Ester 4:14 - Chuukese Bible

¹⁴ Pun are ka fanafanala lon ei fansoun, alilisin me ngasalan chon Juta epwap fis seni pwal eu leni. Nge en me aramasom oupwe mäla. Eli fen iei popun ka wiseni ewe wisen kiwiin fän äsengesin ei sokun lapalap mi fis lon ei fansoun?”

Ester 4:14 Iomraidhean Croise

Keneses 22:14

Iei mine Apraham a aita ngeni ewe leni “Ewe Samol mi Lapalap epwe amolätä.” Nge tori ikenai aramas ra apasa, “Won chukun ewe Samol mi Lapalap epwe molotä.”

2. King 13:5

Iwe, ewe Samol mi Lapalap a fang ngeni chon Israel eman chon amanau mi angaserela seni ekewe chon Siria. Iei mine ekewe aramasen Israel ra nonom lon lenier fän kinamwe usun me lom.

2. King 19:3

Iwe, ra üreni, “Iei alon Hiskia: Ei rän eu ränin riaföü me apwüng me itengau. Iwe, aia usun chök eman fefin a tori fansoun an epwe nöünöü, nge esap wor an pöchökül an epwe nöünätiu nöün.

Esra 9:9

Iei mwo än aramas nöünikem amanau, nge en äm Kot kosap likitikeemila lon äm riaföü. Ka föri pwe ekewe kingen Persia ra eäni kirikiröch ngenikem, pwe ra mwüt ngenikem pwe aipwe manau o aüsefälietä imwomw we imwenfel mi tala, ra pwal mwüt ngenikem pwe aipwe nom lon Juta me Jerusalem fän kinamwe.

Nehemia 6:11

Nge üa üra, “Ngang eman mwän, üsap sü. Ifa usun, eman mwän usun ngang epwe opolong lon ewe imwenfel pwe epwe manau? Üsap tolong.”

Ester 2:15

Nge lupwen a tori fansoun pwe Ester epwe tolong ren ewe king, esap tüngor och mettoch lükün mine Hekai nöün ewe king chon angang a öüra ngeni, ewe mi wisen tümwünü ekewe fefin. Iwe, Ester a küna chenin me ren chokewe meinisin mi küna. Ester nöün Apihail föpwül, fefinen Mortokai, ätewe a angei pwe a usun chök eman nöün.

Ester 2:17

Ewe king a sani Ester lap seni ekewe föpwül meinisin, Ester a pwal küna chen me kirikiröch me ren lap seni ekewe föpwül meinisin. Iwe, ewe king a isetä ewe mwärin kiwiin won möküran o seikätä lon wisan wisen kiwiin, pwe epwe siwili Fasti.

Ester 2:7

Iwe, a wor eman nöün pwin semen Mortokai itan Hatasa, a pwal iteni Ester, Mortokai a angei o tümwünü, lupwen saman me inan ra mäla, pwe a usun chök eman nöün föpwül. Ei föpwül a fokun liöch o sengesengöch.

Ester 4:13

Mürin, Mortokai a tinala ren Ester mine a eäni pälüen, “Kosap ekieki pwe kopwe towu seni ewe feiengau epwe tori chon Juta meinisin, pokiten ka nonom lon imwen king.

Ester 4:15

Mürin, Ester a tinala pälüan ngeni Mortokai,

Hiop 9:18

Kot esap mwüt ngeniei pwe üpwe ngasangas, nge a amasoua manauei ren riaföü.

Än Salomon Afalafal 3:7

A wor fansoun kamwei mettoch pwal fansoun teifengeniir, a wor fansoun fanafanala pwal fansoun kakapas.

Aisea 49:23

King kana repwe tümwünuk usun eman sam, nge kiwiin repwe oupwu noum usun eman in. Repwe chapetiu fän mesom o chönmongöni pwülün pecheöm. Mürin kopwe silei pwe ngang ewe Samol mi Lapalap. Iwe, chokewe mi apilükülüküei resap lichipüng.

Aisea 54:17

Nge esap wor och pisekin maun epwe tongeni afeiengauok. Iwe, kopwe tongeni pälüeni chokewe meinisin mi atipisuk lon kapwüng. Iei feiöchün nei kewe chon angang me rei, iei usun üa awineer.” Ewe Samol mi Lapalap a kapas.

Jeremaia 30:11

Iwe, ngang üpwe etikemi o amanauakemi. Üpwe fokun arosala chon ekewe mwü ia üa atoropasakemi ie, nge ämi üsap fokun arosakemiila. Üsap likiti ai üpwe apwüngükemi, nge lupwen üpwe apwüngükemi, üpwe apwüngükemi fän aüküköch. Ngang ewe Samol mi Lapalap üa kapas.”

Jeremaia 46:28

Ämi mwirimwirin Jakop nei we chon angang, ousap niuokus, pun ngang üpwe etikemi. Üpwe arosala chon ekewe mwü ia üa asükemiila ie, nge ämi üsap arosakemiila. Üsap tongeni likiti ai üpwe etikemi. Üpwe apwüngükemi fän aüküköch. Ngang ewe Samol mi Lapalap üa kapas.”

Lifitikos 26:42

ngang üpwe chechemeni ai pwon ngeni Jakop, ai pwon ngeni Isaak me ai pwon ngeni Apraham, üpwe pwal chechemeni ewe fanü.

Mateus 16:18

Iei mine üpwe ürenuk Petrus: En eu achau. Iwe, ei achau iei ewe longolong üpwe aüetä ai mwichefel won, nge mäla esap mwo nge tongeni akufu.

Mateus 24:22

Are Kot esap amochomochala ekewe rän, esap wor eman aramas epwe manau. Nge pokiten chokewe a filiiretä a amochomochala ekewe fansoun riaföü.

Tuteronomi 32:36

Pun ewe Samol mi Lapalap epwe apwüngü nöün aramas o tongeäsini nöün kewe chon angang, lupwen a küna pwe esap chüen wor ar pöchökül, esap pwal chüen wor eman lusun, ese lifilifil ika ir amanau ika chon ngas.

Soukapwüng 15:6

Mürin, ekewe chon Filistia ra ais, “Iö a föri ei?” Nge ra pälüeni, “Samson, pwülüen nöün ewe re Timna, pun ra angei seni pwülüan we o apwüpwülüa ngeni chienan.” Iei mine ekewe re Filistia ra feito o kenala ewe fefin me saman we.

1. Samuel 12:22

Ewe Samol mi Lapalap esap pöütikemiila pokiten itan mi tekia, pun a efich pwe ämi oupwe nöün aramas.

1. Samuel 17:29

Iwe, Tafit a ais, “Meta üa föri iei? Üsap mwo nge ais och?”