Ester 4:4 - Chuukese Bible

⁴ Iwe, lupwen nöün Ester chon angang fefin me ekewe chon angang mwän ra feito ren o apworausa usun mine Mortokai a föri, kiwiin Ester a fokun weitifengeni. Iwe, a tinala üf ren Mortokai pwe epwe pwilitawu üfan seni tuk o üföüfolong. Nge Mortokai esap mochen angei.

Ester 4:4 Iomraidhean Croise

Keneses 37:35

Iwe, nöün kewe mwän me fefin meinisin ra sotun achipa, nge Jakop esap mochen chipila. Iwe, a üra, “Lon ai letipeta üpwe feitiu lon lenien sotup ren nei ät.” Iei usun Jakop a kechüeiti Josef.

2. King 9:32

Nge Jehu a netä ren ewe asammwacho o kökkötä, “Iö a nom won peki, iö a nom won peki?” Iwe, ruoman ika ülüman chon angang lon imwen king ra nenetiu ren.

Ester 1:12

Nge lupwen ekewe chon angang ra asile ngeni kiwiin Fasti än ewe king we allük, neminei esap mochen. Ren ei ewe king a wesewesen lingeringer o fokun song.

Ester 4:3

Iwe, lon iteiten sop meinisin ia än ewe king allük a tori ie, a fis letipeta lein ekewe chon Juta. Ra echikefel, ra kechü o ngüngüres, nge chomong leir ra üföüf üf seni tuk o mot lon falangen ekkei.

Ester 4:5

Mürin, Ester a körato Hatak, eman nöün ewe king kewe chon angang mi wisen tümwünü Ester. A tinala ren Mortokai pwe epwe aisini met popun a föri ei.

Kölfel 77:2

Lon ränin ai riaföü üa kütta ewe Samol. Lepwin üa aitietä pei lupwen ai iotek, nge üsap chipwang. Nge letipei esap tongeni chip.

Aisea 56:3

Iwe, eman chon ekis mi chiechi ngeni nöün ewe Samol mi Lapalap aramas esap apasa, “Ewe Samol mi Lapalap esap mwüt ngeniei ai üpwe choni nöün kewe aramas.” Nge eman mwän esap tongeni nöünöü esap pwal apasa, “Ngang üa chök wewe ngeni efoch irä pwas.”

Jeremaia 31:15

Iei alon ewe Samol mi Lapalap, “Aramas ra rongorong akürangen ngüngüres me kechüangau me lon Rama. Rahel a kechüeiti nöün kana. Esap mochen chipila, pun resap chüen nom.

Föför 8:27

Iei mine Filip a feila, nge won ewe al a churi eman re Itiopia, i eman ätelipich mi reirei, eman nöüwis mi tekia nöün ewe kiwin Kantake seni Itiopia, a tümwünü pisekin mi aüchea me nöün moni meinisin. Ei mwän a feila Jerusalem pwe epwe fel ngeni Kot,

1. Samuel 8:15

Epwe pwal angei eu leengolun föün fotämi wiich me wain o ngeni nöün kewe meilap me nöün kewe nöüwis.