Ester 3:2 - Chuukese Bible

² Iwe, ewe king a allük pwe nöün kewe nöüwis meinisin repwe fotopwäsuk mwen Haman o asamolu. Iwe, ekewe nöüwis meinisin ra föri iei usun, nge Mortokai esap fotopwäsuk mwan, esap pwal asamolu.

Ester 3:2 Iomraidhean Croise

Keneses 41:43

Iwe, Farao a pwal ngeni Josef aruofochun wan woken pwe epwe wawafeil, nge aramas ra akom mwan o kökkö, “Oupwe chapetiu.” Iwe, ina usun Farao a awisa Josef pwe epwe nemeni unusen ewe fanü Isip.

Ester 2:19

Iwe, lupwen ekewe föpwül ra chufengen fän aruuan, Mortokai a fil me ren ewe king pwe epwe eman nöün nöüwis.

Ester 2:21

Lon ewe fansoun, lupwen Mortokai a föri an angang leasamalapen imwen ewe king, Piktan me Teres, ir nöün ewe king chon angang mi wisen mamasa ewe lenien tolong ngeni imwen ewe king, ra song ngeni ewe king Asuworos o ekiekin niela.

Ester 2:5

Iwe, lon Susa samolun telinimwen ewe fanü a wor eman re Juta seni ewe ainangen Peniamin itan Mortokai nöün Sair, eman mwirimwirin Simei me Kis.

Ester 3:1

Ekoch fansoun mürin, king Asuworos a seikätä Haman nöün Hametata, eman mwirimwirin Akak, pwe epwe lap seni chienan nöüwis meinisin lon wisan.

Ester 3:3

Mürin, nöün ewe king kewe nöüwis mi angang ngeni ra aisini Mortokai, “Pwota ka puri än ewe king we allük?”

Ester 3:5

Lupwen Haman a küna pwe Mortokai esap fotopwäsuk mwan, esap pwal asamolu, a fokun lingeringer.

Ester 5:9

Iwe, lupwen Haman a feil seni ewe kametip, a fokun pwapwa lelukan. Nge mürin a küna Mortokai lon asamalapen imwen ewe king pwe esap ütä me mwan ika chapetiu ngeni, Haman a fokun lingeringeriti.

Kölfel 15:4

A oput eman mi manauangau, nge a asamolu chokewe mi meniniti ewe Samol mi Lapalap, a apwönüetä an pwon a eäni fän akapel, inamwo are a weires ren.

Ekistos 17:14

Mürin, ewe Samol mi Lapalap a üreni Moses, “Kopwe makei ei pworaus lon eu puk pwe aramas repwe chechemeni. Kopwe pwal üreni Josua pwe üpwe fokun arosala ekewe chon Amalek, pwe esap wor eman epwe chechemeniir me won fanüfan.

Ekistos 17:16

A apasa, “Pokiten ekewe chon Amalek ra maun ngeni ekewe chon Israel, ewe Samol mi Lapalap epwe maun ngeni ekewe chon Amalek seni eu täppin aramas tori eu täppin.”

Taniel 2:49

Iwe, pokiten Taniel a tüngor, ewe king a seikätä Satrak, Mesak me Apetneko pwe repwe kisin fän Taniel le nemenem lon ewe sop itan Papilon. Nge Taniel a chök nom lon imwen ewe king.

Tuteronomi 25:19

Iei mine, lupwen ewe Samol mi Lapalap ämi we Kot epwe ngenikemi ewe fanü o asösökemi seni chon oputakemi meinisin mi nom ünükümi, oupwe fokun niela ekewe chon Amalek, pwe esap wor eman epwe chüen chechemeniir. Ousap fokun manlükala mine üa ürenikemi.”

Filipi 2:10

Iwe, chokewe meinisin mi nom won läng me fanüfan pwal failol repwe fotopwäsuk o asamolu ewe it iten Jesus,

1. Samuel 15:3

Iei kopwe feila, kopwe maun ngeni chon Amalek o wesewesen ataela meinisin mine ar. Kosap achikeer, nge kopwe niela mwän me fefin, semirit me ekewe mi chüen oupw, pwal nöür ätemwänin kow me sip, nöür kamel me aas.’”