Ester 4:8 - Chuukese Bible

⁸ Mortokai a pwal ngeni echö kapiin ewe allük a pwüngüla lon Susa usun ar repwe mäla. Epwe ngeni Ester o awewe ngeni masouan, epwe pwal pesei pwe epwe feila ren ewe king o tüngor an epwe ümöümöch ngeni, epwe pwal tüngor fän iten manauen aramasan.

Ester 4:8 Iomraidhean Croise

Ester 2:20

Nge Ester esap pwärätä pwe i eman lein ekewe chon Juta, usun mine Mortokai a allük ngeni. Pun Ester a aleasochisi Mortokai usun chök a aleasochisi, lupwen a chüen nom ren.

Ester 4:9

Iwe, Hatak a liwinla ren Ester o apworausa ngeni mine Mortokai a üreni.

Ester 8:6

Pun ifa usun, epwe tufich ngeniei pwe üpwe nengeni ewe feiengau epwe tori aramasei? Are ifa usun, üpwe tongeni nengeni mälan ai famili?”

Hiop 9:15

Inamwo ika üa pwüng, nge üsap tongeni pälüeni. Üa chök tongeni tüngor ngeni Kot ai we soukapwüng, pwe epwe ümöümöch ngeniei.

Kölfel 122:6

Oupwe tüngor pwe epwe wor kinamwe lon Jerusalem, “Amwo chokewe mi echenuk repwe feiöch.

Än Salomon Fos 21:1

Leluken eman king a nom lepöün ewe Samol mi Lapalap. A emwenifetalei usun chök an afetala eu chanpupu ia a mochen afetalala ie.

Än Salomon Afalafal 10:4

Are om samol a song ngonuk, kosap püsin towu seni wisom. Pun eman mi mosonoson a tongeni aükätiu och mwäl mi watte.

Föför 12:20

Iwe, Herotes a fokun song ngeni ekewe chon Tirus me Siton. Iei mine ekoch me leir ra tipeeufengen o feila pwe repwe churi Herotes. Ra akomwen aliapa Plastus, eman nöün ewe king nöüwis mi wisen nemelapei imwan, pwe epwe nom lon pekiir. Mürin ra feila ren Herotes o tüngor an epwe kinamwe ngeniir, pun ir me aramasen fanüer ra angei aner mongö seni fanüen ewe king.

1. Timoty 6:13

Üa allük ngonuk mwen mesen Kot mi fang manau ngeni mettoch meinisin, pwal mwen mesen Kraist Jesus mi pwora le pwärätä an lükülük mwen mesen Pontius Pilatus,

1. Timoty 6:17

Kopwe allük ngeni ekewe mi pisekisek lon mettochun ei fanüfan pwe resap lamalamtekia. Resap pwal anomu ar apilükülük won wöür epwe morola, nge repwe apilükülükü Kot mi fangesom ngenikich mettoch meinisin pwe sipwe feiöch ren.