Ester 5:2 - Chuukese Bible

² Nge lupwen ewe king a küna kiwiin Ester pwe a ütä awenewenen rumwan, a eiti ngeni wokun wokun nemenem mi för seni kolt a nom lepöün, pun Ester a küna ümöümöch me ren. Iwe, Ester a kaneto o atapa ülülen ewe wok.

Ester 5:2 Iomraidhean Croise

Keneses 32:28

Nge ewe mwän a üreni, “Kosap chüen iteni Jakop, pwe kopwe iteni Israel . Pun ka fiu ngeni Kot me aramas, nge en ka win.”

Nehemia 1:11

Ai Samol, kopwe aüselinga ai iotek, pwal än noum kewe chon angang iotek, ir mi pwapwa le meninituk. Kose mochen kopwe atufichiei ngang noum chon angang ikenai o mwüt ngeniei pwe üpwe küna ümöümöch me ren ei king.” Lon ei fansoun ngang eman chon amolätä ünümen ewe king.

Ester 2:9

Iwe, Hekai a tongei Ester o kirikiröch ngeni. A amüttiri pwe repwe föri ewe angangen epit ngeni, a pwal ngeni wisan mongö. Iwe, a awisa füman föpwül seni chon angangen ewe imwen king, pwe repwe angang ngeni o alenieer lon eu leni mi mürina lon ewe imwen fefin.

Ester 4:11

“Nöün ewe king chon angang meinisin, pwal aramas meinisin mi nom fän nemenien ewe king ra silei pwe ika eman mwän ika eman fefin epwe tolong fän mesen ewe king, nge esap mwo köri, ewe aramas epwe chök mäla, pun epwe küüw pwüngün ewe allük. Nge are ewe king epwe eiti ngeni eman wokun wokun nemenem mi för seni kolt, ewe aramas epwe manau. Iwe, ewe king esap chüen köriei pwe üpwe feila ren lon ükükün ilik rän.”

Ester 8:4

Iwe, ewe king a eiti ngeni Ester wokun wokun nemenem mi för seni kolt. Iei mine Ester a ütä o ü fän mesen ewe king.

Kölfel 116:1

Üa echeni ewe Samol mi Lapalap, pun a rongorong mweliei o aüselinga ai kewe tüngor pwe epwe ümöümöch ngeniei.

Än Salomon Fos 21:1

Leluken eman king a nom lepöün ewe Samol mi Lapalap. A emwenifetalei usun chök an afetala eu chanpupu ia a mochen afetalala ie.

Föför 10:4

Kornelius a newenewen ngeni lon an niuokus o aisini, “Ai samol, met ka mochen?” Ewe chon läng a pölüeni, “Kot a etiwa om iotek me om alisi ekewe chon wöüngau o a chechemenuk.

Föför 7:10

o amanaua seni an kewe riaföü meinisin. Iwe, Kot a ngeni Josef mirit o atufichi i pwe epwe küna chen me ren ewe kingen Isip. Iei mine Farao a seikätä i pwe epwe wiseni ewe wisen kepina lon unusen Isip o nemeni imwan kewe meinisin.