngeni ewe leni “Ewe Samol mi Lapalap epwe amolätä.” Nge tori ikenai aramas ra apasa, “Won chukun ewe Samol mi Lapalap epwe molotä.”

Ester 10:2

Iwe, pworausen meinisin mine ewe king a föri fän an nemenem me an tufich, pwal pworausen än ewe king aitöchü Mortokai ra mak lon puken uruwon ekewe kingen Metia me Persia.

Ester 2:21

Lon ewe fansoun, lupwen Mortokai a föri an angang leasamalapen imwen ewe king, Piktan me Teres, ir nöün ewe king chon angang mi wisen mamasa ewe lenien tolong ngeni imwen ewe king, ra song ngeni ewe king Asuworos o ekiekin niela.

Ester 2:22

Iwe, Mortokai a silei ar ei ekiek o asile ngeni kiwiin Ester, nge Ester a asile ngeni ewe king fän iten Mortokai.

Ester 2:23

Iwe, lupwen ra kütta pwüngün ei pworaus, a pwä pwe a let. Iei mine ra forusi ekewe ruoman mwän won irä. Mürin ra makeelong ei pworaus lon puken uruwon ewe fanü fän mesen ewe king.

Ester 5:8

Are üpwe küna ümöümöch me reöm, en ai king, nge are kopwe mwüt ngeniei ai tüngor o apwönüötä ei mochen, en ai king me Haman oupwe feito lesor ren ewe kametip üpwe amolätä fän itemi. Iwe, lesor üpwe pälüeni mine ka ais ngeniei.”

Aisea 41:17

Iwe, lupwen chon wöüngau me osupwang ra kütta koluk, nge resap küna, lupwen ra kaka pwe chönawer a pwasapwas, ngang ewe Samol mi Lapalap üpwe pälüeni ar iotek o alisiir. Ngang ewe Koten Israel üsap likitirela.

Taniel 2:1

Lon aruuen ierin mwün Nepukatnesar, Nepukatnesar a eäni ekoch tan. Iwe, letipan esap kinamwe ren, esap pwal tongeni maür.

Taniel 6:18

Mürin, ewe king a liwinla lon imwan, nge esap mongö och lon ewe pwin, esap wor och pwapwa a fis lon imwan, esap pwal sile maür.

Malakai 3:16

Mürin, chokewe mi niuokusiti ewe Samol mi Lapalap ra kapasfengen lefiler, nge ewe Samol mi Lapalap a afäliir o aüselinga ar kapas. A wor eu puken achechem me fän mesan, a makelong iten chokewe mi niuokusiti i, ewe Samol mi Lapalap, o chechemeni itan.

Nöün Paulus Toropwe ngeni ekewe Souläng lon Rom 11:33

A ifan me watten wöün Kot! A ifan me alololun an tipachem me silelap! Iö a tongeni awewei an apwüng? Iö a tongeni weweiti an kewe föför?