Ester 4:16 - Chuukese Bible

¹⁶ “Kopwe feila o achufengeni ekewe chon Juta mi nom lon Susa o echikefel fän itei. Ousap mongö ika ün lerän me lepwin lon ükükün ülüngat rän. Nge ngang me nei chon angang fefin aipwe pwal echikefel usun ämi. Mürin üpwe feila ren ewe king, inamwo ika üpwe purätiu ewe allük. Iwe, ika üpwe mäla, üpwe chök mäla.”

Ester 4:16 Iomraidhean Croise

Keneses 18:19

Iwe, üa fen afili pwe epwe aiti ngeni nöün me chon leimwan me mwirimwirin kana usun ar repwe aleasochisiei o föri mine a pwüng me wenechar. Iwe, are repwe föri iei usun, ngang ewe Samol mi Lapalap üpwe atoto won Apraham mine üa fen pwon ngeni.”

Keneses 43:14

Amwo ewe Kot mi Unusen Manaman epwe föri pwe ewe mwän epwe ümöümöch ngenikemi, pwe epwe aliwini ngenikemi pwimi Simeon me Peniamin. Nge are ese chüen wor nei, iwe, sipwe fetei.”

2. Samuel 10:12

Kopwe tipepwora. Sipwe tipen mwän fän iten nöüch aramas, pwal fän iten ekewe telinimwen ach we Kot. Nge ewe Samol mi Lapalap epwe föri mine a öch me ren.”

2. King 7:4

Are sa filätä pwe sipwe tolong lon ewe telinimw, kich sipwe mäla ikenan, pun a wor lengita lon. Nge ika sipwe nom ikei, sipwe pwal mäla. Iei mine sipwe feila lon lenien sounfiun Siria. Are repwe amanauakich, sipwe manau, nge are repwe nikich, sipwe chök mäla.”

2. Kronika 20:3

Mürin, Jehosafat a niuokus, a kütta öüröüran me ren ewe Samol mi Lapalap o asilefeili eu ränin echikefel lemenen unusen ewe fanü Juta.

Esra 8:21

Mürin üa asilefeili me arun ewe chanpupu Ahawa pwe epwe fis eu ränin echikefel, pwe aipwe atekisonakem me fän mesen äm we Kot o tüngor ngeni pwe epwe emwenikem lon äm sai o tümwünükem me nöüm pwal pisekim meinisin.

Ester 4:15

Mürin, Ester a tinala pälüan ngeni Mortokai,

Ester 4:17

Mürin, Mortokai a feila o föri meinisin mine Ester a üreni.

Ester 4:3

Iwe, lon iteiten sop meinisin ia än ewe king allük a tori ie, a fis letipeta lein ekewe chon Juta. Ra echikefel, ra kechü o ngüngüres, nge chomong leir ra üföüf üf seni tuk o mot lon falangen ekkei.

Ester 5:1

Iwe, lon aülüngatin ränin än Ester echikefel a üföüfolong üfan üfen kiwiin, a tolong lon imwen ewe king o üla awenewenen rumwan. Iwe, ewe king a mot won an lenien motun king lon imwan awenewenen ewe asamen tolong.

Ester 9:31

A pwal mak pwe repwe föri pwüngün ekei ränin Purim a afat me lon ar kewe räninipin, usun Mortokai ewe re Juta me kiwiin Ester ra allük ngeniir, pwal usun chon Juta ra püsin eäni allük fän iter me mwirimwirir. Repwe föri pwüngün ekei rän, usun ra föri pwüngün ekewe ränin echikefel me ngüngüres.

Aisea 22:12

Lon ewe fansoun Kot ewe Samol mi Unusen Manaman a ürenikemi pwe oupwe kechü o ngüngüres, oupwe pwal fichi möküremi o üföüf üf seni tuk.

Jeremaia 36:9

Iwe, lon alimuen ierin mwün Jehoiakim ewe kingen Juta nöün Josia we mwän, lon ewe atiuen maram, ekewe chon Jerusalem me ekewe aramas meinisin mi feito Jerusalem seni ekewe telinimwen Juta ra föri ar ränin echikefel me fän mesen ewe Samol mi Lapalap.

Taniel 2:18

A pwal pese ngeniir pwe repwe tüngor ngeni ewe Koten läng an ümöümöch, pwe epwe pwäri ngeniir ewe monomon o amanaueer, pwe resap ninnila fiti ekewe soutipachemen Papilon.

Mateus 12:40

Pun usun Sona a nom lon luken ewe ik mi watte lon ükükün ülüngat rän me ülüngat pwin, iei usun Nöün Aramas epwe nom leutun fanüfan lon ükükün ülüngat rän me ülüngat pwin.

Lukas 9:24

Pun iö a mochen amanaua püsin manauan epwe pöüt seni, nge iö a likitala manauan fän itei epwe amanaua manauan.

Johannes 19:22

Nge Pilatus a pölüeni, “Met üa makkei, ina chök met epwe nom.”

Föför 10:7

Iwe, lupwen ewe chon läng a feila seni, Kornelius a köri ruoman me lein nöün kewe chon angang me eman sounfiu mi niuokusiti Kot, eman me lein ekewe mi angang ngeni.

Föför 20:24

Nge manauei esap aüchea ngeniei. Üa chök mochen awesala ai kitir o awesöchüela ewe angang ach Samol Jesus a ngeniei pwe üpwe föri. Iei ewe angang ai üpwe pwärätä ewe Pworausen Manau usun ewe ümöümöchün Kot.

Föför 21:13

Mürin Paulus a pölüeni, “Pwota oua kechü o atai letipei? Ngang üa molotä sap ngeni chök ai üpwe föfö, nge pwal ngeni ai üpwe mäla lon Jerusalem fän iten ach Samol Jesus.”

Föför 27:33

Me mwen an epwe ränila, Paulus a tüngor ngeniir meinisin pwe repwe mongö och. A üra, “A ükükün engol me rüanü pwinich iei ach sia witiwiti lon, nge ei ükükün fansoun ousap fokun mongö och.

Föför 9:9

Lon ükükün ülüngat rän Saul esap tongeni küna mwan, esap pwal mongö ika ünümi och lon ena fansoun.

Nöün Paulus Toropwe ngeni ekewe Souläng lon Rom 16:4

Ra amoleeretä pwe repwe ninnila fän itei. Üa fokun kilisou ngeniir, nge sap ngang chök, pwe pwal chon ekewe mwichefelin chon lükün Israel meinisin.

Filipi 2:30

pun a fangala manauan o arapakan ngeni an epwe mäla fän iten än Kraist angang, pwe epwe siwilikemi le alisiei, lupwen ämi ousap tongeni.

Josua 24:15

Nge ika ousap mochen angang ngeni ewe Samol mi Lapalap, ikenai oupwe filätä iö oupwe angang ngeni. Oupwe filätä ika oupwe angang ngeni ekewe kot ämi kewe lewo ra angang ngeniir me lon ewe fanü pekilan ewe chanpupu Oifrat, ika än chon Amor kewe kot mine fanüer we oua nom lon. Nge ngang me chon leimwei, äm aipwe angang ngeni ewe Samol mi Lapalap.”

1. Samuel 19:5

Pun a fangala manauan, lupwen a niela Koliat, nge ewe Samol mi Lapalap a afisi eu win mi lapalap fän iten chon Israel meinisin. En ka küna o fokun pwapwa ren. Pwota ka mochen tipis ngeni Tafit, eman mwän esap wor an tipis, ren om ekiekin niela, nge esap wor popun?”