Ester 4:3 - Chuukese Bible

³ Iwe, lon iteiten sop meinisin ia än ewe king allük a tori ie, a fis letipeta lein ekewe chon Juta. Ra echikefel, ra kechü o ngüngüres, nge chomong leir ra üföüf üf seni tuk o mot lon falangen ekkei.

Ester 4:3 Iomraidhean Croise

Ester 1:1

Ei pworaus a fis lon ränin manauen Asuworos, i ewe Asuworos mi nemeni ipükü rüe me fisu sop seni Intia tori Itiopia.

Ester 3:12

Mürin, Haman a körifengeni nöün ewe king soumak meinisin lon engol me ülüngatin ränin ewe aeuin maram, pwe repwe makei mine i a allük ngeniir. Iwe, ra makeela ren nöün ewe king kewe nöüwis mi tekia, ren kepinan ekewe sop pwal ren samolun aramas meinisin, nge ra makei lon en me maken fanüan me fosun fanüan. Iwe, ekewe toropwe ra sain iten ewe king Asuworos o impwang ren nöün we ringen impwang.

Ester 4:16

“Kopwe feila o achufengeni ekewe chon Juta mi nom lon Susa o echikefel fän itei. Ousap mongö ika ün lerän me lepwin lon ükükün ülüngat rän. Nge ngang me nei chon angang fefin aipwe pwal echikefel usun ämi. Mürin üpwe feila ren ewe king, inamwo ika üpwe purätiu ewe allük. Iwe, ika üpwe mäla, üpwe chök mäla.”

Ester 4:2

Mürin a feila ren asamalapen imwen ewe king, nge esap tolong lon, pun esap wor eman a tongeni tolong lon asamalapen imwen ewe king fän üfan seni tuk.

Ester 4:4

Iwe, lupwen nöün Ester chon angang fefin me ekewe chon angang mwän ra feito ren o apworausa usun mine Mortokai a föri, kiwiin Ester a fokun weitifengeni. Iwe, a tinala üf ren Mortokai pwe epwe pwilitawu üfan seni tuk o üföüfolong. Nge Mortokai esap mochen angei.

Ester 9:31

A pwal mak pwe repwe föri pwüngün ekei ränin Purim a afat me lon ar kewe räninipin, usun Mortokai ewe re Juta me kiwiin Ester ra allük ngeniir, pwal usun chon Juta ra püsin eäni allük fän iter me mwirimwirir. Repwe föri pwüngün ekei rän, usun ra föri pwüngün ekewe ränin echikefel me ngüngüres.

Hiop 2:8

Iwe, Hiop a mot lon falangen ekkei, a angei emök mökkün rume o apwerika ngeni.

Aisea 22:12

Lon ewe fansoun Kot ewe Samol mi Unusen Manaman a ürenikemi pwe oupwe kechü o ngüngüres, oupwe pwal fichi möküremi o üföüf üf seni tuk.

Aisea 22:4

Iei mine üa apasa, “Ousap nenengeniei, nge oupwe chök mwüt ngeniei pwe üpwe kekechü. Ousap pwal sotuni le achipaei, pun üa kechüeiti nei aramas kana mi küna feiengau.”

Aisea 58:5

Ifa usun, üpwe tipeni ei sokun echikefel, eu rän aramas ra püsin ariaföüüür lon? Ifa usun, repwe amwarorou mökürer usun efoch wowo o kon won mangaku seni tuk me falangen ekkei? Are ifa usun, oua aita ngeni echikefel ei sokun, ika oua ekieki pwe üa efich ei sokun lapalap?

Isikiel 27:30

ra leüömong le ngüngüres usum o kechüangau. Iwe, ra uwätä pwül won mökürer o fares lon falangen ekkei.

Taniel 9:3

Iwe, üa sachetä ngeni Kot ewe Samol lon ai iotek o tüngormau fän ai echikefel, üa pwal üföüf üf seni tuk o mot lon falangen ekkei.

Sona 3:6

Nge lupwen ewe pworaus a tori ewe kingen Ninifa, a ütä seni an lenien motun king, a pwilitawu üfan üfen king o üföüf üf seni tuk, a pwal mot lon falangen ekkei.

Mateus 13:42

Repwe atururelong lon ewe lenien ekkei ia repwe pupuchör o akarüngi ie.

Mateus 22:13

Mürin ewe king a üreni ekewe chon angang, ‘Oupwe föti pöün me pechen ei mwän o aturawu lon rochopwaken lükün. Ikenan epwe pupuchör o akarüngi.’”

Mateus 25:30

Nge ren ei chon angang mi lomotongau, oupwe aturawu lükün lon ewe lenien rochopwak. Ikenan epwe pupuchör o akarüngi ie.’

Josua 7:6

Mürin, Josua me ekewe souakomwen Israel ra kamwei üfer, ra chapetiu lepwül mwen än ewe Samol mi Lapalap we pworofel tori lekuniol. Ra pwal tukotuketä won mökürer pwül moromor pwe asisilen ar letipeta.

1. Samuel 11:4

Lupwen ekewe chon künö ra tori Kipea än Saul telinimw, ra apworausa ei pworaus ngeni ekewe aramas. Mürin, ekewe aramas meinisin ra kechü fän leüömong.