Ester 4:1 - Chuukese Bible

¹ Iwe, lupwen Mortokai a rong meinisin mine a fis, a kamwei üfan fän an letipeta, a üföüf üf seni tuk o uwätä falangen ekkei won möküran. A pwal feila lukalapen ewe telinimw o kechü me puchör fän leüömong.

Ester 4:1 Iomraidhean Croise

Keneses 27:34

Iwe, lupwen Esau a rong mine saman we a üreni, a fokun kechü lon an letipeta o tüngor ngeni saman, “Kose mochen kopwe pwal afeiöchüei.”

Keneses 37:34

Mürin, Jakop a kamwei üfan fän an letipeta, a üföüfolong echö üf seni tuk o kechüeiti nöün we lon chomong rän.

2. Samuel 1:11

Mürin, Tafit a kamwei üfan, nge nöün kewe aramas mi nom ren ra pwal kamwei üfer.

2. Samuel 13:19

Iwe, Tamar a tukotuketä falangen ekkei won möküran o kamwei üfan mi lingöch, a pwal pwölüela mesan ren pöün o feila nge kechü fän leüömong.

Ester 4:2

Mürin a feila ren asamalapen imwen ewe king, nge esap tolong lon, pun esap wor eman a tongeni tolong lon asamalapen imwen ewe king fän üfan seni tuk.

Ester 4:3

Iwe, lon iteiten sop meinisin ia än ewe king allük a tori ie, a fis letipeta lein ekewe chon Juta. Ra echikefel, ra kechü o ngüngüres, nge chomong leir ra üföüf üf seni tuk o mot lon falangen ekkei.

Hiop 1:20

Mürin, Hiop a ütä, a kamwei üfan fän an letipeta o räisöü möküran, a chapala won pwül o fel ngeni Kot.

Hiop 2:8

Iwe, Hiop a mot lon falangen ekkei, a angei emök mökkün rume o apwerika ngeni.

Hiop 42:6

Iei mine üa püsin atipisiei o ekieksefäl lon pwül me falang.”

Aisea 15:4

Chon Hespon me chon Eleale ra pupuchör pwe chon Jahas ra tongeni rongorong. Iei mine ekewe sounfiun Moap ra puchör, ese chüen wor ar pwora.

Aisea 22:4

Iei mine üa apasa, “Ousap nenengeniei, nge oupwe chök mwüt ngeniei pwe üpwe kekechü. Ousap pwal sotuni le achipaei, pun üa kechüeiti nei aramas kana mi küna feiengau.”

Aisea 37:1

Iwe, lupwen ewe king Hiskia a rong ei pworaus, a pwal kamwei üfan fän an letipeta o üföüfolong üf seni tuk. Mürin a feila lon imwen ewe Samol mi Lapalap.

Aisea 37:2

A tinala Eliakim ewe meilapen chon tümwünü imwen ewe king, Sepna ewe seketeri, pwal ekewe souakom lein ekewe souasor, pwe repwe churi ewe soufos Aisea nöün Amos we, nge ra üföüf üf seni tuk.

Aisea 58:5

Ifa usun, üpwe tipeni ei sokun echikefel, eu rän aramas ra püsin ariaföüüür lon? Ifa usun, repwe amwarorou mökürer usun efoch wowo o kon won mangaku seni tuk me falangen ekkei? Are ifa usun, oua aita ngeni echikefel ei sokun, ika oua ekieki pwe üa efich ei sokun lapalap?

Isikiel 21:11

Iei mine ewe ketilas a ken o molotä. Iei a seim o ken, pwe epwe nom lepöün ewe chon ninni.

Isikiel 21:6

Iei mine kopwe ngüngü, nöün aramas. Kopwe ngüngü fän om letipeta ren weiresin letipom me fän meser meinisin.

Taniel 9:3

Iwe, üa sachetä ngeni Kot ewe Samol lon ai iotek o tüngormau fän ai echikefel, üa pwal üföüf üf seni tuk o mot lon falangen ekkei.

Mika 1:8

Mürin, Mika a üra, “Ren ei üpwe kechü o ngüngüres, üpwe pwilitawu ipwei sus me üfei pwe asisilen ai letipeta. Üpwe wörüwör usun ekewe kolak mi mwacho o ngüngüres usun ekewe machang iter niwanök.

Sefanaia 1:14

Ewe rän mi lap, ränin ewe Samol mi Lapalap a arapoto, a arapoto o müttirito. Oupwe rong! Ränin ewe Samol mi Lapalap epwe eu rän mi weires. Pwal ekewe mwän mi pwora repwe leüömong le puchörüngau.

Mateus 11:21

“Feiengauom Korasim! Feiengauom Petsaita! Are ekewe manaman mi fen fis me lomi repwe fen fis lon Tirus me Siton, ekewe aramas lon ekei telinimw repwe üföüf üf seni tuk me lomlom o amoratiu falang won mökürer, pwe asisilen ar kul seni tipis!

Föför 14:14

Nge lupwen Parnapas me Paulus ra rong mine ra ekiekin föri, ra kamwei üfer, ra sälong lukalapen ewe mwichen aramas o kökkö fän leüömong,

Josua 7:6

Mürin, Josua me ekewe souakomwen Israel ra kamwei üfer, ra chapetiu lepwül mwen än ewe Samol mi Lapalap we pworofel tori lekuniol. Ra pwal tukotuketä won mökürer pwül moromor pwe asisilen ar letipeta.

Pwärätä 11:3

Iwe, üpwe tinala nei kewe ruoman chon pwärätä mi üföüf üf seni tuk, repwe arongafeili än Kot kapas lon ekewe engöröü ruopükü wone rän.”